ایبراهیم قالین/ حلب دونیانی اوتاندیریر

تورکیه و روسیا آراسیندا حاضیرلانان شرق حلب آتشکس راضیلاشماسی پامبیق ایپلیغینه باغلی بیر وضعیتده‌دیر

ایبراهیم قالین/  حلب دونیانی اوتاندیریر

ایبراهیم قالین

حلب دونیانی اوتاندیریر.

تورکیه و روسیا آراسیندا حاضیرلانان شرق حلب آتشکس راضیلاشماسی پامبیق ایپلیغینه باغلی بیر وضعیتده‌دیر. آنلاشمانین، محاصیره آلتین‌داکی شهرده یاشایان و بوشکا بومبا‌لاری یا دا میلیتان کسکین نیشانچیلار اوچون آسان بیر اوو حالینا گتیریلمیش قادین و اوشاق دا اولماقلا مین‌لرله نفرین احتیماللا سون اومودودور.

سوریه‌نین 5 مین ایللیک شهری حلب دوشمه‌سی و اسد رژیمی‌نین الینده وحشیجه‌سینه یوخا اوغرادیلماسی دونیانی درین‌دن سارسماسی لازیم اولان بیر دورومکن، بونون یئرینه بو اینسان‌لارین اضطرابینی گؤسترن و اجتماعی مئدیا واسطه‌سیله جان‌لی نشر اولونان قورخونج گؤرونتولر بیر دفعه داها فرق ائدیلمه‌دن گؤزدن ایتیب گئتمیش و بیزیم سؤزده مدنی دونیامیز بیر دفعه داها اخلاق پوزوق‌لوغونون، باربارلیغین و اوتانجین درین‌لرینه داها دا درین‌دن باتمیش‌دیر.

حلبده ائدیلن مظالیم قارشی‌سیندا قولاق باتیریجی سس‌سیزلیگینه شاهید اولان امینه سجروویج کاسلی، کی اؤزو او سککیز یا دا دوققوز یاشیندایکن میدانا گلن بوسنی ساواشین‌دان ساغ چیخماغی باجارمیش بیری‌دیر، تاریخین بو قارا صحیفه‌سینی یاشایارکن داوام‌لی بونو دوشوندوگونو خاطیرلاییر: اگر دونیا گوناهسیز اینسان‌لارین نیه معروض بوراخیلدیغینی بیلسیدی موطلق بیزه کؤمک اوچون گلیردی.

ایندی ایسه، دونیانین شرق حلب کوچه‌لرینده نلر اولدوغونو بیلدیگینه آنجاق بو سویقیریمی دایان‌دیرماق اوچون هئچ بیر شئی ائتمدیگینه ایشاره ائده‌رک "چوخ صاف" اولدوغونو سؤیله‌ییر. من بو سطرلری یازارکن آزاد اوتوبوس‌لاری حلبه گیریب چیخیر و بیر طرف‌دن ده یا تاخیره آلینیر، سالدیرییا اوغراییرلار یا دا بلیرسیزلیقلا قارشی-قارشییا بیراخیلیرلاردی. قطعی اولان تک شئی ایسه حلب قیرغینی‌نین عینیله یهودی سویقیریمی، سربرنیتسا و رواندا قیرغین‌لاری کیمی تاریخده بیر اوتانج عابده‌سی اولا‌راق خاطیرلاناجاغی‌دیر.

بیر ایل اوّل اؤلو بدنی تورکیه‌نین اژه دنیزی ساحل‌لرینه ووران سوریه‌لی اوشاق آیلان کوردی‌نین بو گؤرونتو‌لری دونیا سویه‌سینده توپلومو حرکته کئچیردیگی زامان آوروپا و آمریکاداکی زنگین و گوج‌لو دونیا مقتدیرلری‌نین سوریه‌لی قاچقین‌لار و سوریه‌ده یئرین‌دن ائدیلمیش مین‌لرله اینسانین اضطرابینی سونا چات‌دیرماق اوچون مداخیله ائده بیله‌جگینه دایر بیر اومید اویانمیشدی.

بنزر گؤزلمه‌لر باشقا بیر سوریه‌لی کیچیک کیشی اوشاغی، عمران داقوئشین، قان ایچینده قالمیش اوزو و کول‌لر ایچین‌دکی بدنیله شرق حلبده ساغلیق ایشچی‌لری طرفین‌دن داشیندیغی عاجیل یاردیمین ایچینده قورخودوجو بیر ساکین‌لیک ایچینده دونوب قالدیغی گؤرونتو‌لری اجتماعی مئدیادا میدانا چیخدیغی زامان دونیانی قورخو سالدیغین‌دان دا اورتایا چیخمیشدی.

آنجاق سمپاتی و مرحمت'ین عمرو معاصیر جمعیت‌لرده تأسف کی قیسا اولور و دولت‌لر ده مسئله بو اولونجا یا پرسونل آزلیغین‌دان یا دا قاتی قلب‌لیلیکدن اذیت چکن بیر حالا گلدی‌لر.

بئله گؤرونور کی اینسانین چکدیگی آغرینی گؤسترن هئچ بیر شکیل، ویدئو گؤرونتوسو یا دا دلیل، دونیانی دوغرو اولانی ائتمه‌یه سؤوق ائتمک اوچون کافی دئییل.

بیر طرف‌دن بو قورخونج ساواش‌ین اخلاقی و پسیکولوژی بدلینی مسئولیتی چالیشارکن بیر طرف‌دن ده رئال-پولیتیکین سویوققان‌لی حقیقت‌لری باشا چیخماق مجبوریتیندییک.

تورکیه و روسیا طرفین‌دن حاضیرلانان آتشکس راضیلاشماسی بیر نئچه طرفین قاتیلدیغی هفته‌لر سورن چوخ دانیشیق‌لارین آردین‌دان گلدی. مقصد، رژیم طرفین‌دن آغیر سالدیری آلتیندا اولان شرق حلب خالقی‌نین تورک مرز‌ین یاخینلیغیندا اولان ایدلیب کیمی گوونلی بؤلگه‌لره گئتیریلمسیدی و هله ده ائله. بو آنا قدر 10 مین‌دن چوخ اینسان تخلیه ائدیلدی آنجاق داها مین‌لرله‌سی بؤلگه‌نی ترک ائتمک اوچون گؤزلییر. قیزیل خاچ اولوسلار آراسی کومیته‌سی‌نین، تورکیه آفت و عاجیل یاردیم رهبرلیگی باشقان‌لیغی، تورک قیزیل آی، اینسانی کؤمک وقفی و دیگر سیویل تشکیلات‌لاری حال-حاضیردا یوز مین‌لرله یئرین‌دن ائدیلمیش سیویلین اولدوغو ایدلیب هله چاتان سوریه‌لی‌لر قیدا، گئییم و طیبی وسایل چات‌دیرماق اوچون گئجه-گوندوز چالیشیرلار.

آتشکس راضیلاشماسی ایسه ساحه‌دکی چوخ‌لو دینامیک‌لرین یولداش‌لیق ائتدیگی کؤو‌رک بیر مدت اولا‌راق قالماغا داوام ائدیر. شرق حلبدکی ظفریله جسارتلنن اسد رژیمی و ایران طرفین‌دن دستک‌لنن ساحه‌دکی میلیتان قروپ‌لار دا داخیل اولماق عذره رژیم طرفدارلاری مخالیف قروپ‌لاردان اینتیقام آلما آرخاسینا دوشه بیلرلر، بونو دا یقین کی، آتشکس آنلاشماسینی و تخلیه پروسه‌سینی گله‌جک گون‌لرده سابوته ائده‌رک ائده بیلرلر.

پرزیدنتی رجب طیب اردوغان، حلبده گئریده قالان اینسان‌لارین باشقا بیر گئجیکمه و داها چوخ اؤلوم و ظلمه محل ورم‌دن تخلیه اولونماسینی تامین ائتمک اوچون روسیا پرزیدنتی ولادیمیر پوتین ایله مختلیف دفعه‌لر گؤروشدو.

بیرلشمیش میللت‌لر ایسه حلبده گؤزلر اؤنونه سریلن اوتانج وئریجی اینسانی فاجعه قارشی‌سیندا آجیز قالماغا داوام ائدیر. آرتیق هئچ کیم قرارلاری و آچیقلامالاریلا عدالت‌سیزلیگی اؤنله‌یه بیلمه‌ین یا دا یاشانان اضظرابی دیندیره‌مین بو اولوسلار آراسی تشکیلاتلاریندان‌ حقیقتن بیر شئی گؤزلمیر. اینسان‌لار، اؤزونو میلت‌لرین بیرلیگینی تمثیل ائدیر اولا‌راق گؤسترن بیر تشکیلات‌دان ان آزین‌دان کیچیک بیر اینسانی آنلاییش گؤره بیلمک اومید ائدیرلر. آنجاق بو بئله آجی و اضظراب ایچینده اؤلن حلب خالقینا باغیشلانماماقدا‌دیر.

اگر بیرلشمیش میللت‌لر و آوروپا امنیت شوراسی‌نین مقتد‌دیر عضو‌لری حلبده حادثه‌لرین نئجه اولوب دا بو نقطه‌یه گلدیگینی اولور دا ماراق ائتسه‌لر دؤنوب گئرییه باخما‌لی و بو کؤهنلتمک حربینی دایان‌دیرماق اوچون 2012-جی ایلدن بو یانا نه ائتدیک‌لرینه باخما‌لی‌لار: هئچ بیر شئی.تورکیه‌نین سوریه‌ده اعتبارلی بؤلگه‌لر یارادیلماسی اوچون ائتدیگی چاغریلار ائشیتمزلیک‌دن گلیندی. اوباما رهبرلیگی اؤز قیرمیزی-خط‌ لرینی شیمیایی سیلاح‌لارین و دیگر آغلا گله بیله‌جک هر جور ساواش واسطه‌سی‌نین ایستیفاده‌سی قارشی‌سیندا یئددی اوددو. ایندی ایسه دیگرلرینی گوناهلان‌دیرماق و اؤز یاسینی توتماق یئرینه ان آزین‌دان اسد رژیمی‌نین هر گون اولونان مظالیمی آزالدماق و سوریه‌لی مخالیف‌لره وئردیگی سؤزلری توتماق اوچون بیر شئی‌لر ائده بیلردی. آنجاق بونون یئرینه، "دیپلوماسی" حلب و سوریه‌نین قادین و اوشاق‌لارینی قورتارماق اوچون هئچ بیر شئی ائده بیلمزکن، رژیم و موتتفیق‌لری‌نین زامان قازانماسینا و ساواشین سئیرینی اؤز آوانتاژلارینا دییشدیرمه‌سینه ایجازه وئرمیشلردیر. آمریکانین سهو ایستیقامتلندیریلمیش بیر شکیلده تطبیق ائتدی پ.ک.ک-نین سوریه داوامی دموکراتیک بیرلیک پارتیسی (پ.ی.د)نی دستکلمه سیاستی یالنیز بو ترور تشکیلاتی‌نین داها دا جسارت تاپماسینا و تورکیه ایله آمریکانین آراسی‌نین پوزولماسینا یول آچمیشدیر. ایکی ایل اول 18 نوامبر 2014-جو ایلده بو آشاغی‌داکی سطرلری یازمیشدیم: "سوریه‌نین ایکینجی بؤیوک شهری حلب 'ین اسد رژیمی‌نین علینه کئچمه‌سی یالنیز بیر زامان مسئله‌سی‌دیر. آمریکا لیدرلیگین‌دکی کوالیسیون گوجلری داعشی هدف‌لرینی هاوا‌دان وورورلارکن کیشی اسد حلب قارشی قان‌لی سالدیری‌لارینا داوام ائدیر. کئچن ایکی آی ایچینده اسد رژیمی شهره قارشی ائتدیگی سالدیری‌لاری آرتیردی، شهر اوزرین‌دکی کونترولونو هاوا‌دان و قارادان گئنیشلتدی و سوریه‌لی عصیانچی‌لاری شیمالا دوغرو ایته‌له‌دی ... حلب دوشمه‌سی سوریه ساواش‌سیندا بیر دیگر قارا لکه حالینا گلمه‌دن اوّل ساحه‌ده ائدیله‌جک کونکرئت حرکت‌لره احتیاج وار. اگر حلب دوشمه‌سینه ایجازه وئریلسه بو سوریه‌ده اینسانلیغین گله‌جگی اوچون بس‌لنن هر هانسی بیر اومیدین ایتمه‌سی دئمک اولا‌جاق ... "بو اومیدی چوخ‌دان ایتیرمیش گؤرونوروک.



ایلگیلی‌لی خبرلر