قازاغیستان: غزه ده آشاگۆیچ دوروزیلسین

قازاغیستان اسرائیل ینگ آشاگۆیچ اولانماغینا نأگیللیک بیلدیردی

قازاغیستان: غزه ده آشاگۆیچ دوروزیلسین

 

قازاغیستان ینگ بیرلشن میللتلر قوراماسینداقی همیشه لیک وکیلی غایرات عمروف حالقارا جمغیتچیلیگه غزه ده کؤپ سانلی ییتگأ سبأپ بۇلان آشاگۆیجۆنگ دوروزیلماغی اۆچین چاغیریش بردی.

قازاغیستان ینگ داشاری ایشلر وزیرلیگی تاراپیندان بریلن یازماچا بیاناتا گؤرأ، عمروف بیرلشن میللتلر قوراماسی نینگ حۇوپسوزلیق گنگه شی نینگ فلسطین بیلن باغلانشیقلی یؤریته گنگه شینده برن بیاناتیندا، غزه سرحدینده فلسطینلیلرینگ پروتستلرینه باسیش ادیلمه گی واغتیندا بۇلان قیرغینچیلیغا اولی قینانچ بیلدیردی.

قازاغیستان حالقارا جمغیتچیلیگینی کؤپ سانلی ییتگأ سبأپ بۇلان آشاگۆیچ اولایلماغی نینگ دوروزیلماغی اۆچین اولی مؤچبرلی ایش آلیپ بارماغا چاغیردی.

قازاق وکیل، قازاغیستان ینگ بیرلشن میللتلر قوراماسی نینگ حۇوپسوزلیق گنگه شی نینگ قارارلارینا باغلی بۇلاندیغینی و مسئلأنینگ سیاسی یۇللاردان چؤزگۆده قۇوشوریلماغی نینگ تاراپداری بۇلاندیغینی آیتدی.

آمریکانینگ اسرائیل داقی ایلچیحاناسینی قدس شأهِرینه گؤچۆرمه‌گیندن سۇنگ غزه سرحدینده دارتغینلیق بۇلوپدی و ۶۳ فلسطینلی، اسرائیل ینگ حۇوپسوزلیق گۆیچلری تاراپیندان شهیت ادیلیپدی.



دِگیشلی حابارلار