پرزیدنت شؤوکت میرزیویئو بینا‌لی ییل‌دیریمی قبول ائدیب

اؤزبکیستان پرزیدنتی میرزیویئو، راضی‌لیق‌لارین حیاتا کئچیریلمه‌سی‌نه یاناشی، بیرگه پروقرام‌لارین و امکداش‌لیق پروژه‌لری‌نین دستکلنمه‌سینه یؤنه‌لیک پارلامنت‌لرین فعال دستگی‌نین اهمیت‌لی اولدوغونو دا دیله گتیردی

پرزیدنت شؤوکت میرزیویئو بینا‌لی ییل‌دیریمی قبول ائدیب

تورکیه بؤیوک میللت مجلیسی باشقانی بینا‌لی ییل‌دیریم، اؤزبکیستان‌داکی رسمی گؤروشمه‌لری چرچیوه‌سینده پرزیدنت شؤوکت میرزیویئو طرفین‌دن قبول ائدیلیب.

پرزیدنت میرزیویئو، قبولدا چیخیشیندا، سیاسی ایراده و بیرگه تلاش‌لار سایه‌سینده، عنعنوی اولا‌راق یاخین و دوست اولان اؤزبک-تورک موناسیبت‌لری‌نین ایستراتژیک طرفداش‌لیق سویه‌سینه چاتدیغینی وورغولایا‌راق، تورکیه ایله اؤزبکیستان آراسیندا موختلیف ساحه‌لرده ایمضا‌لانان آنلاشما‌لارین، بو جور سفرلرله داها گوجلو تمللره اوتورا‌راق، اولوملو ایش بیرلیگینه چئوریلدیگینی سؤیله‌دی.

اؤزبکیستان پرزیدنتی میرزیویئو، راضی‌لیق‌لارین حیاتا کئچیریلمه‌سی‌نه یاناشی، بیرگه پروقرام‌لارین و امکداش‌لیق پروژه‌لری‌نین دستکلنمه‌سینه یؤنه‌لیک پارلامنت‌لرین فعال دستگی‌نین اهمیت‌لی اولدوغونو دا دیله گتیردی.

تورکیه بؤیوک میللت مجلیسی‌نین باشقانی ییل‌دیریم دا سفرده، سون دؤورده اؤزبکیستاندا حیاتا کئچیریلن بؤیوک میقیاس‌لی اصلاحات‌لاری تقدیرله قارشیلادیق‌لارینی بیل‌دیره‌رک، تورکیه‌نین، اؤزبکیستان ایقتیصادینی و سوسیال سکتورونو گلیشدیرمه‌یه یؤنه‌لیک پروژه‌لره هر جور دستک وئرمه‌یه حاضیر اولدوغونو ایفاده ائدیب.

گؤروشمه'ده طرف‌لر، عنعنوی دوستلوق و اوزون مدّت‌لی ایستراتژیک طرفداش‌لیق موناسیبت‌لری‌نین داها دا گوجلنمه‌سینه یؤنه‌لیک فیکیرلرینی تکرارلادی.

تورکیه بؤیوک میللت مجلیسی‌نین باشقانی ییل‌دیریم داها سونرا اؤزبکیستان باش ناظیری عبدالله آریپوو ایله گؤروشه‌رک، ایکیطرف‌لی موناسیبت‌لری موذاکیره ائدیب.

ییلدیریم، همچینین باشکند داشکندده، موستقیل‌لیک و هومانیزم عابده‌سینی زیارت ائده‌رک، بورایا چلنگ قویوب.



ایلگیلی‌لی خبرلر