تۆرکیه ژنرال دۇستوما ادیلن هۆجۆمی یازغاردی

دۆین بۇلان هۆجۆمده اینگ آز ۱۴ آدام اؤلۆپدی

تۆرکیه ژنرال دۇستوما ادیلن هۆجۆمی یازغاردی

 

تۆرکیأنینگ داشاری ایشلر وزیرلیگی، اۇوغانیستان ینگ پایتاغتی کابل دا جمهورباشلیغینگ بیرینجی اۇرونباساری عبدالرشید دۇستومی نیشانا آلان و ۱۴ آدامینگ اؤلمه‌گینه سبأپ بۇلان هۆجۆمی برک یازغاردی.

ژنرال دۇستوم آیلارچا آرادان سۇنگرا یوردونا قایدیپدی.

عبدالرشید دوستوم ینگ کرونی نینگ کابل داقی قۇنالغادان گچندن سۇنگ قۇنالغانینگ قۇلاییندا پارتلاما بۇلوپدی.

تۆرکیأنینگ داشاری ایشلر وزیرلیگی تاراپیندان واقا بیلن باغلانشیقلی شیله یازماچا بیانات بریلدی:

"اۇغانیستان ینگ حؤکۆمتی بیلن ایلالاشماغی نتیجه سینده بیر ییلدان قۇوراق یوردومیزدا یاشاپ یوردومیزدان اۇوغانیستانا قایدیپ باران اۇوغانیستان ینگ جمهورباشلیغی نینگ بیرینجی اۇرونباساری عبدالرشید دوستم ینگ کابل داقی حامد کرزی حالقارا قۇنالغاسیندان گچندن سۇنگ بۇلان اؤزۆندن گچمه لیک (انتحاری) هۆجۆم ادیلشیگی یازغاریاریس. آرادان چیقانلارا آلله دان رحمت دیله یأریس و اۇوغان حالقینا و دؤولتینه دویغوداشلیق بیلدیریأریس"

اۇوغانیستان ینگ جمهورباشلیغی نینگ بیرینجی اۇرونباساری بیر ییل تۆرکیه ده بۇلاندان سۇنگ دۆین اؤز یوردونا قایدیپدی.

دۇستوم ینگ کرونی قۇنالغادان گچندن سۇنگ بۇلان پارتلامادا ۱۴ آدام آرادان چیقدی. ۶۰ آدام یارالاندی.

اؤلِنلرینگ آراسیندا دۇستومی قۇرایانلارینگ دا باردیغی بیلدیریلدی.

هۆجۆمینگ جۇغاپکأرچیلیگینی داعش ترور قوراماسی اؤز اۆستۆنه آلدی.

 

 


اتیکتلر: کابل , دوستم

دِگیشلی حابارلار