نفت یئنه اوجوزلاشدی

"برنت" مارکا‌لی نفت گون عرضینده نیسبتن باهالاشدیق‌دان سونرا یئنی‌دن اوجوزلاشیب.

نفت یئنه اوجوزلاشدی

سعودی عربیستانی‌نین اوره تیمی آرتیرماق سیاستی و امریکادا نفت ذخیره لرینین آزالماسی قیمت‌لرین جدی دییشمه‌سینه مانع اولوب.

"برنت" مارکا‌لی نفت گون عرضینده نیسبتن باهالاشدیق‌دان سونرا یئنی‌دن اوجوزلاشیب. بو مارکا‌دان اولان نفتین 1 بوشقاسی حاضردا 77،83 دو‌لاردان، غربی تگزاس نفتی ایسه دیر ایتیره‌رک 73،86 دو‌لاردان ساتیلیر.

نفتین قیمت‌لری بو آی اوپک-ین اوره تیمی آرتیرماق پلانی‌نین لیبی، کانادا و ونزوئلا‌دان قایناق‌لانان نفت کسیرینی آرا‌دان قالدیرمایاجاغی ناراحات‌لیغی ایله سون اوچ ایلین ان یوکسک سویه‌سینه قالخیب. حاضردا قیمت‌لرین اوجوزلاشماسینی ایسته‌ین امریکا پرزیدنتی دونالد ترامپ‌دیر. او، سعودی عربیستانینا تضییق ائدیر کی، اوره تیمی  آرتیرماقلا قیمت‌لری آزالتسین. ترامپ عینی زاماندا اؤلکه‌دکی نفت اوره تیمینی آرتیرماغا چالیشیر.

دونیا نفت بازاریندا باش وئرن بیر چوخ حادثه‌لر ایسه قیمت‌لرین قالخماسی اوچون شرایط یارا‌دیر. لیبی، کانادا و ونزوئلادا یارانان پروبلئم‌لره گؤره بازارا داها آز نفتین چیخاریلماسی، امریکانین ایرانین نفت ساتیشینی بلوکلاماق سیاستی، امریکانین اؤزونده ایسه خام نفت ذخیره لری‌نین سرعتله آزالماسی قیمت‌لری باها‌لاش‌دیرا بیلر.



ایلگیلی‌لی خبرلر