قبرس اۆچین دوشوشیقلار دۇوام ادیأر

دؤردۆنجی گۆنده تۆرکیه، انگلستان و یونان ینگ داشاری ایشلر وزیری ده قاتناشیار

قبرس اۆچین دوشوشیقلار دۇوام ادیأر

سوئیس ینگ ژنو شأهِرینده قبرس مسئله سیندأکی دوشوشیقلارینگ ۳-نجی گۆنی تاماملاندی.

دوشوشیقلاردا ایکی تاراپ اؤز طایارلان حاریطلارینی (نقشه لرینی) هؤدۆرله‌دی.

حاریطلار بیرلشن میللتلر قوراماسی نینگ صاندیغیندا قۇیولدی.

دمیرقازیق قبرس تۆرک جمهوریتی نینگ مطبوغات گنگه‌شچیسی باریش بورجو، بیرلشن میللتلر قوراماسی نینگ ژنودأکی اداراسیندا برن قیسغاچا بیاناتیندا، یۇلباشچیلارینگ بیرلشن میللتلر قوراماسی نینگ قبرس بۇیونچا یؤریته وکیلی اسپن بارث اید بیلن بیله لیکده بیرلشن میللتلر  قوراماسی و تاراپلارینگ حاریط حاقینداقی بیلرمنلری نینگ بۇلان واغتیندا حاریطلارینگ هؤدۆرله‌نِندیگینی نیغتادی.

ایکی یۇلباشچی بیری بیری نینگ حاریطلارینی گؤردیلر.

بیرلشن میللتلر قوراماسی نینگ بیلرمنی، یونان و تۆرک بیلرمنلر بو ایکی حاریطینگ مون پلرین داقی ایلالاشیغا باپ گلیپ گلمه‌یأندیگینی بارلادی.

ژنودأکی دوشوشیقلار حاقیندا بیانات برن تۆرکیأنینگ اوروپا بیله له شیگیندن جۇغاپکأر وزیری عمر چلیک، ایکی قاراشسیز دؤولته اساسلانیان ایکی جمغیتلی بیر چؤزگۆده اؤنگین قاراجاقدیقلارینی آیدیپ، بو اتابینگ دمیرقازیغینگ گۆن اۇرتا باغلانجاق دییلشی یالی حاساپلانمایاندیغینی بیلدیردی.

شو گۆن دؤردۆنجی گۆنده، کپیل یورتلار یاغنی تۆرکیه، یونان و انگلستان ینگ داشاری ایشلر وزیرلری بیلن آدانینگ هر ایکی تاراپی نینگ تۇپارلاری نینگ قاتناشماغیندا گچیریلجک کنفرانسینگ اساسی مادداسی "حۇپسوزلیق و کِپیللر" بۇلار.

کنفرانسا اوروپا بیله له شیگی سینچی حؤکمۆنده قاتناشار.

آچیلیش داباراسیندا دا بیرلشن میللتلر قوراماسی نینگ باش یازمانی آنتونیو گوترش چیقیش ادر.



دِگیشلی حابارلار