تورکیه مطبوعاتی اؤزتی 11.10.2018

صاباح: "اردوغان‌دان آفریقایا آرنملی چاغیریش"

تورکیه مطبوعاتی اؤزتی 11.10.2018

 

صاباح: "اردوغان‌دان آفریقایا آرنملی چاغیریش"

جمهورباشقانی رجب طیب اردوغان، آفریقا اؤلکه‌لرینی یئرلی پول ایله اورتاق ایش گؤرمه‌یه چاغیردی. ایستانبول‌دا تورکیه-آفریقا 2.جی اقتصاد و تجارت فورومونون آچیلیشین‌دا چیخیش ائد‌ن اردوغان، "بیز بوتون قاره‌ده دیپلوماتیک وارلیغیمیزی گوجلندیررکه‌ن، آفریقا اؤلکه‌لری ده تورکیه‌ده‌کی دیپلوماتیک نماینده‌لیکلرین ساییلارینی ۱۰دان ۳۳ه چیخاردی. بیرلشمیش میللتلر تشکیلاتی، ایسلام امکداش‌لیق تشکیلاتی کیمی اولوسلارآراسی پلاتفورملاردا تورکیه‌نین کوره‌سل باریش و عدالتین قورولما‌سی اوچون آپاردیغی حاق‌لی مباریزه‌یه آفریقالی دوستلاریمیز گوج‌لو دستک وئردی. آرتیق بوتون آفریقالی دوستلاریما، قارداشلاریما دئییرم؛ یئرلی پول، میلی پوللا گلین اورتاق ایش گؤرک" دئدی.

حریت: "ایستانبول یئنی هاوا لیمانینین بلیتلری ساتیشا چیخاریلیر"

تورک هاوا یوللاری (ت.ه.ی) ایستانبول یئنی هاوا لیمانی اوچون بلیت ساتیشلارینا بیر نئچه گون ایچین‌ده باشلایاجاق. مرکزین رسمی آچیلیش سونراسی ت.ه.ی، تعریفه‌سینی دوزنله‌یه‌بیله‌جگی بعضی ایچ و دیش سفرلری بورادان ائدجک. ساتیشا چیخاریلاجاق خطلر آراسین‌دا ایزمیر، آدانا، آنکارا، آنتالیا، باکی و قوزئی قیبریس تورک جمهوریتینه اولان بعضی سفرلر وار. ایستانبول یئنی هاوا لیمانینین یولچو پایینین یوزده ۷۰ی تورک هاوا یوللارینین اولاجاق. یئنی هاوا لیمانینا بؤیوک داشینما ایسه ۳۰-۳۱ دسامبردا اولاجاق.

وطن: "آتاک یئنی قابیلیتلره قوووشور"

گوونلیک گوج‌لرینین الینده‌کی آتاک هلیکوپترلرینین ساییسی یئنی تحویللر ایله آرتارکه‌ن، قابیلیتلری گلیشدیریله‌جک یئنی هلیکوپترلر اوچون ایشلر ده داوام ائدیر. رابطه و الکترونیک حرب پاکتی باجاریقلاری آرتیریلاجاق، یئنی پروگراملارلا تجهیز ائدیله‌جک فاز-۲ پاکتین‌ده‌کی آتاک هلیکوپترلری اوچون پروتوتیپلر اوزرین‌ده ایشلر باشلادی. آتاک هلیکوپترلری اوچون آیریجا یئرلی موتور گلیشدیریلمه‌سی و ۲۰ م.م سیستمینین یئرلیلشدیریلمه‌سی آماجلانیر.

خبر تورک: "موغلایا گلن توریست ساییسی یوزده ۳۲ آرتدی"

موغلادا ۹ آیدا گلن خاریجی توریست ساییسین‌دا گئچن ایلین عینی دؤورونه گؤره یوزده ۳۲ آرتیش اولدو. موغلا مدنیت و توریزم مودور وکیلی فیلیز کاراجاآغاچ، موغلایا ان چوخ گلن توریست قروپونون اینگیلیسلر اولدوغونا ایشاره ائد‌رک، "موغلایا ان چوخ ۹۰۰ مین ۷۵ نفرله اینگیلیسلر سفر ائتدی. اینگیلیسلری ۳۸۰ مین ۴۸۷ نفرله روسیا، ۱۷۷ مین ۹۴ نفر آلمانیا، ۱۶۸ مین ۱۶۵ نفرله اوکراینا و ۱۳۲ مین ۸۹۵ نفرله لهستاندان گلن قوناقلار ایزله‌دی" دئیه دانیشدی.

استار: "یئرلی و خاریجی قولچاقچیلار باشکندده گؤروشور"

بو ایل ۴.جوسو دوزنله‌نه‌جک اولوسلارآراسی آنکارا قولچاق فستیوالین‌دا ۹ اؤلکه‌دن ۳۶ اویون گؤستریله‌جک. ۱۲-۲۱ اکتبردا گئچیریله‌جک و آنکارا دیل، تاریخ و جغرافیا فاکولته‌سی فارابی سالونون‌دا "سقراط‌ین سون گئجه‌سی" اویونو ایله آچیلاجاق فستیوال چرچیوه‌سین‌ده، سؤیله‌شی‌لر ودارتیشمالار ائدیله‌جک، آتلیه‌لرین یانی سیرا، صنعتچی عایشه اویسال‌ین مینیاتور ایشلرین‌دن اولوشان "قاراگؤز فیگورلاری" سرگی‌سی ده اولاجاق.



ایلگیلی‌لی خبرلر