تورکیه‌ ایله ایسرائیل آراسینداکی ایکیشکیلرده یئنی دؤور باشلاییر

خاریجی ایشلر ناظیری مولوت چاووش اوغلونون ایسرائیل زیارتی اوچون ایشلر گؤرولور

تورکیه‌ ایله ایسرائیل آراسینداکی ایکیشکیلرده  یئنی دؤور باشلاییر

تورکیه‌نین، علاقه‌لرین جانلاندیریلماسی اوچون ایره‌لی سوردوگو اوچ شرطینی یئرینه گتیرن ایسرائیل ایله یئنی دؤور باشلاییر.

ایسرائیل طرفین‌دن محاصیره و تحریم آلتیندا توتولان غزه‌یه یاردیم آپاران ماوی مرمره گمی‌سینه 31 مای 2010-جو ایلده بین الخالق سولاردا ایسرائیل قوموتانلاری طرفین‌دن ائدیلن و 10 نفرین اؤلمه‌سینه سبب اولان قان‌لی باسقین، تورکیه-ایسرائیل آراسین‌داکی علاقه‌لری گئرمیشدی.

آلتی ایل داوام ائدن بحرانین آردین‌دان ایسرائیلین عذر دیلمه‌سی، غزه‌یه محاصیره‌نی بوشالتماسی و تضمینات اؤدمه‌سی سونرا، قارشی‌لیق‌لی سفیرلر ده تعیین ائدیلمیشدی.

آنکارا-تل-اویو خطینده علاقه‌لر نورماللاشما پروسه‌سینه گیررکن، اؤنوموزدکی آیلاردا ایکی اؤلکه آراسیندا سیاسی مصلحتلشمه‌لر ده چوخا‌لا‌جاق. بونو، یوکسک سویه‌لی رسمی سفرلر ایزله‌یه‌جک.

خاریجی ایشلر ناظیری مولوت چاووش اوغلونون ایسرائیل زیارتی اوچون ایشلر گؤرولور.

مدنیت، توریزم، تیجارت و ایدمان ساحه‌سین‌دکی ایلیشکی‌لرین کسیلمه‌دن داوام ائتدیگینی دیله گتیرن خاریجی ایشلر ناظیرلیگی مسئول‌لاری، ایکی اؤلکه آراسین‌داکی تیجارت حجمی‌نین 2.5 میلیارددان 5 میلیارد دو‌لارا چیخدیغینی قید ائتدی.

ایقتیصاد ساحه‌سینده ده ایرلیلییش ساغلاندیغی‌نین وورغولایان دیپلوماتیک مسئول‌لار، ایکی اؤلکه آراسین‌داکی سربست تیجارت راضیلاشماسی‌نین گونجللنمسینی و احاطه‌سی‌نین آرتیریلماسینی ایستدیک‌لرینی ده ایفاده ائتدی.



ایلگیلی‌لی خبرلر