آخیسکا سورگونو 73.جو ایلینده

"آخیسکا تورک‌لری‌نین یاشادیق‌لاری اؤلکه‌لرین یانی سیرا آنا وطن‌لرینده راحاتلیق و باریش ایچری‌سینده حیات‌لارینی داوام ائتدیرمه‌لرینی آرزو ائدیریک"

آخیسکا سورگونو 73.جو ایلینده

تورکیه، آخیسکا تورک‌لری‌نین سورگون ائدیلیشلرینی حوزونله آندیغینی بیلدیردی.

خاریجی ایشلر باخانلیغین‌دان، آخیسکا تورک‌لری‌نین اؤز آنا وطن‌لری آخیسکادان سورگونه گؤندریلمه‌لری‌نین 73.جو ایلینه دایر وئریلن یازی‌لی آچیقلامادا، 4 نوامبر 1944ده، چوخو اوشاق، قادین و یاش‌لی‌لاردان اولوشان 100 مینه یاخین آخیسکا تورکونون، آنا وطن‌لری اولان گورجوستانین آخیسکا بؤلگه‌سین‌دکی ائولرین‌دن سووئت‌لر بیرلیگی ایچینده مین‌لرجه کیلومتر اوزاقدا یئرلشن بؤلگه‌لره سورگون ائدیلدیک‌لری خاطیرلادیلدی.

سورگونون یول آچدیغی آغیر شرط‌لر، آجلیق، باخیم‌سیزلیق و خسته‌لیک‌دن دولایی بیر چوخ آخیسکا تورکونون حیاتینی ایتیردیگی، بیر چوخونون دا داغیلدیقلاری یئرلرده بؤیوک اذیت و چتین‌لیک‌لرله قارشیلاشدیغی بیلدیریلن آچیقلامادا، بون‌لار قید ائدیلدی:

"بو تراژیک حادثه‌نی 73.جو ایل‌دؤنومونده بؤیوک بیر حوزونله آنیر، سورگون سیراسیندا حیاتینی ایتیرن قارداش‌لاریمیزا الله‌دان رحمت دیله‌ییریک. دوققوز آیری اؤلکه‌ده سایی‌لاری یاریم میلیونا چاتان آخیسکا تورک‌لری‌نین وضعیتینی یاخین‌دان تعقیب ائدیر و لازیم اولان دستگی وئریریک. آخیسکا تورک‌لری‌نین آنا وطن‌لری آخیسکایا گئری دؤنوش پروسه‌سی‌نین اوغورلا سونا چاتماسینی، آخیسکا تورک‌لری‌نین یاشادیق‌لاری اؤلکه‌لرین یانی سیرا آنا وطن‌لرینده راحاتلیق و باریش ایچری‌سینده حیات‌لارینی داوام ائتدیرمه‌لرینی آرزو ائدیریک. تورکیه، هارادا اولورسا اولسون، آخیسکا تورک‌لری‌نین یانیندا اولماغا داوام ائده‌جک‌دیر".



ایلگیلی‌لی خبرلر