تورکیه پنجره سیندن اورتادوغو (51)

آوریل 2016دا اعتباراً حلب مخالیف کونترولو آلتین‌داکی بؤلگه‌سینده یاشاماق اؤلومله قول-قولا اولماق‌دان فرق‌سیز ایدی

تورکیه پنجره سیندن اورتادوغو (51)

تورکیه پنجره سیندن اورتادوغو (51)

تخمینن سککیز آی اوّل سوریه‌لی دوکتور اوسامه ابو العز بئله قیشقیریردی: "حلب آرتیق تابوت قیت‌لیغی یاشانیر!"

آوریل 2016دا اعتباراً حلب مخالیف کونترولو آلتین‌داکی بؤلگه‌سینده یاشاماق اؤلومله قول-قولا اولماق‌دان فرق‌سیز ایدی. بو باخیم‌دان 2016ین ایلک آیلاریندا نشراوموش  بیر اولوسلار آراسی عفو تشکیلاتی راپورو اهمیت‌لی معلومات‌لار تقدیم ائدیردی. روسیانین و اسد رژیمی‌نین هاوا گوج‌لری‌نین قصدلی اولا‌راق و سیستماتیک بیر شکیلده خسته‌خانا‌لاری و ساغلیق کلینیکلرینده هدف آلدیغینی ایفاده ائدیردی. اعلان ائدیلن آتشکس اوّلینده و سونراسیندا اسد رژیمی‌نین و روس هاوا گوجلری‌نین اوچاق‌لاری سیستماتیک بیر شکیلده خسته‌خانا و کلینیک‌لری هدف آلدی. اولوسلار آراسی عفو تشکیلاتی وظیفه‌لی‌لرینه گؤره ساغلیق تشکیلات‌لاری و پرسونلینه یؤنلیک بو سالدیریلار ایزلنیلن ساواش ایستراتژیسی‌نین بیر پارچاسی ایدی. اولوسلار آراسی حقوقا ضد اولما‌لاری دا قید ائتمک دئییل.

خسته‌خانا‌لار، الکتریک سانترال‌لاری و ایچمه سویو موسسیسه‌لری روس و اسد رژیمی سالدیریلاری‌نین ایلک هدف‌لری وضعیتینده اولدولار هر سالدیری جهدینده. بونونلا سالدیریا معروض قالان شهر اها‌لی‌سی‌نین آیریلماغا مجبور ائدیلمه‌سی آماچلاندی.

سون بئش ایل ایچینده سوریه‌ده یوزلرله دوکتور اؤلدو. اینسان حاق‌لاری اوچون دوکتور‌لار آدلی بیر قورومون آراشدیرماسینا گؤره، آوریل 2016 قدر سوریه‌ده سون بئش ایل ایچینده تخمینن 730 دوکتور حیاتینی ایتیردی. آیریجا عینی تاریخه قدر 269 ساغلیق قورولوشونا عمومیتده 382 هاوا سالدیریسی تشکیل ائدیلدی. حاقیندا دانیشیلان آراشدیرمانین یایینلانماسیندان دسامبر آیینا قدر کئچن مدت عرضینده ساغلیق تشکیلات‌لارینا 54 سالدیری داها تشکیل ائدیلدی. معلومات‌لار بو سالدیریلارین هئچ بیر شکک-شوبهه‌یه احتیاج بوراخمایا‌جاق شکیلده بیر نورما و تکرارلانان حالینی آلدیغینی گؤسترمکده.

و سونوندا شرق حلب تامامیله اسد رژیمی گوجلری‌نین الینه کئچمیش وضعیتده. بو گلینن نقطه‌ده، اولوسلار آراسی جمعیت آدینا عمومیتله دانیشما حاقینی اؤزونده تاپمیش اولان غرب دونیاسی‌نین بؤیوک مسئولیتی وار. غربین سوریه ایفلاسی او قدر دقته چارپان و دقیق کی، آرتیق پارلامنت‌لرینده بئله آچیقجا دیله گتیریلیر. اسکی اینگیلیس مالیه ناظیری و محافیظه کار پارتی میللت وکیلی جورج اوسبورن بو هفته آوام کامراسیندا ائتدیگی دانیشمادا اؤلکه‌سی و غرب دونیاسی آدینا بو جمله‌لرله بیر اؤزائلشدیریسی ائتدی:

"اگر سوریه‌ده اولان‌لار موضوعسوندا مسئولیتیمیز اولمادیغینا اینانیریساق، بو پارلامنتودا اولان اینسانلار اولا‌راق اؤزوموزو آلدادیریق. حلب فاجعه‌سی، غرب، آمریکا و اینگیلیس لیدرلیگی‌نین یاراتمیش اولدوغو بیر بوشلوقدا اورتایا چیخدی ".

ایکی هفته اوّل ده آلمان فدرال مجلیسیندکی سوریه‌یه باغلی ایجلاسدا دانیشان آلمان فدرال مجلیسی خاریجی ایشلر کومیسیونونون صدری نوربرت رؤتگن، "حلب، غرب خاریجی سیاستی‌نین سون ایللردکی ان بؤیوک فلاکتی‌نین سمبولو" دئمیشدی.

ایکینجی دونیا ساواشیندان نازی‌لرین یاشاتدیغی سویقیریمین بیر داها یاشانماماسی اوچون "اصلا، بیر داها اولمایا‌جاق" دئین‌لر سؤزلرینی تئز اونوتدولار. بنزر تجروبه‌لر فیلیسطینده، بوسنی‌ده، روواندا، حلبچه‌ده و ان سون اولا‌راق دا سوریه‌ده باش وئردی. 2013 اسد رژیمی اؤز خالقینا قارشی شیمیایی سیلاح ایستیفاده ائتدیگینده اعلان ائدیلمیش قیرمیزی خط‌ لرین چوخ کنارینا کئچیلمیشدی. آنجاق غرب دونیاسی شیمیایی سیلاح‌لارین ایستیفاده ائدیلمه‌سینه قارشی لازیم اولان جوابی وئرمک‌دن ایمتیناع ائتدی. و داها پیسی روسیانین قایدا‌لارینی قویدوغو بیر اویون پلانی ایچینده اویناماغی قبول ائتدی. بو وضعیت بو تاریخ‌دن سونرا یاشانان بوتون ساواش گوناه‌لاری‌نین دا قاپی‌سینی آرالادی.

حلب، روسیا هاوا گوجلری‌نین تامین ائتدیگی دستک سونراسیندا تامامیله اسد رژیمی گوج‌لری‌نین الینه کئچدی. آنجاق بو وضعیت، رژیمین گوج‌لو اولدوغونو گؤسترن بیر اینکیشاف دئییل. حلب دوشمه‌سی، روسیانین تامین ائتدیگی دستگین یانیندا ایرانین ایداره ائتدیگی خاریجی میلیتانلارین، عراق‌دان گلن میلیتان گوج‌لرین و حزب الله‌ین تامین ائتدیگی دستک سایه‌سینده اولدو. نئجه کی، رژیم حلب بیر آن اوّل اله کئچیرمه‌یه یوغونلاشیرلارکن پالمیرایی تکرار داعشه قاپدیردی.

اینفراستروکتورونون یوخ اولموشلوغون‌دان کنار، سیاسی اولا‌راق پارچالانمیش و قیریلمیش بیر دولتین وارلیغی آغیر باسیر سوریه‌ده. آنجاق دؤرد اؤلکه‌دن گلن خاریجی دستکله آیاقدا قالان رژیمین اوزرینده حؤکم سورمه‌یه چالیشدیغی اؤلکه‌ده، دولت یالنیز بیر فانتاستیک‌دان عبارت.

رژیمین ادعا‌لاری‌نین عکسینه، حلب اؤزگورلشدیریلمه‌دی. اولان خاریجی گوج‌لرین بیر سوریه شهری‌نین بیر بؤلگه‌سینی ییخیب یاخماسین‌دان عبارت ایدی. حلب سونراسی اسد رژیمینه قارشی موباریزه‌نین بؤیوک اؤلچوده پارتیزان ساواشی فورماسیندا سورمه‌سی قوتله اولابیله‌جک. روس هاوا دستگی‌نین بیر تأثیری‌نین اولمایاجاغی بو موباریزه فورماسی‌نین اسد رژیمی‌نین باسقیچی سیاستی نتیجه‌سینده سون تاپماسی غیری-مومکون. عکسینه رژیم باسقیچی سیاستی‌نین پارتیزان ساواشینا نفر تامین ائدیجی بیر فونکسیون گؤرمه‌سی سؤز موضوعسو اولا‌جاق.

سوریه‌ده یاشانان قارشیدورما‌لار نتیجه‌سینده رژیم بؤیوک داغیتما‌لارا سبب اولدو. آیریجا میلیون‌لار یئرلرین‌دن ائدیلدی. بو شرط‌لر آلتیندا، رژیمین داوام ائتدیرجگی پارانویاق باسکیجیلیک یئنی مقاومت فورما‌لاری‌نین اورتایا چیخماسیندا تحریک ائدیجی بیر رول اوینایا‌جاق. بو مقاومتین 1982 هاما مقاومتینه بنزمیه‌جگینی اونسوز دا سون بئش ایل ایچینده یاشانان‌لار کیفایت قدر گؤستردی. چونکی آرتیق نه رژیم 1982-جی ایلده اولدوغو قدر گوج‌لو، نه ده پروبلم بیر تک شهرین باسدیریلماسییلا حل اولاجاق کیمی. خاریجی گوج‌لرین وارلیغی ایسه داوام‌لی بیر آشاغیلانمیشلیغین خاطیرلاتما اولا‌جاق.

بو سبب‌دن، سوریه‌ده رادیکال بیر اجتماعی، اقتصادی و سیاسی چئوریلمه یاشانمادیقچا موجود رژیم و دستکچی‌لری پروبلم یارادیجی اولماغا داوام ائده‌جک‌لر.



ایلگیلی‌لی خبرلر