گۆن‌باتارلی مدیا تۆرکیأنینگ دموکراسی باراسینداقی سیناغیندان گچیپ بیلمه‌دی

گۆن‌باتارلی و باشغا مدیا اولغاملاری آغدارلیشیغا سینانشیغینگ یۇلباشچیسی فت الله گۆلن حاقیندا نأمه دیدی؟

گۆن‌باتارلی مدیا تۆرکیأنینگ دموکراسی باراسینداقی سیناغیندان گچیپ بیلمه‌دی

گۆن‌باتار مطبوغاتی گۆلِن‌ینگ بأهبیدینه ادیلن تاغاللالاری یۆزه چیقاردی

"میله‌تین سۆرگۆن"، "سۆیجی دیللأ" چنلی گۆن‌باتارینگ کؤپچۆلیکله‌یین حابار بریش سریشده‌لرینده اولانیلان فرازالار

داشاری یورت مطبوغاتیندا فتونینگ (فت الله چی ترور قوراماسی) یۇلباشچیسی فت الله گۆلن‌ینگ هایسیدیر صیپاتلار بیلن آتلاندیریلاندیغی بارادا مطبوغات نشریات و ماغلوماتلار اداراسی تاراپیندان گچیریلن بارلاغ اساسان دا گۆن‌باتاردا و آمریکادا "مأهیرلی" سؤزلر بیلن گۆلن ینگ بأهبیدینه پروپاگاندا آلینیپ باریلیاندیغینی یۆزه چیقاردی.

"میله‌تین سۆرگۆن"، "سۆیجی دیللأ" چنلی گۆن‌باتارینگ کؤپچۆلیکله‌یین حابار بریش سریشده‌لرینده اولانیلان فرازالار

"داشاری یورت مطبوغاتیندا فتونینگ لیدری" سؤز باشیلی حابار آنالیزیمیزینگ چأگینده ۲۰۱۶-نجی ییلینگ ۱-نجی مای بیلن ۹-نجی آگوستی آرالیغیندا ۱۲۶ سانی داشاری یورت قازتی و ژورنالی، ۲۱ تله‌یایلیم و ۱۵ حابار سریشده‌سی سلجریلدی، ۲۷۲۶ حابار درنگه‌لدی.

آمریکان مطبوغاتیندا ترور یۇلباشچیسی گولن ینگ "حۇرماتلی دینچ آلیشداقی دینی واغظچی"، "میله‌تین سۆرگۆندأکی امام"، "سۆیجی دیللی"، پوپولار، "۷۷ یاشلی حاسسا و قارری امام"، "یؤنه‌کِی دین آدامسی"، "سئرلی دین آدامسی"، "تأثیرلی اپوزیسیونر"، "أردۇغان‌ینگ اۇزالقی حیذماتداشی" یالی یؤنه‌کِیلِشدیریجی صیپاتلار بیلن آتلاندیریلاندیغی آنیقلاندی.

آمریکان مطبوغاتی‌نینگ بو چمه‌له‌شمه‌سی آمریکان یۇلباشچیلاری تاراپیندان هر پورصاتدا حیذماتداش و دۇست یورت آتلاندیریلیان تۆرکیه هم ده تۆرک حالقی تاراپیندان ایکی‌یۆزلۆلیک حؤکمۆنده قابول ادیلیأر.

بارلاغیمیزا لاییقلیقدا، آلمان مطبوغاتی ترور یۇلباشچیسی گولن بارادا "گولن ینگ تۇری"، "میله‌تین سۆرگۆندأکی امام"، "پاراساتلی دین واغظچیسی"، "أردۇغان‌ینگ کؤنه دوشمانی/ اوزالقی حیذماتداشی"، "پنسیلوانیا داغلاریندا یاشایان قارری و حاسسا آدام"، "آفریقادا تأثیری گۆیچلی جماغات"، "زأهِرلی ییلان" یالی کسگیتلمه‌لری سایلاپ آلدی.

آلمان مطبوغاتی فتونی ترور قوراماسی حؤکمۆنده آتلاندیرمازلیق اۆچین ییغی ییغیدان "هامالا" سؤزینی اولانماغی سایلاپ آلدی.

فرانسوز مطبوغاتیندا "اۇزالقی حیذماتداش"، "سۆرگۆندأکی دین واغظچیسی"، "روحانی یۇلباشچی"، "۷۵ یاشلی حاسسا و یاداو آدام" صیپاتلاری اولانیلدی. تۆرک یۇلباشچیلاری‌نینگ فتو کسگیتله‌مه‌لری‌نینگ قۇشا دیرناق لیچینده بریلمه‌گینی سایلاپ آلان فرانسوز مطبوغاتی‌نینگ بو چمه‌له‌شمه‌سینه تروریزمه قارشی تۆرکیه بیلن آرقالاشیق اتمه‌زلیک حؤکمۆنده قارالیار.

انگلیس مطبوغاتیسندا بۇلسا فتونینگ یۇلباشچیسی گولت اۆچین "کاریزماتیک دین آدامسی"، "۷۷ یاشلی دینی یۇلباشچی"، "یؤنه‌کِی دین آدامی"، "اپوزیسیونر"، "دین‌آرا دیالوگ یۆزلِنمه‌لرینی بریأن" یالی صیپاتلار سایلانیپ آلیندی. "ترور قوراماسی و پارالل دؤولت اولغامی" فرازالاری‌نینگ بۇلسا یؤنکِه‌مه حؤکمۆنده گؤرکِزیلِندیگی آینقلاندی.

دۆنیأ مطبوغاتی گۆلن اۆچین هایسی صیپاتی اولاندی؟

یاقین گۆن‌دۇغار یورتلاری‌نینگ مطبوغات سریشده‌لری "آمریکادا یاشایان دین آدامی"، "آیدینگ"، "آفریقانینگ اساسی وکیللریندن بیری" حؤکمۆنده حأصیه‌تلندیرن گۆلن ایران‌ینگ مطبوغاتیندا "ایران اسلام جمهوریتی‌نینگ قایداووسیز قارشیداشی"، "سۆرگۆندأکی دین آدامسی"، "آغدارلیشیق سینانشیغینی قوراماقلا گۆنأکأرله‌نیأن آدام" صیپاتلاری بیلن بیان ادیلن بۇلسا، فتو دگیشلی عسگرلر اۆچین بۇلسا "فت الله گۆلن ترور قوراماسینا دگیشلی حاربی پیتنه‌چیلر" کِسگیتله‌مه‌لری‌نینگ اولانیلاندیغی اۆنسلری چکیأر.

فتونینگ یۇلباشچیسی گۆلن حیتای‌یینگ مطبوغاتیندا "آمریکالیلاشان تۆرک دین آدامسی"، "دینی شحصیت"، "سۆرگۆندأکی اپوزیسیونر"؛ ایسرائیل‌ینگ مطبوغات سریشده‌لری بۇلسا "گیزلین ترور قوراماسی"، "تۆرکیه‌لی سنّی دین آدامسی"، "سۆرگۆندأکی مسلمان دین واغظچیسی" کِسگیتله‌مه‌لر اولانیلدی.

ژاپن مطبوغاتیندا گۆلن بارادا "اسلامچی دینی پداگوگ"، "گۆلن ملا"؛ ایتالیان مطبوغات اۇرگانلاریندا "سنی امام"، "امامینگ اۇغلی"، "گۆلن امپراتوریسی"؛ هلند مطبوغاتیندا "حالقارا شرکتلرینگ، عیلمی اۇجاقلارینگ، بانکلارینگ ایه‌سی تأثیرلی امام" سؤزلری اولانیلدی.

کۆرت دیلینده بریلن حابارلاردا بۇلسا گۆلن "اسلاما چاغیریجی"، "أردۇغان دؤولتینی ییقجاق یکه تأک گۆۇیچ"، "کۆرت قارشیداشی"، "پارالل قورامانینگ لیدری" کِسگیتله‌مه‌لری بیلن گۆن ترتیبینه گلدی.

فتونینگ یۇلباشچیسی روس مطبوغات سریشده‌لری بۇلسا "سئرلی دین آدامسی"، "تۆرک دیللی دؤولترده اسلامی مکدپلرینگ ایه‌سی"، "گۆلن ینگ امپراتوریسی"، "پرزیدنت أردۇغان‌ینگ قایداووسیز بأسده‌شی"؛ گۆرجیستان مطبوغات ارگانلاری بۇلسا "تۆرک لیدرینگ سیاسی- روحی یاغداییندا کِسگیتله‌ییجی رل اۇینایان گۆلن"، "گۆن‌باتاری قۇلداییجی یاغدایی بیلن کنسرواتیو مسلمان یؤره‌لگه‌لری بیرله‌شدیرن"؛ سعودی عربیستان‌ینگ مطبوغاتیندا "ترورچی قورامانینگ لیدری"، "آغدارلیشیقدان جۇغاپکأر دینی لیدر"؛ مصرینگ مطبوغاتیندا "تۆرک دین آدامسی"، "حاربی آغدارلیشیق سینانشیغی‌نینگ بیرینجی گۆنأکأری"، "اسلامی پیکیرزادا"؛ قبرس‌ینگ یونان مطبوغاتیندا "سرحِتلری آشان حیذمات حرکتی‌نینگ آتاسی" و سوئد مطبوغاتیندا "مرکزی آمریکادا یرله‌شیأن دین واغظچیسی"، "مسلمان لیدر"، "سۆرگۆندأکی اسلام واغظچیسی" یالی کِسگیتله‌مه‌لره اۇرون بریلدی.

فت الله گۆلن اۆچین "پاراساتلی" کسگیتله‌مه‌لر تاپماق اوغرونداقی تاغاللا

گۆن‌باتارلی کؤپچۆلیکله‌یین حابار بریش سریشده‌لری‌نینگ تۆرکیأ قارشی چمه‌له‌شمه‌سینه فتونینگ (فت الله چی ترور قوراماسی‌نینگ) سۇنگقی ییللارا چنلی زکات، صاداقا، قوربانلیق مال آدی آستیبندا تۆرک حالقی‌نینگ حاییر- احسان دویغولاریندان حیاناتچیلیقلی پیدالانیپ ییغنان پوللاری بیلن آلیپ باران لابی ایشلری‌نینگ هم قۇشاندی‌نینگ باردیغی بارلاغینگ یۆزه چیقاران نتیجه‌لریندن بیری، کؤپ سانلی گۆن‌باتار حابار بریش سریشده‌لری بیلن قورامانینگ آغضالاری‌نینگ آراسیندا آچیلان یاقین قاتناشیقلار دۆرلی لابی ایشلری‌نینگ اینگ آنیق دلیللری حؤکمۆنده حاساپلانیلیار.

گۆن‌باتارینگ حابار بریش سریشده‌لری‌نینگ ایلکی پ. ک. ک و پ. ی. د باراسیندا چیقان حابارلاردا اولانان دیلی گؤز اؤنگۆنده توتولاندا،ريال شۇل چمه‌له‌شمه تۆرک حالقی اۆچین گنگ قالدیریجی دأل.

پ. ک. ک و پ. ی. د اۆچین "پارتیزان"، "کۆر ساواشچیلاری" یالی آتلاندیرمالاری اولانان گۆن‌باتارینگ مدیاسی ینه ده بیر گِزِک تۆرکیأ قارشی کؤپ سانلی بی‌قانون ایشه باش قۇشان، فت الله گۆلن اۆچین "پاراساتلی" کِسگیتلِمه‌لر تاپماق اوغرونداقی تاغاللاسینی دۇوام اتدیریأر.

مطبوغات و تشریات و ماغلوماتلار اداراسی‌نینگ باشلیغی‌نینگ اۇرونباساری اکرم اۇقوتان شۇل بارلاغ بارادا "آناتولی حابارلار قوللوغینا" رپرتاژ بردی.

اۇقوتان بارلاغینگ حالقارا مطبوغاتیندا اۇرون آلان حابارلارینگ فتونینگ ایش یۆزۆنده کیملره حیذمات ادیأندیگینی یۆزه چیقاراندیغینی نیغتاپ، حالقارا حابار بریش سریشده‌لری‌نینگ تۆرکیأنینگ دموکراسیسی بۇیونچا ساپاغیندا گچیپ بیلمأندیگینی بیان اتدی.

 



دِگیشلی حابارلار