تۆرکیه آفریقانینگ اینگ یاقین دۇستیدیر

تۆرکیأنینگ جمهورباشلیغی نینگ مطبوغات گنگه شچیسی ابراهیم قالین ینگ ماقالاسی

تۆرکیه آفریقانینگ اینگ یاقین دۇستیدیر

تۆرکیأنینگ آفریقاداقی باشارجانگلیغی نینگ سبأبی بیر سر دألدیر. یرلی حیذماتداشلارا حۇرمات قۇیماق، تأزه پورصاتلار دؤره تمه ک و بؤلگه دأکی ایشجنگ آداملاری اینجیتمازلیق تۆرکیأنینگ باشارجانگلیغی نینگ سبأبیدیر.

تۆرکیأنینگ جمهورباشلیغی رجب طیب أردۇغان ۳۱-نجی مای بیلن ۳-نجی ایون آرالیغیندا رسمی ساپار بیلن گۆن دۇغار آفریقا یورتلارینا باردی. تۆرکیأنینگ بؤلگه دأکی یاقین حیذماتداشلاریندان بیری بۇلان اوگاندا، کنیا و سومالی نی اؤز ایچینه آلیان ساپار میللتیمیزینگ آفریقانینگ باشارجانگلیق حکایاسی نینگ بیر پارچاسی بۇلماق باراداقی نیتینی تأزه دن تاصصیقلادی.

آچ آچان آیتجاق بۇلساق تۆرکیأنینگ آفریقا بیلن بۇلان شیله قاتناشیغی بیر گۆنده دؤره مه دی. آفریقادا بۇلماق اۆچین ۱۹۹۰ ییللای نینگ آحیرلاریندا أدیلن أدیملر ایلکینجی ایشلردیر. عادالات و اؤسۆش پارتیاسی دؤورۆندأکی تۆرکیأنینگ داشاری سیاسات باراسیندا تاغاللالاری بیلن سیستماتیک بیر ایشلر ادیلدی. ۲۰۰۵-نجی ییلدا باش وزیر أردۇغان ینگ حؤکۆمِتی بؤلگه آرا حیذماتداشلاریمیز بیلن یاقینراق بیر حیذماتداشلیق اتمه ک، تأزه دۇستلار تاپماق و آفریقانینگ اؤز پتانسیلینی گؤرکِزمه گینه قۇلداو برمه ک اۆچین آفریقا باراسیندا تاغاللاسینی باشلاتدی.

بو دیپلماتیک تاغاللا ایستامبول بیلن مالابو دا گچیریلن تۆرکیه- آفریقا شأریکلیک ماصلاحاتی بیلن دۇوام اتدی.

تۆرکیه حالقی اۆچین یوردونگ گۆن دۇغار آفریقا اۆلکه لری بیلن قاتناشیقلاریندا اینگ اساسی زات، أردۇغان ینگ ۲۰۱۱-نجی ییلدا آفریقادا بۇلان قوراقلیقدا آفریقا ساپار قوراماغی بۇلدی.

شۇل قوراقلیغینگ ۲۵۰ مۆنگ آدامینگ اؤلمه گینه سبأپ بۇلان بیر ماحالیندا أردۇغان شۇلارینگ یکه قالمادیقلارینی آیتدی و یانگاداندان آفریقالیلارا کؤمک برمه ک اۆچین قۇلداو سؤزینی بردی.

گچن آی ایستامبول دا قورالان دۆنیأ انسانی کؤمِک ماصلاحاتیندا ۳۲ آفریقالی یورتدان گلن یۇلباشچینی میهمان ادن تۆرکیه گۆن دۇغار آفریقا گۆن دۇغار آفریقا میتندارلیق بیلدیردی.

سۇنگقی ییللاردا تۆرک حیذماتداشلیق و اوتغشیقلیق قوراماسی (تیکا) ۳۰-دان کؤپرأک یورتدا اؤسۆش پرۇژه لرینی دۇوام اتدیرمه ک اۆچین ۱۵ ادارا آچدی. تۆرکیه دینگه ۲۰۱۲ و ۲۰۱۳-نجی ییلدا آفریقاداقی دۆرلی کؤمِک تاسلامالارینا ۸۰۰ میلیون آمریکان دلاری مؤچبرینده کؤمِک بردی.

تۆرک میله تینلری نینگ و رسمی ماقاملاری نینگ گیجه گۆندیز دیمأنی ایبشله مه گی، درمان، ایمیت و باشغا زاتلار باراسیندا قینچیلیق چکیأنلرینگ یاشاماغینا اولی قۇشانت قۇشدی.

گچن ییل تۆرکیه طبیپلره ساپاق برمه ک و کسللری بجرگأ آلماق اۆچین تۆرک- سۇمالی کسلحاناسینی آچدی. بو کسلحانا گۆن دۇغار آفریقاداقی اینگ اولی ساغلیق قورلوشیغیدیر.

تۆرکیأنینگ کؤمِکلری دینگه گۆن دۇغار آفریقا چأکلی دأل. ۲۰۱۴-نجی ییلدا گۆن باتار آفریقادا ابولا کسلی چیقاندا تۆرکیأنینگ آفاد قوراماسی سیرالئون، لیبریا و گینه یورتلارینا درمان و انسانی کؤمِک ایبردی.

آفاد موزامبیک و گۆن اۇرتا گۆن دۇغار آفریقانینگ ایزاقالاق یورتلاریندا بۇلان سیل واقاسیندا دا کؤمِک اۆچین تاغاللا ادن ایلکینجی یورتلاردان بیریدیر.

 



دِگیشلی حابارلار