أردۇغان دمیرقازیق قبرس تۆرک جمهوریتینه ساپار قورادی

تۆرکیأنینگ جمهورباشلیغی: تۆرکلر قبرس‌دا عادالاتلی و دۆیپلی چؤزگۆت ایسله‌یأر

أردۇغان دمیرقازیق قبرس تۆرک جمهوریتینه ساپار قورادی

 

تۆرکیأنینگ جمهورباشلیغی رجب طیب أردۇغان آذربایجانا قوران ساپاریندان سۇنگرا دمیرقازیق قبرس تۆرک جمهوریتینه ساپار قورادی.

رسمی ساپار اۆچین پایتاغت لفکوشا باران أردۇغان،

"قبرس میللی دعویمیز، قبرس دا عادالاتلی و ایزی گیدرلی بیر چؤزگۆت تاپیلماغی دا بیزینگ آرزوو حیالیمیزدیر" دیدی.

تۆرکیأنینگ جمهورباشلیغی لفکوشادا دمیرقازیق قبرس تۆرک جمهوریتی نینگ جمهورباشلیغی مصطفی آقینجی بیلن اؤزآرا دوشوشیق گچیردی.

ایکی یوردونگ تۇپارلاری نینگ آراسیندا دا تۇپارآرا دوشوشیق گچیریلدی.

رجب طیب اردوغان ،

"تۆرکیه قبرس ینگ تۆرک حالقی نینگ چؤزگۆتسیزلیکدن ضلل گؤرمه‌گینه آصلا گؤزۆنی یومماز. قبرسلی تۆرکلرینگ بیر قبرس یونان دؤولتینده آزلیق یاغدایا گتیریلمه‌گینه آصلا روغصات برمه‌ریس" دیدی.

أردۇغان، دمیرقازیق قبرس تۆرک جمهوریتی نینگ اینگ اولی أتیأجی بۇلان سووا قۇوشاندیغینی یاتلاتدی و مونونگ دمیرقازیق قبرس تۆرک جمهوریتی نینگ استراتژیک تایدان اۆستۆنلیکلی بۇلماغینا سبأپ بۇلاندیغینی و ایقدیصادیه ته ده اولی قۇشانت قۇشاندیغینی بیلدیردی.

تۆرک یۇلباشچی أردۇغان، آقینجی بیلن اؤزآرا دوشوشیغیندا کؤپ سانلی مسئلأنی گۆن ترتیبینه گتیرندیکلرینی آیتدی و باش وزیر توفان أرحۆرمان و حؤکۆمتی بیلن ده ایش ناهاریندا دوشوشاندیقلارینی یاتلاتدی.

"قبرس میللی دعویمیز، قبرس دا عادالاتلی و ایزی گیدرلی بیر چؤزگۆت تاپیلماغی دا بیزینگ آرزوو حیالیمیزدیر" دیه ن رجب طیب أردۇغان،

"بیز تۆرک تاراپی حؤکمۆنده بو مسئله ده سۇنگقی ۵۰ ییلدا هر حیلی تاغاللانی اتدیک اِمما ادن تاغاللالاریمیزا قارامازدان دۆیپلی بیر چؤزگۆدی ماقصات ادیأن اتاپ اؤتن ییل قبرس کنفرانسی نینگ نتیجه سیز گچمه گی بیلن قینانساغام نتیجأ یتمه‌دی. مونگا سبأپ بۇلان تاراپ قبرس ینگ یونان تاراپی نینگ آدانی اؤزۆنینگکی یالی گؤرمه‌گیدی. اۇلار قبرسلی تۆرکلر بیلن سیاسی دنگلیگه اساسلانیان اۇرتاقلیق قورماق و سیاسی گۆیجی پایلاشماق ایسله مه دی. بیر ییل آرادان گچدی اِمما قینانساق دا روملارینگ (قبرس ینگ یونان تاراپی نینگ) بو قاراییشی هیچ حیللی اۆیتگه‌مه‌دی" دیدی.



دِگیشلی حابارلار