تۆرکیأنینگ گۆن ترتیبی ۱۵: سوریه، دوما و شیمیایی هۆجۆم بارادا

شیمیایی هۆجۆم کیمینگ ایشی بۇلوپ بیلر

تۆرکیأنینگ گۆن ترتیبی ۱۵: سوریه، دوما و شیمیایی هۆجۆم بارادا

سیاسات، ایقدیصادیه‌ت و جمغیت غازناسی- ستانینگ عیلمی بارلاغچیسی، یازیجی جان آجون ینگ مسئله بۇیونچا سینینی اۇقایارسینگیز.

سوریأنینگ پایتاغتی دمشق ینگ گۆن دۇغار غوطه اترابی نینگ دوما اتراپچاسیندا تأزه بیر شیمیایی هۆجۆمینگ قورالاندیغی دۆنیأ مطبوغاتیندا حابار بریلدی. هۆجۆمده قینانساغام اساسی بؤله‌گی چاغالاردان و زنانالاردان عیبارات بۇلان کؤپ سانلی آدام جان بردی. بریلن ایلکینجی بیان نامالارا گؤرأ میشسا (اعصاب) گازی نینگ اولانیلاندیغینا اۆنس چکیلیأر. اورشونگ باشیندان بأری محالیفلارینگ گؤزه‌گچیلیگینده بۇلان گۆن دۇغار غوطه اترابی حؤکۆمتینگ سۇنگقی واغتلارداقی اساسی نیشاناسی. بیرنأچه آیدان بأری اتراپ بمبالانیار، حاسساحانالار، مکدپلر، متجیتلر یالی جمغیتچیلیک جایلاری یومرولیار.

پایتاغت دمشق دأکی یرله‌شیشی تایدان حؤکۆمته گؤنۆدن قۇرقی سالیان استراتژیک أهمیته ایه بۇلان گۆن دوغار غوطه شأهِرینی آلماق و محالیفلاری آرادان آییرماق حؤکۆمت اۆچین اؤرأن مؤهۆم. اورشونگ باشیندان بأری ۷ ییللاپ قاباو آستیندا بۇلان گۆن دۇغار غوطه سۇنگقی تاپغیردا تۆرکیه بیلن روسیانینگ ایلالاشماغی بیلن ایش یۆزۆنه گچیریلن آستانا گپله شیکلرینده چاقنیشیقسیز زۇلاقلاردان بیری حؤکمۆنده ایغلان ادیلیپدی. اِمما حؤکۆمت و اۇنی قۇلدایان روسیا بیلن ایران بؤلگه دأکی ترور قورامالارینی باهان ادیپ، بؤلگأنی نیشانا آلماغا باشلادی. آغیر بمباردیمانلاردان سۇنگ بؤلگه دأکی محالیفلار هم سۇنگقی دؤوۆرده روسیانینگ تؤوِللاچیلیق اتمه‌گینده بۇیون اگمأگه و سوریأنینگ دمیرقازیغینا تاراپ گؤچۆریلمأگه باشلاندی.

ایلاتیتگ گؤچۆریلمه‌گی بیلن گۆن دۇغار غوطه دأکی دوما شأهِرچه سیب جیش الاسلام ینگ گؤزه‌گچیلیگینده قالدی. جیش الاسلام بیلن حؤکۆمتینگ وکیللری نینگ آراسینداقی گپله شیکلرده روسیا تؤوِللاچیلیق اتدی. روسیا بیلن قازانیلان ایلالاشیغا لاییقلیقدا جیش السلام اتراپدا پلیس گۆیجی حؤکمۆنده ترتیب دۆزگۆن یۇلا قۇیمالیدی. اِمما شۇل ایلالاشیق سوریأنینگ حؤکۆمتی تاراپیندان قابول ادیلمه‌دی. جیش الاسلامینگ دومادان چیقماغی قابول اتمه‌زلیگی سبأپلی گپله شیکلر بس ادیلدی. شۇل گۆنلرده ده دوما شیمیایی هۆجۆم قورالدی. شیمیایی یاراغ بیلن قورالان هۆجۆم سبأپلی آسودا ایلاتدان کؤپ سانلی آدام جان بردی. جیش الاسلام هم شیمیایی هۆجۆمدن سۇنگ سوریأنینگ دمیرقازیغینا گؤچمه‌گی قابول اتمأگه مجبور بۇلدی.

بیر تاراپدان دومادا قالماغینگ قیمماتی شیمیایی هۆجۆمدن سۇنگ حاص هم آغیرلاشدی. بیله کی تاراپدان شیمیایی هۆجۆمدن سۇنگ آسودا ایلات قۇرقدی و ایلاتینگ قۇرقماغی سبأپلی جیش الاسلام گؤچمه‌ک بارادا ایلالاشمالی بۇلدی.

سوریأنینگ حؤکۆمتی شیمیایی هۆجۆم بیلن دمشق ینگ مرکزیندأکی محالیفلارینگ مرکزی نینگ گؤچۆریلمه‌گینی قازاندی.

اگر ایلالاشمادیق بۇلسادی دومانی آلماق اۆچین قورالجاق حاربی حرکتینگ نتیجه سی اؤرأن آغیر بۇلاردی. دوما اتراپچاسیندا جیش الاسلام ینگ اوزاق مؤهلِتدن بأإری قۇرانیش حاطی قوراندیغی، یاراغ آممبارلاریندا کؤپ سانلی اۇق- دأری نینگ و آغیر یاراغلاری نینگ باردیغی مألیمدی. شیله ده سوریه لی محالیفلارینگ ساناویندا جیش الاسلام حاربی مۆمکینچیلیگی بیلن طایارلانیاردی.

اساسی بؤله گی اۇزالقی قشون عسگرلریندن عمله گلیأن جیش الاسلام ینگ دومادا قاباو آستینداقی قۇرانیشی حؤکۆمت اۆچین قیمماتا دۆشردی. شیله لیکده دوما منگزش درعا شأهرینی آلماق اۆچین حؤکۆمت بیرنأچه آی دۇوام ادن حاربی اۇپراسیا قورامالی بۇلوپدی. حؤکۆمتینگ قوراندیغی آیدیلان شیمیایی هۆجۆم شیله آغیر نتیجه لری آزالتدی و قیسغا واغتدا نتیجه بردی. شیمیایی یاراغ اولانماق انسان پرورلیک یؤره‌لگه‌لرینه باپ گلمه یأن هم بۇلسا سۇنگقی هۆجۆم حؤکۆمت اۆچین ینگیش معناسینی آنگلادیار.

سوریأنینگ حؤکۆمتی نینگ شیمیایی یاراغ اولانماغی نینگ نتیجه سی حالقارا درجه سینده قارشیلیق دؤرتمأن حالاتیندا حؤکۆمت اۆچین قیمماتی اینگ پِس چؤزگۆتدیگینی آیتماق یالنگیش بۇلماسا گِرِک. اورشونگ باشلاندان بأری ۲۱۵ گِزِک شیمیایی یاراغ اولانان سوریه حؤکۆمتی حالقارا جمغیتچیلیگی نینگ اۆنسسۆزلیگیندن پیدالانیپ، یانگاداندان شۇل یۇلا یۆز توتاندیغی اؤنگه سۆرۆلیأر.

آیراتین هم دیپلماتیک تایدان بیرلشن میللتلر قوراماسی نینگ حۇوپسوزلیق گنگه شینده روسیانینگ قۇلداوینا بیل باغلایان اسد حؤکۆمتی حاربی تایدان دا روسیا تاراپیندان قۇرالیاندیاغینی ناظاردا توتوپ شیله یۇلا باش قۇشان بۇلسا گِرک. آدامکأرچیلیک قیمماتلیقلارینی بیر قیرا قۇیلان و حالقارا جمغیتچیلیگی نینگ پروای سیز بۇلان شرطلرینده سوریأنینگ حؤکۆمتی تایدان دوما اۆچین اینگ یرلیکلی چؤزگۆدینگ شیمیایی هۆجۆمدیگینی آیدیپ بیلریس.



دِگیشلی حابارلار