حلب یانیار

جمهورباشلیقلیغینگ مطبوغات گنگه شچیسی نینگ حلب باراسیندا ماقالاسی

حلب یانیار

 

۵-نجی ییلینا گیرن سوریأنینگ اورشی یوواش یوواش تیترلردن و دۆنیأنینگ گۆن ترتیبیندن ییتمأگه باشلادی.

دۆنیأ یؤنه کی "سۇنگقی تأزه لیک" حابارلارینا اۆنس بریأر و شۇل بیر واغتدا سوریه دأکی قیرغینچیلیق دۇوام ادیأر و یاشاییش، جمغیتچیلیک، تاریحینگ هممه سی و کؤپرأگی بو ساواشینگ قوتارجاغینا و سوریه لیلرینگ پاراحاتچیلق و بایلیغی ینه ده گؤرجِکدیگی باراسینداقی اومیتلاری یۇق ادیأر.

سۇنگقی دؤروت ییلینگ دۇوامیندا سوریه ده بو قانلی ساواش بۇلدی. امما سوریأنینگ ایکینجی اینگ اولی شأهِری و مدنیت- سرمایه مرکزی بۇلان حلب سۇنگقی هپده لرده اینگ آغیر چاقنیشیقلارینگ مرکزینه اؤورۆلدی.

حالب ینگ دۆشمه گی اسد رژیمی بیلن قۇلداوچیلاری اۆچین اؤرأن مؤهۆم بیر زات بۇلار.

شیله بیر یاغدای، ساواش میدانیندا تراژیک بۇلان انسانی یاغدایینگ موندان دا بتر بۇلجاغی و اۇن مۆنگلرچه تأزه بۇسغونینگ تۆرکیأ یۇلا چیقجاغینی گؤرکِزیأر.

اِمما هر زاتدان اۇزال حلب ینگ دۆشمه گی، یاقین واغتلاردا بۇلان اینگ واغشیچا ساواشدا دۆنیأنینگ اسد رژیمی نینگ ادن واغشیچیلیقلارینا دیمجاقدیر.

۲۰۱۵-نجی ییلینگ دکابریندا بیرلشن میللتلرینگ حۇوپسوزلیق گنگه شی تاراپیندان قابول ادیلن ۲۲۵۴-نجی نۇمرلی قارار ساواشی قوتارماق، انسانی کؤمِک یتیرمه ک و قانونی و دموکراتیک بیر سوریه حؤکۆمِتینی قوراماق باراسیندادیر.

اِمما رژیم ایدلیب، حلب و یوردونگ باشغا یرلرینده روسیانینگ هۇوادان قۇلداوی بیلن بیرلشن میللتلر قوراماسی نینگ بو قاراری نینگ هیچ بیر بندینی یرینه یتیرمه دی.

۱۱-نجی فورال دا قابول ادیلن "دوشمانچیلیغی بس اتمه ک" باراسینداقی مونیخ ایلالاشیغی بۇلسا ژنوده گچیریلجک دوشوشیغا طایارلیق گؤرمه لیدی. ایلالاشیق فورال آیی نینگ سۇنگوندا و مارت آیی نینگ باشیندا ساواشینگ گۆیجۆنی آزالتسا دا شو واغت یاغدای گۆن سایین اربتله شیأر.

بیله کی تاراپدان سوریه بیلن عیراق دا داعشه قارشی ساواشدا دا آز اؤنگه گیدیشلیک ادیلدی.

شو گۆنه چنلی اسد ایزی گیدرلی یاغدایدا رژیمی، بیرلشن میللتلر قوراماسی نینگ آیدیشی یالی قورامانینگ قارارینی و مونیخ داقی شرط نامانی قارامازدان گلدی.

اسد لاذقیأنینگ دمیرقازیغی و حلب و ایدلیب دأکی یؤنه کی رایاتلار بیلن محالیفلارینگ کنترلینداقی یرلری بمبالادی و یۆزلرچه گۆنأسیز آدامی اؤلدۆردی و انسانی کؤمِگینگ یتیریلمه گینه پأسگل بردی.

ایندی ده اسد رژیمی هۆجۆملرینی حلب ده اؤنگکیدن ده بتر دۇوام اتدیریأر. اۇقووجایلاری، چؤره کچیلری، کسلحانا و یۇللاری و محالیفلارینگ کنترلینداقی یرلرده یاشایانلارا جزا برمه ک اۆچین اولاری هدپ توتیار.

بو همیشه کی روس تاکتیگیدیر: "دینگه ساواشانلاری دأل، ایسه م ساواشچیلارینگ ماشغالالاری، اؤیلری و شأهِرچه لرینی ده بمبالاسانگیز ساواشی بیر گۆلـله زینگمانی تاماملارلار". بو ادیل شۇل روسیانینگ ساواش تاکتیگیدیر.



دِگیشلی حابارلار