قاراباغ سورونونو دانیشدیلار

آذربایجان خاریجی ایشلر باخانی ائلمار محمدیاروو، ارمنی قونومداشی ظهراب مناتساکانیان ایله گؤروشدو

قاراباغ سورونونو دانیشدیلار

آذربایجان خاریجی ایشلر باخانی ائلمار محمدیاروو، ارمنی قونومداشی ظهراب مناتساکانیان ایله، ناتو ذیروه‌سی اوچون گئتدیکلری بلژیکین باشکندی بروکسل‌ده بیر آرایا گلدی.

ارمنیستان‌دا خالق حرکتی ایله اولوشان حاکمیت دییشیک‌لیگی و یئنی حکومتین قورولماسیندان سونرا دوزنلنن بو ایلک اوتورومدا آوروپا گوونلیک و امکداش‌لیق تشکیلاتی مینسک قروپو ائش باشقانلاری ایگور پوپوو، استفان ویسکونتی، آندریو شوفر و دؤنم باشقانینین اؤزل نماینده‌سی آندره کاسپرک ایشتیراک ائتدی.

مینسک قروپو ائش باشقانلارینا تشکر ائد‌ن ارمنیستان خاریجی ایشلر باخانی، حمایه‌لرین‌ده مذاکیره دینامیکلرینی سوردورمه ضرورتینه وورغو ائتدی.

گؤروشمه؛ تانیشما و فیکیر مبادیله‌سی چرچیوه‌سینده باش وئردی.

دانیشیقلار پروسه‌سین‌دن باشقا بیر آلتئرناتیو اولمادیغینی قید ائد‌ن طرفلر، بو ایستیقامت‌ده باریشین تشویق ائدیلدیگی بیر آتموسفر اولوشومو، قارشی‌لیق‌لی گوونین گوجلندیریلمه‌سی، گرگین‌لیکلرین آزالدیلماسی یولوندا آددیملار آتیلماسی، آتیشکسین استقراری و سالدیرقان سؤیلملردن وازگئچیلمه‌سی خصوصلارینا توخوندو.

طرفلر داغ‌لیق قاراباغ مناقیشه‌سینین حلی باره‌ده ده فیکیر موبادیله‌سی آپاریدی.

ائش باشقانلار ایسه آذربایجان و ارمنیستان خاریجی ایشلر باخانلارینا گله‌جک پلانلارینی سوندو.



ایلگیلی‌لی خبرلر