تلویزیون

تلویزیون

 

کؤپ سانلی میللی و بؤلگه له یین تله یایلیم کاناللاری نینگ ایش آلیپ باریان شرطلرینده تۆرکیأ و دۆنیأ "دۇغری و تاراپسیز" حابار بریأن ت. ر. ت؛ بیلیم، مدنیت، مستند فیلم، درام، اسپورت، آیدیم ساز، گۆیمِنجه، ماضمونلی یایلیملاری بیلن تۆرکیأنینگ 99 گؤتریمینه و سرحتلری آشیپ، هر بیر یاش تۇپاریندا دگیشلی تۇماشاچیلارا حاصلانان یایلیملار بیلن ایش آلیپ باریار.

ت. ر. ت نینگ؛ دۆرلی یاشداقی، هۆنأردأکی، سۇواد و مدنیت درجه سیندأکی تۇماشاچیلارا دۇغری، تاراپسیز، دۆشنۆکلی و دِسسینه حابار برمه‌گی، بیلیمینگ و مدنیتینگ اؤسمه‌گینه قۇشانت قۇشماغی، میللی مدنی جبیسلیگی یایبانگلاندیرماغی ماقصات ادینیأر.

ت. ر. ت 1 أهلی ماشغالا آغضالاری اۆچین حاصلانان یایلیم. تۆرکیأنینگ اینگ کؤپ تۇماشا ادیلیأن تلویزیون کانالی بۇلان ت. ر. ت 1 ماشغالا آغضالاری فۇرمتینده، بیلیم، مدنیت، درام، آیدیم ساز، شۆوه‌لِنگلی گپله شیکلر، اسپورت و حابار گپله شیکلرینی اؤزۆنده اۆیشۆریأن یایلیملاری بیلن بۆتین تۆرکیأ یۆزله‌نیأر. ت. ر. ت- 1، 99.9 گؤتریم یایلیم گینگیشلیگی بیلن تۆرکیأنینگ دؤرت بیر یانیندا و اینترنت آرقالی بۆتین دۆنیأده.

  • ت. ر. ت 1 بۆتین دۆنیأ انگلیس دیلینده یایلیم بریأن حابارلار کانالی. ت. ر. ت ورلد باتیرغای و انسان پرور بأحبیتلری ایلری توتیان دۆشۆنجه بیلن یایلیملارینی دۇوام اتدیریأر.

ت. ر. ت حابار  قیزیقلی واقالار، سیاسات، آنالیز، اسپورت، مستند فیلم، مدنیت و صونغات گپله شیکلری نینگ تأزه اوغری بۇلان ت. ر. ت حابار؛ ت. ر. ت تجریبه سی بیلن اکرانلارینگیزدا، دۇغری و تاراپسیز بۇلماغی اؤزۆنه یؤره‌لگه ادینن ت. ر. ت حابار دورموشینگ أهلی اوغورلارینی اکرانلارینگیزا یتیریأر. دۇغری حابار آلماق حقوغیندان سیز هم پیدالانینگ. حابارینگ اکرانی ت. ر. ت حابار أهلی یرده...

ت. ر. ت اسپورت 2010-نجی ییلینگ آگوست آییندا یایلیما باشلان ت. ر. ت اسپورت، میللی و حالقارا أهلی اسپورت بأسله‌شیکلرینی هم ده چأره لرینی گؤنی یایلیم و یازغی آرقالی اکرانلارا یتیریأر. یایلیم اسپورتینگ أهلی گؤرنۆشلرینه أهمیت بریأر.

ت. ر. ت آواز 2009-نجی ییلینگ مارت یندا یایلیما باشلان، اؤزبگیستان، قازاغیستان، قیرغیز جمهوریتی، تۆرکمنیستان، آذربایجان، بۇسنیا هرزگوین، آلبانیا و تۆرکیه یالی 9 یورتدان و شۇل یورتلارا یؤریته بۇلان 8 دیلده اوزاق گۆن دۇغاردان بالکانا اوزاپ گیدیأن بؤلگه ده یاشایان تۆرک دۆنیأسینه یایلیم بریأن کانال تۆرکیه بیلن تۆرک دیللی دؤولتلرینگ آراسیندا دیل هم ده دۆشۆنجه بیرلیگینی قۇراپ ساقلایار. کؤپ سانلی تۆرکی دیلده سس معنیسینی آنگلادیان آواز، تۆرک دیللی دؤولتلرینگ عمومی سسی حؤکمۆنده یاقین گۆن دۇغاردان قفقازا 27 یورتدا و 23 اؤزباشداق جمهوریتده 250 میلیونا قۇلای ایلاتلی بؤلگه ده یۆزله‌نیأر.

ت. ر. ت چۇجوق (چاغا) معاصیر تۆرک چاغالاری نینگ انیمیشن دن آیدیم سازا، حاباردان اسپورتا أهلی ایسله گلرینی قاناغاتلاندیریان یایلیم فیزیکی، آنگ دۆشۆنجه، روحی و آحلاق تایدان ساغدین نسیللری اؤسدۆریپ یتیشدیرمأگه قۇشانت قۇشماغی ماقصات ادینیأر. أهلی عمومی پداگوژیکی نُرملاردا یۇقاری حیلی، دؤوره باپ (معاصیر) و جۇغاپکأرچیلیکلی یایلیم دۆشۆنجه سی بیلن چاغالارینگ کمالا گلمه گینده قۇلدایجی و یۇل گؤرکِزیجی بۇلماقلیغی اؤزۆنه یؤره‌لگه ادینن ت. ر. ت چۇجوق، تۆرک دیلی نینگ و مدنیتی نینگ دۇغری تانیشدیریلماغینی، چاغالارینگ بیلیمینی و دۆشۆنجه سینی اۇیونلار هم ده دۆرلی گۆیمِنجه لر آرقالی آرتدیرماغی ماقصات ادینیأر.

ت. ر. ت مستند تۆرکیأنی آلمان، فرانسوز، روس و تۆرک دیلی بۇلماق بیلن 5 دیلده دۆنیأ تانیشدیریان ت. ر. ت مستند یایلیمی، تاریحی، جمغیت، داشقی قورشاو، اسپورت، مدنیت و صونغات، عیلیم و تکنولوژی بارادا مستند فیلملری یایلیما بریأر. گچمیشی گلجگه یتیریأن طبیغاتی اؤوره‌دیأن کانال 2009-نجی ییلینگ 17-نجی اکتبریندا آچیلدی.

ت. ر. ت موزیک تۆرکیأنینگ و دۆنیأنینگ آیدیم سازی بیرله‌شدیریأن کانالدا بأسله‌شیکلر، آیدیم ساز باراداقی مستند فیلملر، کنسرتلر، تاپغیرلایین گپله شیکلر، تاپ 10-لار و گؤنی یایلیملار بریلیأر. 2009-نجی ییلینگ 16-نجی نۇیابریندا یایلیما باشلان کانال تۆرک حالق و کلاسیک آیدیم سازلاری بیلن بیرلیکده یرلی و داشاری یورت آیدیم ساز یایلیملارینی تۆرکیأنینگ و دۆنیأنینگ آیدیم سازینی ت. ر. ت تاپاوودی بیلن اکرانلارا گتیریأر.

ت. ر. ت العربیه تۆرکیأنینگ حالقارا، اساسیندا بؤلگه ده یرله شیأن یورتلار بیلن بۇلان قاتناشیقلارینا اۇنگین قۇشانت قۇشماق ماقصادی بیلن ایشه باشلان ت. ر. ت العربیه تۆرکیأنینگ و عاراپ دۆنیأسی نینگ عمومی دیلی، عمومی اکرانی، عمومی دۆشۆنجه سی بۇلماق اۆچین هر بیر یاش تۇپارینداقی تۇماشاچیلارا یۆزلِه‌نیپ، چاغالار، یاشلار، زنانالار اۆچین حاصلانان ایقدیصادیه ت، درام، مستند فیلم، اسپورت، آیدیم ساز، مدنیت و صونغات، دین و آحلاق، شۆوه‌لِنگلی گپله شیکلردن عیبارات بۇلان بای ماضمونی بیلن 2010-نجی ییلینگ آپریلیندا یایلیما باشلادی. عاراپچا گپله شیأن 22 عاراپ یوردونا و عاراپچا گپله‌شیأنلره حاصلانان یایلیم کانالی 350 میلیون ایلاتلی عاراپ یورتلاری بیلن تۆرکیأنینگ آراسینداقی قاتناشیقلاری برچینله‌شدیرمه‌گی ناظاردا توتیار.

ت. ر. ت دیانت ت. ر. ت و دین ایشلری قوراماسی تاراپیندان 2012-نجی ییلدا آچیلان دیانت تی وی بیرنأچه واغتلاپ ت. ر. ت آنادولی کانالی بیلن گِزه‌کله‌شیکلی یایلیم برندن سۇنگ 2012-نجی ییلینگ اۇراز آییندا 24 ساغادینگ دۇوامیندا اۆزنۆکسیز یایلیما باشلان مدنی جمغیتچیلیک کانالی.

ت. ر. ت تۆرک بۆتین دۆنیأ اساسان تۆرک دیلینده یایلیم بریأن کانال تۆرکیه بیلن تۆرکلری تانیشدیریان گپله شیکلری، حابار، مدنیت و صونغات یایلیملاری بیلن داشاری یورتلاردا یاشایان تۆرک رایاتلاری نینگ و سۇیداشلاریمیزینگ تۆرکیه هم ده تۆرک مدنیتی بیلن بۇلان اۆزنۆکسیز آراباغلانشیغی، قینچیلیقلی ینگیللِشدیریجی، قینانجینگ و شاتلیغینگ شأریگی... دۆنیأنینگ نیره سینده بۇلسانگیز بۇلونگ.

ت. ر. ت کۆردی ت. ر. ت حالقارا درجه سینده کۆرت دیلینده یایلیم بریأن کانالی بیلن تۆرکیأنینگ حالقارا، اساسان دا بؤلگه ده یرله شیأن یورتلار بیلن بۇلان قاتناشیقلارینا اؤنگین قۇشانت قۇشیار، یوردومیزینگ جبیسلیگینی و بیتولیگینی ماقصات ادینیأن دؤوره باپ شرطلرده هر بیر یاش تۇپاریندان تۇماشاچیلارا حاصلانان کۆرت دیلیندأکی ماشغالا آغضالاری اۆچین حاصلانان ت. ر. ت کۆردی 2009-نجی ییلینگ یانوار آییندا آچیلدی.

ت. ر. ت اۇقول (اۇقوو- مِکدِپ) 2011-نجی ییلینگ یانوار آییندا یایلیما باشلان ت. ر. ت اۇقول دا آنادولی بیلیم یوردونینگ طایارلان درس میلنامالاری و بیلیم مدنیت گپله شیکلری بیلن بیرلیکده ت. ر. ت تاراپیندان طایارلانان دۆرلی یاش تۇپاری اۆچین حاصلانان بیلیم مدنیت گپله شیکلری، قیسغاچا دۆشۆندیرشلر، یاشلارا حاصلانان دۆرلی گپله شیکلر یایلیما بریلیأر.

ت. ر. ت 3  مجلیسینگ یایلیملارینی بریأن تۆرکیدنینگ بیک میللت مجلیسی نینگ تلویزیون کانالی و ت. ر. ت اسپورت کانالی، ت. ر. ت 3 یایلیمی نینگ اکرانلاریندا گِزه‌کلِشیکلی گؤرنۆشده یایلیما بریلیأر.