رئال مادرید یاری فینالا یوکسلدی

سون ۴ ایلده ۳ دفعه شامپیون اولان رئال مادرید، اوست-اوسته ۸.جی دفعه شامپیونلار لیگین‌ده یاری فینالا چیخدی

رئال مادرید یاری فینالا یوکسلدی

رئال مادرید یوفا شامپیونلار لیگینده یاری فینالا یوکسلدی.

ایسپانیا تمثیل‌چی‌سی رئال مادرید، رقیب ائوینده ۳-۰ مغلوب ائتدیگی ایتالیانین یوونتوس تیمینی  سانتیاگو برنابئو ایستادیومون‌دا آغیرلادی.

یوونتوس، ماریو ماندزوکیچ‌ین ۲ و ۳۷.جی دقیقه‌ده‌کی گللاری ایله ایلک یارینی ۲-۰ اوستون بیتیردی.

یوونتوس ایکینجی یاریدا دا بیر گلا اتاراق ۳-۰ اؤنه گئچدی.

قالان بؤلومده رئال مادرید، حمله‌لرینی آرتدیردی. ۹۰+۳.جو دقیقه‌ده‌کی پنالتی قراری سونراسی داور مایکل اولیوره اعتراض ائد‌ن یوونتوس قاپی‌چی‌سی جیانلویجی بوفون، قیرمیزی کارت گؤردو.

شامپیونلار لیگین‌ده‌کی ۱۵۰.جی اویونونا چیخان رئال مادریدلی کریستیانو رونالدو، پنالتنی گلا چئویردی. رئال مادرید، اویونو ۳-۱ اودوزماسینا باخمایاراق ایلک قارشیلاشماداکی حساب اوستونلویو سایه‌سین‌ده یاری فینالا چیخدی.

سون ۴ ایلده ۳ دفعه شامپیون اولان رئال مادرید، اوست-اوسته ۸.جی دفعه شامپیونلار لیگین‌ده یاری فینالا چیخدی.



ایلگیلی‌لی خبرلر