مسلمانلارا قارشی چیقیشلار دینگه داعش-ه حیذمات ادیأر

تۆرکیأنینگ جمهورباشلیقلیغی نینگ مطبوغات گنگه شچیسی ابراهیم قالین ینگ قالامیندان داعش، پ. ک. ک و گۆن باتارلیلارینگ مسلمانلارا بۇلان یالنگیش قاراییشی

مسلمانلارا قارشی چیقیشلار دینگه داعش-ه حیذمات ادیأر

مسلمانلار و گۆن باتارلی یورتلار سوریه، عیراق، سومالی، فرانسیا یادا بلژیک ده بۇلسون داعش و القاعده یالی ترور قورامالارینی یۇق اتمه ک اۆچین بیرلیکده گؤره شمه لیدیر.

آنکارادا و ایستامبول دا قورالان ترورچیلیقلی هۆجۆملردن سۇنگ ترور بو گِزِک اوروپانینگ مرکزینی بروکسلی نیشانا آلدی. شۇل ترورچیلیقلی هۆجۆملر ترورینگ نیره ده بۇلاندیغینا قارامازدان نأحیللی حۇوپلیدیغینی ینه ده بیر گِزِک گؤرکِزدی. شۇل بیر واغتدا هم ترورا قارشی تأزه سیاساتلارینگ قیسساغلی یاغدایدا آلینیت باریلماغی نینگ مؤهۆمدیگینه اۆنسی چکدی.

سۇنگقی حیاناتچیلیقلی هۆجۆملردن شو درسلر آلینیپ بیلینر.

بیرینجیسی داعش- قارشی استراتژی گؤزدن گچیریلمه لی. شک شۆپهه سیز داعش حۇوپی یۇق ادیلمه لیدیر. مسلمانلار و گۆن باتارلی یورتلار سوریه، عیراق، سومالی، فرانسیا یادا بلژیک ده بۇلسون داعش و القاعده یالی ترور قورامالارینی یۇق اتمه ک اۆچین بیرلیکده گؤره شمه لیدیر.

اِمما آلینیپ باریلیان حأضیرکی سیاساتلار اساسان هم داعش ینگ سوریه و عیراق داقی یرلرینه هۇا هۆجۆمینی قوراماغا گؤنۆگِن و داعش ینگ سوریه، تۆرکیه، اوروپا و آمریکادا هۆجۆم قوراماغی نینگ اؤنگۆنی آلیپ بیلمه لی.

سوریه دأکی ساواش داعش-ی گۆیچله ندیرمأگه دۇوام ادیأر. شۇل ساواشینگ دۇوام اتمه گینه روغصات بریلمه گی بۇلسا ترور قوراماسی داعش ینگ گۆیجۆنه گۆیچ قۇشیار. داعش سوریه و عیراق داقی سیاسی و حۇوپسوزلیق مسئله لری سبأپلی حأضیرکی یاغدایینا گلدی. داعش بیزه شو حاقیقاتی یاتدان چیقارتمالی دألدیر:

بشار اسدینگ یۇلباشچیلیغینداقی حؤکۆمِتی ۴۰۰ مۆنگه قۇلای آدامی اؤلدۆردی. شۇل سان هایسیدیر بیر ترور قوراماسی نینگ اؤلدۆرِن انسانلاری نینگ سانیندان حاص کؤپدیر. موندان باشغا دا سوریأنینگ حؤکۆمِتی سبأپلی میلیونلارچا آدام یوردونگ ایچینده و داشاردا بۇسغون یاغدایینا گلدی.

سوریأنینگ حؤکۆمتینه روسیا و ایران تاراپیندان بریلیأن قۇلداو، آمریکانینگ ۲۰۰۳-نجی ییلدا عیراغی باسیپ آلماغی و اسده بریأن قۇلداوی ترور قوراماسی داعش ینگ گۆیجۆنه گۆیچ قۇشیار.

ایکینجیسی ترورچیلارینگ قۇویسی یادا اِربِدی بۇلماز. اتنیکی، دینی یادا سیاسی سبأپلرینه قارامازدان ترور هر یرده تروردیر. پاریسی و بروکسلی قانا بولان داعش-ی ترور قوراماسی حؤکمۆنده قابول اتمه ک اِمما آنکارادا سۇنگقی ایکی آیدا ۳ گِزِک هۆجۆم قوران پ.ک.ک-نی ترور قوراماسی حؤکمۆنده قابول اتمه زلیک اولی یالنگیشدیر.

پ. ک. ک سوریه ده داعش-ه قارشی گؤره ش باهاسی بیلن قانونی یاغدایا گلیپ بیلمه ز.

آنکارادا و ایستامبول دا قورالان سۇگقی هۆجۆملرده هم گؤرۆلشی یالی داعش و پ.ک.ک تاپاووتلی قاراییشلارا ایه دیکلرینه قارامازدان تۆرکیأ قارشی بیرلیکده هۆجۆم قوراماق اۆچین بیرله شدیلر.

بو مسئله ترورا قارشی ماغلومات چالشیغی و حیذماتداشلیغی قورالیپ بیلینجک هۆجۆملرینگ اؤنگۆنینگ آلینماغی تایدان دیس هنگ مؤهۆ. بروکسل ده قورالان هۆجۆملر ماغلومات چالشیغی و حیذماتداشلیق مسئله سی نینگ نأهیللی مؤهۆمدیگینی ینه ده بیر گِزِک گؤرکِزدی. بلژیکلی یۇلباشچیلار تۆرکیأنینگ هۆجۆمچی ابراهیم البکراوی نینگ داشاری یورتلی ترورچیدیغی حاقیندا اؤزلرینه برن رسمی دویدوریشینا اۆنس برمه دی.

ابراهیم البکراوی ایلکی غازی آنتپ ده توسساغ ادیلدی و ۲۰۱۵-نجی ییلینگ ایون آییندا اؤز ایسله گینه گؤرأ هلنده اوغرادیلدی. سۇنگقی ۳ ییلدا تۆرکیه ۳ مۆنگدن قۇوراق آدامی قۇودی و ۳۷ مۆنگ آدامینگ ترور قورامالاری بیلن آراباغلانشیغی نینگ باردیغی سبأپلی تۆرکیأ گلمه گی قاداغان ادیلدی. شۇل ساناوداقی آداملارینگ اساسی بؤله گی اوروپا یورتلاریندان گلیأر.

اۆچۆنجی بۇلسا ترورچیلیقلی هۆجۆملردن سۇنگ گۆیچله نِن، مسلمانلارا قارشی چیقیشلار ترور قورامالارینا حیذمات ادیأر.

اوروپالی و آمریکالی ایسلاموفوبیکلر سۇنگقی هۆجۆملری مسلمانلارا قارشی چیقیشلاری بیلن اؤز بأحبیتلری اۆچین اولانماقدا گیجأ قالمادیلار.

اسلام دینی و مسلمانلار حاقینداقی چیقیشلار آشا تۇپارلارا قارشی گؤره شه ضِلِل یتیریأر. مسملانلارینگ اساسی بؤله گینی چِت قیرا ایبریأر. اسلام دینینه قارشی چیقیشلار نه سیاسی قینچیلیقلاریمیزی چؤزمه گیمیزه یاردام بریأر نه ده حۇوپسوزلیغیمیزی آرتدیریار.

اۆسته سینه ده داعش ینگ آغضالاری نینگ دین بیلن آراباغلانشیغی یۇق. داعش جمغیتینگ هر قاتلاغیندان بۇلان آداملاری اؤزۆنه آغضا حؤکمۆنده سایلاپ آلیار.

عیلمی بارلاغلار آشا ساغچیلارینگ مسلمان آدینی اولانیپ ترور ادیأن ترورچیلارا گؤرأ حاص کؤپ آدام اؤلدۆرِندیگینی گؤرکِزیأر. حاص اربِدی هم اسلاموفوبیا و مسلمانلارا قارشی توتوملار گۆن باتاردا هم آشا ساغچی هم ده آشا سۇلچی تۇپارلارینگ بیر یره اۆیشمه گینه سبأپ بۇلیار.

آشاساغچی کنسرواتور تۇپارلار مسلمان آزلیق جماغاتلارا قارشی اتنیکی دینی چاغیریش بریأر.سۇلچی لیبرال عالیملار مسلمانلاری اربت آدام حؤکمۆنده گؤرکِزمه ک اۆچین سۇنگقی چأره حؤکمۆنده زنانالارینگ حاق حقوقلارینی اولانیار. بیری بیرینه هیچ منگزه مه یأن حیذماتداشلاری بیرله شدیریأن اساسی زات بۇلسا اسلام و مسلمانلار حاقینداقی قارشی توتوملاریدیر.

مسلمانلار بیر تاراپدان داعش ینگ مسلمان بۇلمادیقلاردان حاص کؤپ مسلمانلاری اؤلدۆرِن یورتلاری سوریه و عیراق یالی یرلرده داعش سبأپلی اولی ییتگیلر چکیأر. بیله کی تاراپدان سیاسی ماقصاتلاری اۆچین داعش-ی مسلمانلارا قارشی توتوم آلیپ بارماق اۆچین اولانیان اسلاموفوبیکلرینگ چیقیشلارینا سزه ور بۇلیار.

مسلمانلار داعش-ی نأله تله مأگه دۇوام ادیأر. هایسیدیر بیر یرده ترورچیلیقلی هۆجۆم قورالاندان سۇنگ مسلمانلار اساسی شۆپهه له نیلیأنلر یاغدایینا گتیریلیأر.

اِمما آلمانلارینگ آدی نئو فاشیستلر بیلن، آندرس بریویک واقاسیندا نروژلیلرینگ کوکلوس کلان و تیموتی مک وی واقاسیندا آمریکالیلارینگ آدی آغزالمایار.

ستا آدلی عیلمی بارلاغ قوراماسی تاراپیندان یانگقی یاقیندا چاپ ادیلن اوروپادا ایسلاموقوبی آدلی حابارناما اوروپادا مسلمانلارا قارشی سیاساتلارینگ یایبانگلاشیاندیغینی گؤرکِزدی.

آمریکاداقی سایلاو اتابینا سر سالناندا یاغدایینگ آتلانتیک ینگ بیله کی یاقاسیندا هم تاپاووتلی دألدیگینی گؤرکِزیأر.

جمهوریتچی پارتیانینگ جمهورباشلیغا دالاشگأری آلیپ باریان قۇرقی سیاساتلاری بیلن اؤنگه باریارقا، قانونلارا لاییق حرکت ادیأن، سالغیدینی واغتیندا تؤله یأن آمریکالی مسلمانلار گؤرمه زلیکدن گلینیأر.



دِگیشلی حابارلار