آواریز کندی نین آلمان ساکینی

تورکیه‌نین ادیرنه شهری‌نین آواریز کندی‌نین آلمان ساکینی کند جامات ایله قیسا مدتده قایناییب-قاریشدی، اونلاردان بیری اولدو.

آواریز کندی نین آلمان ساکینی

تورکیه‌نین بیر نئچه شهرینده یاشادیق‌دان سونرا ادیرنه‌نین آواریز کندینه کؤچن آلمانیا‌لی جورنه لیا آرباووی باغچاسیندا میوه و سبزه لرینی اکیر، آریچی‌لیقلا مشغول اولا‌راق بال الده ائدیر.

ساخلادیغی حیوان‌لارا دا باخان آرباووی آتا مینیر، رسم چکیر، کند قهوه‌خاناسینا گئده‌رک بورادا هم اینترنته گیریر، هم ده کند ساکین‌لری ایله صحبت ائدیر.

آرباووی اوزون ایللر آلمانیادا یاشادیق‌دان سونرا تورکیه‌یه گلدیگیندن، ایستانبولدا بیر مدت ایشله‌دیک‌دن سونرا شهر حیاتین‌دان سیخیلا‌راق فرق‌لی یاشام آختاریشیندا اولدوغون‌دان بحث ائتدی.

آلمانیادا ژورنالیست ایشله‌لدیگینی، خبرلرده چیخان و دونیادا یاشانان پروبلئم‌لری اوخوماق‌دان بئزدیگینی بیلدیرن آرباووی تورکیه‌ده دینج و خوشبخت حیات تاپدیغینی سؤیله‌دی.

ادیرنه‌ده ائولندیگی تورک حیات یولداشی ایله آواریز کندینه کؤچدوگونو دئین آرباووی کندده چوخ ساکیت بیر حیاتی اولدوغونو وورغولایا‌راق:" ائولییم، بورادا کیچیک بیر باغچامیز وار. بیزیم زنگینلیگیمیز دینج‌لیک و ساغلام حیات‌دیر. کندلی‌لرله آرامیز چوخ یاخشی‌دیر، اونلار دا بیزه دستک اولورلار. تورپاغی چوخ سئویرم، چونکی هر شئیی بیزه هاوایی وئریر. من بو کندده یاشاماغی چوخ سئویرم" دئدی.

تورک و آلمان مدنیت‌لری آراسیندا کؤرپو اولماق ایستیینی دیله گتیرن آرباووی تورکیه‌ده "خاطره‌لر" آدلی ادبیات و شعر موسابیقه‌سی تشکیل ائتدیگینی بیل‌دیره‌رک: " بو لاییحه منیم اوچون مدنیتلراراسی بیر کؤرپودور. هر کسین بیر حکایه‌سی وار. بو حکایه‌لردن آلمانیادا دا بحث ائتسک، عرقچیلیگین، اون یارغینین آرا‌دان قالخماسینا کؤمک ائدریک. خاطره‌لرله سئوگی کؤرپوسو یاراتماق ایستییرم" دئدی.

سارتوریا ادبیات آکادمیسی‌نین سئچدیگی ان یاخشی خاطره‌لرین آنتولوگیا شکلینده چاپ اولونماسینا تحفه وئرجگینی سؤیله‌ین آرباووی اینسان‌لاری خاطره‌لرینی یازیب گؤندرمه‌یه چاغیردی.



ایلگیلی‌لی خبرلر