تۆرکیأنینگ گؤره شی

تۆرکیه ترور قوراماسی پ.ک.ک قارشی گؤره شینی دۇوام اتدیرر- ابراهیم قالین

تۆرکیأنینگ گؤره شی



تۆرکیه رایاتلاری بیلن بیرلیکده أهلی رایاتلارینی قۇراماق اۆچین ترور قوراماسی پ. ک. ک قارشی گؤره شینی دۇوام اتدیرر.

تۆرکیه ترور قوراماسی داعش-ه قارشی حیذماتداشلیغینگ اساسی آغضالاریندان بیری بۇلماغا دۇوام ادر.

۱۳-نجی مارت دا آنکارادا ینه ده ترورچیلیقلی هۆجۆم قورالدی.

تۆرکیه بیر تاراپدان داعش-ه بیله کی تاراپدان هم پ.ک.ک قارشی توتان یرلی گؤره ش آلیپ باریاندیغی اۆچین حالقارا ترورچیلیغینگ نیشانی یاغدایینا گلدی. شونگا منگزش هۆجۆملر سبأپلی عمله گلن چیرچیریشلیق و ترورا قارامازدان تۆرکیه ترورا قارشی آلیپ باریان سیاساتیندان آصلا یۆز اؤوۆرمه ز.

ترور قوراماسی داعش و پ.ک.ک تاراپیندان قورالیان شونگا منگزِش هۆجۆملر ۵ ییلینی دۇلدوران سوریه دأکی ایچرکی اورشونگ نتیجه لریدیر.

تۆرکیه- سوریه سرحدینده حیذماتداش گۆیچلری تاراپیندان داعش-ه قارشی هۆجۆملر سبأپلی داعش تۆرکیأ باسیش اتمه ک اۆچین تۆرک شأهِردیر اتراپلارینا هۆجۆم قورایار.

داعش تۆرکیأنینگ آچیق- آیدینگ یاغداتیدا اؤزۆنینگ دوشمانی و تأزه نیشاناسی حؤکمۆنده ایغلان اتدی. حتی قورامانینگ اینترنت سایتیندا تۆرکیأنی و جمهورباشلیق رجب طیب أردۇغانی اسلام دینی نینگ دوشمانی حؤکمۆنده حأصیه تلِندیردی.

پ. ک. ک هم شنگا منگزش تاکتیک آلیپ باریار.

پ.ک.ک دیاربکر، حکاری، شیرناق، ماردین یالی تۆرکیأنینگ گۆن اۇرتا گۆن دۇغار ولایاتلاریندا چیقغینسیز یاغدایا گلِندیگی اۆچین آنکارا یالی اولی شأهِرلرده هۆجۆم قورایار.شیله لیکده حالقینگ قۇرقماغینی، دۇولا دۆشمه گینی و حؤکۆمِتینگ پ.ک.ک قارشی آلیپ باریان سیاساتیندان یۆز اؤوۆرمه گینی ایسله یأر.

اِمما تۆرکیه نه داعش نه ده پ.ک.ک تاراپیندان آبانیان حۇوپا بۇیون اِگِه ر.

گۆن باتار دۆنیأسی داعش و پ.ک.ک-نینگ سوریه دأکی بؤلۆمی PYD-نینگ یاراغلی تۇپاری YPG-نی بیری بیریلرینه قارشی ساواشیان یالی گؤرکِزیأن بۇلسا دا آصلیندا هممه سی بیرلیکده تۆرکیأ قارشی حرکت ادیأر.

ترور قورامالاری نینگ ایکیسی هم تۆرکیأنینگ بۇیون اگمه گی اۆچین بیری بیرینه منگزش تاکتیک اولانیار. ایکیسی هم کؤپ سانلی آدامی اؤلدۆرمه ک بیلن اؤز طالاپلارینی قابول اتدیرمه ک اۆچین سیاسی اتمسفرینگ اۆیتگِجِکدیگینه اینانیار.

بیز اؤلنلریمیزینگ یاسینی توتوپ، هۆجۆمده یارالانانلار و قارینداشلاری بیلن قیزیقلانیارقاق، سوریه ده دۇوام ادیأن ایچرکی اورشی و پ.ک.ک-نینگ مونی اؤز بأحبیدینه اۆچین اولانیاندیغینی گؤرمه لیدیریس. آنکارا بیرنأچه واغتدان بأری دینگه اؤزی اۆچین دأل، ایسه م یاقین گۆن دۇغار یورتلاری و اوروپا اۆچین هم سوریه دأکی ایچرکی ساواشینگ حۇوپلیدیغی بارادا دویدوریش بریأردی.

حالقارا جمغیتچیلیگی نینگ سوریأنینگ حالقینی قۇراماقدا و سوریه ده آقیان قانی دوردورماقدا یترلیک درجه ده نتیجه آلیپ بیلمأندیگی گؤز اؤنگۆنده توتولان حالاتیندا ترور قوراماسی داغش ینگ بلژیک، فرانسیا و تونس ده هۆجۆم قوراماغی قوتولغیسیز یاغدایا گلدی.

سوریه سبأپلی یۆزه چیقان بۇسغون دارتغینلیغی اوروپادا اولی قینچیلیغا اؤورۆلدی. بۇسغون آقیمی نینگ هاچان و نأحیللی یاغدایدا قوتارجاقدیغی تۆرکیه، یونان، بروکسل و اوروپانینگ قالان بؤله گی اۆچین جۇغاپ بریلمه قین سۇراغ حؤکمۆنده گۆن ترتیبینده اساسی اۇرون ایه له مأگه دۇوام ادیأر.

تۆرکیأنینگ باش وزیری احمد داووداۇغلی اوروپالی یۇلباشچیلار بیلن گچیرن گپله شیکلری اوروپانینگ دؤرت کۆنجه گینده بۇسغون آقیمی نینگ گؤنۆکدیریلمه گی اۆچین اولی مۆمکینچیلیک دؤره تدی.

اِمما اساسی مسئله، تۆرکیه یادا یونان آدالاری، ایسه م سوریه...

آنکارانینگ پ.ک.ک حاقینداقی آلادالاری ینه بیر گِزِک ثبوت ادیلدی. گۆن باتارلی آنالیستلار سوریه دأکی ایچرکی ساواشی پ.ک.ک نینگ اؤز بأحبیدی اۆچین اولانماق ایسله یأندیگینی گؤرمه ک ایسله مه یأر و مونی داعش-ه قارشی گؤره ش آدی بیلن عامالا آشیریار.

اِمما پ. ک. ک نینگ تۆرکیه دأکی چؤزگۆت اتابینی بؤکدأندیگی حاقیقاتدیر و (بو ترور قوراماسی) سوریه دأکی ساواشدان یرلیکلی پیدالانماق ایسله دی.

پ.ک.ک-لی لیدرلرینگ گچن ییل ایزی گیدرلی یاغدایدا بیان ادیشلری یالی، سوریه ده ایچرکی ساواش دۇوام ادن حالاتیندا پ.ک.ک هم یاراغینی تاشلاماز.

بو یرده نأمه تۆچین؟ دییله ن سۇراغ یۆزه چیقیار. چۆنکی سوریه دأکی ایچرکی اورش تۆرک دؤولتینه قارشی بۇلان یاراغلی گؤره شی اۆچین حالاص ادیچی باهانا حؤکمۆنده اولانیارلار.

پ.ک.ک و اۇونونگ سوریه دأکی بؤلۆمی، داعش- ه قارشی گؤره ش باهاناسی بیلن ترورچیلیقلی هۆجۆملرینی گۆیچله ندیرمه ک بیلن دۇوام اتدیریأر.

تۆرکیه ده حرکتلرینی دۇوام اتدیریأن پ.ک.ک- لی ترورچیلارینگ PYD- نینگ گؤزه گچیلیگی آستینداقی یرلردن حاربی انجام کؤمِگینی آلیاندیغینی هممه لر دیه ن یالی بیلیأر.

کأبیر تۇپارلار تۆرکیأنینگ سوریه دأکی ایچرکی ساواشی داعش-ه قارشی گؤره شینگ چأگینده پ.ک.ک مسئله سینی گۆن ترتیبینه گتیرمه گینی تانقیت ادیأر.

حتی تۆرکیأنی اۆنسلری داعش-ه قارشی گؤره شدن پ.ک.ک-آ گؤنۆکدیرمأگه سینانشماق بیلن گۆنأکأرله یأر.

۱۷-نجی فِورال دا و ۱۳-نجی مارت دا قورالان هۆجۆملر بیلن بیله کی هۆجۆملر تۆرکیه ده پ.ک.ک-نینگ نأحیللی حۇوپلودیغینی گؤرکِزیأر. تۆرکیه اۆچین حۇوپلی بۇلان پ.ک.ک مسئله سینی گۆن ترتیبینه گتیرمه ک داعش-ه قارشی گؤره شده اۆنسلری باشغا تاراپا گؤنۆکدیرمه ک تاغاللاسی مانیسینی آنگلاتمایار.

ترسینه، تۆرکیه پ.ک.ک نینگ و داعش ینگ حۇوپلی ترور قورامالاریدینیغا اۆنسی چکیأر. کأبیر تۇپارلارینگ شۇلیؤنه کی حاقیقاتی گؤرمِزلیگی بۇلسا اوتاندیریجی...

۱۹۸۰ و ۱۹۹۰-ینجی ییللاردا دۆنیأ درجه سینده القاعده یالی ترور قورامالاری بار ماحالی بیک بریتانیانینگ حؤکۆمِتی نینگ ایرلند جمهوریتی نینگ یاراغلی گۆیچلری ایرا ترورینا گؤنۆکمه گسنه هیج کیک قارشی چیقمادی.

پ.ک.ک و داعش مسئله سینده تۆرکیأنینگ توتومی هم شۇندان تاپاووتلی دأل.

پ.ک.ک نینگ پگ گۆن باتارلی یورتلاردا دأل ایسه م دینگه تۆرکیه ده هۆجۆم قوراماسی اۇنی حۇوپسوز ترور قوراماسی یاغدایینا گتیرمه یأر.

تۆرکیه کۆرت رایاتلاری بیلن بیرلیکده أهلی رایاتلارینی قۇراماراماق اۆچجین پ.ک.ک قارشی گؤره شینی دۇوام اتدیرر.

تۆرکیه، ترور قوراماسی داعش- قارشی حیذماتداشلیغی نینگ اساسی آغضالاریندان بیری بۇلماغا دۇوام ادر



دِگیشلی حابارلار