ی. پ. گ آمریکا بیلن روسیادان قۇلداو آلیار

ابراهیم قالین: "داعش هۆجۆملرینی ایسلام دینی نینگ آدیندان قورایاندیغینی آیتماق بیلن اینانچلارا قارا تِگمیل سۆریأر"

ی. پ. گ آمریکا بیلن روسیادان قۇلداو آلیار

ابراهیم قالین: "داعش هۆجۆملرینی ایسلام دینی نینگ آدیندان قورایاندیغینی آیتماق بیلن اینانچلارا قارا تِگمیل سۆریأر"

تۆرکیأنینگ جمهورباشلیق دیوانی نینگ ایش دۇلاندیریجیسی نینگ اۇرونباساری ابراهیم قالیت ترور قوراماسی داعش ینگ هۆجۆملرینی اسلام دینی نینگ آدیندان قورایاندیغینی آیتماق بیلن اینانچلارا قارا تگمیل سۆریأندیگینی آیتدی.

ابراهیم قالیت ت. ر. ت ورلد کانالیندا ترور قوراماسی داعش، ی پ گ و سوریه دأکی ایچرکی اورش حاقیندا یؤریته بیانات بردی.

داعش ینگ سوریه ساواشینداقی ایکی قان حۇردان بیریدیگینی آیدان و داعش ینگ هۆجۆملرینی الهِنچ حؤکمۆنده حأصیه تلندیرن قالین "هۆجۆملرینی اسلام دینی نینگ آدیندان قورایاندیقلارینی آیتماغی بۇلسا دۆنیأده یاشایان میلیونلارچا آدامینگ اینانجینا قارا تِگمیل سۆرمه کدیر" دیدی.

قالین ی. پ. گ نینگ آمریکا و روسیادان قۇلداو آلیاندیغینی آیراتین بِلله دی.

ابراهیم قالین ترور قوراماسی داعشه قارشی دؤروه دیلن حیذماتداش گۆیچلرینگ ترور قوراماسینی یۇق اتمه کده اۆستۆنلیک قازانیپ بیلمِزلیگی نینگ سبأپلری حاقیندا هم دوروپ گچدی.

قالین "داعشه قارشی اوروپا یورتلارینی و آمریکانی اؤز ایچینه آلیان اولی حالقارا حیذماتداشلیق بار. اِمما بو گۆیچلی حیذماتداشلیق حأضیره چنلذی داعشی تأثیرسیز یاغدایا گتیریپ بیلمه دی. سبأبی داعشی یۇق اتمه ک اۆچین یترلیک درجه ده تاغاللا اتمه یأریس" دیدی.

قالین سوریه ده ۵ ییلدان بأری ایچرکی اورشونگ دۇوام ادیأندیگینی و شۇل اورشدا ۵۰۰ مۆنگدن قۇوراق آدامینگ اؤلِندیگینی آیتدی.

ابراهیم قالین سوریأنینگ حؤکۆمِتی نینگ ترور قوراماسی داعشی اؤزۆنی قۇراماق اۆچین بیر اولاغ یادا یۇل حؤکمۆنده اولانیاندیغینی یاتلاتدی و:

"اسد من گیتسه م، بو ترورچیلار سوریأنی اله گچیرر دیمه ک بیلن داعشی اولانیار" دیدی.



دِگیشلی حابارلار