هر بیر آدام اؤزۆنی حۇوپسوز دوییانچا حۇوپ دوۇام ادیأر حاساپلانیار

قالین "دیلی صاباح" قازتینه "هر بیر آدام اؤزۆنی حۇوپسوز دوییانچا حۇوپ دوۇام ادیأر حاساپلانیار" سؤز باشیلی ماقالا یازدی

هر بیر آدام اؤزۆنی حۇوپسوز دوییانچا حۇوپ دوۇام ادیأر حاساپلانیار

جمهورباشلیق دیوانی‌نینگ اۇرونباساری و مطبوغات گنگه‌شچیسی ابراهیم قالین "دیلی صاباح" قازتینه "هر بیر آدام اؤزۆنی حۇوپسوز دوییانچا حۇوپ دوۇام ادیأر حاساپلانیار" سؤز باشیلی ماقالا یازدی.

تۆرکیه هر آدام اۆچین حالقارا درجه سینده حۇوپلی بۇلان ترور قوراماسی داعش-ه قارشی گؤره شه قۇلداو بریأن بۇلسا، دۇستلاریندان و حیذماتداشلاریندان هم ادیل شۇنونگ یالی پ. ک. ک و فتؤ قارشی گؤره شده قۇلداوا قاراشماقدا ماملادیر.

15-نجی ایولدا قان دؤکۆشیکلی آغدارلیشیق سینانشیغینی باشدان گچیرن تۆرکیأ ایندی پ. ک. ک، داعش و فتو حۇوپونی باشدان گچیریأر.

تۆرکیأنینگ دۇستلاری‌نینگ و حیذماتداشلاری‌نینگ تۆرکیأنینگ حۇوپسوزلیغینا اؤز یورتلاری‌نینگ حۇوپسوزلیغی یالی أهمیت برمه گی و تۆرکیأ قۇلداو برمه کلری اۇلارینگ بأهبیدینه دیر.

تۆرکیه اۇنلارچا ییلدان بأری ترور قوراماسی پ. ک. ک قارشی گؤره‌شیأر. گچمیشده آلینیپ باریلان یالنگیش سیاساتلار ترور قوراماسی پ. ک. ک نینگ گۆیچلِنمه‌گینه سبأپ بۇلدی.

تۆرکیأنینگ جمهورباشلیغی رجب طیب أردۇغان باش‌وزیرکأ یاراغلی گؤره‌شینگ اۇرتادان آیریلماغی اۆچین اولی باشلانغیچلار اتدی و سیاسی تایدان اولی حۇوپی باشدان گچیردی.

کۆرت ایلاتینگ کؤپچۆلیکله‌یین یاشایان یرلرینه قۇیلان مایاقۇیوملاری آرتدیردی. کۆرتچه قاداغانچیلیغینی آییردی و ادیل تۆرک رایاتلاری یالی کۆرتلره دنگ حقوقلیلیق بردی.

چؤزگۆت اتابی حؤکمۆنده بیلینیأن اِتاپ پ. ک. ک نینگ یاراغسیزلانماغینی ماقصات ادینیأردی. اِمما پ ک ک یاراغسیزلانماغینگ یرینه و توسساغداقی یۇلباشچیسی عبدالله اؤجالان دان گلن چاغیریشلارا قارامازدان ترورچیلیقلی هۆجۆملرینی یۇقارلاتدی.

کۆرتلرینگ حالقلارینگ دموکراتیک پارتیاسی چؤزگۆت اِتابینا قۇلداو برمه‌ک واداسی بیلن مجلیسه گیردی، اِمما چؤزگۆت اِتابینا قۇلداو برمه‌گینگ یرینه پ. ک. ک نینگ مطبوغات گنگه‌شچیسی یاغدایینا گلدی. پ. ک. ک نینگ حیاناتچیلیقلی هۆجۆملرینی یازغاریپ هم بیلمه‌دی.

ح. د. پ، پ. ک. ک نینگ یاراغسیزلانماغی اۆچین هیچ حیللی تاغاللا اتمه‌دی، ترسینه پ. ک. ک حاقینداقی تانقیدی بِللیکلره قارشی چیقارماغی و أردۇغانی تانقیت اتمه‌گی سایلاپ آلدی.

پرزیدنت أردۇغان بیرنأچه گِزه‌ک چؤزگۆت اِتابی‌نینگ ساقلاناندیغینی و پ. ک. ک یاراغینی تاشلان حالاتیندا اِتابینگ یانگاداندان باشلاپ بیلینجِکدیگینی بیان اتدی.

شو گۆنکی گۆنده باشدان گچیریلیأن واقالار پ. ک. ک نینگ اساسی آلاداسی‌نینگ کۆرت مسئله‌سینی چؤزمه‌ک دأل، ایسه‌م ترور قوراماسینی قانونیلاشدیرماقدیغینی گؤرکِزیأر.

پ. ک. ک نینگ و سیاسی وکیللری‌نینگ کۆرت مسئله‌سی حؤکمۆنده هؤدۆرله‌یأن زادی‌نینگ کۆرلترینگ اساسی مسئله‌لری بیلن هیچ حیلی آراباغلانشیغی یۇقدیر.

بیزینگ هم تۆرکلر هم ده کۆرتلری اؤلدۆریأن پ. ک. ک مسئلأمیز یۇق. پ. ک. ک دینگه گچن هِپدأنینگ دۇوامیندا دیاربکر، وان، الازیغ و بیتلیس ولایاتلاریندا بمبا یۆکله‌نِن اولاغلار (ماشینلار) و یۇلا دوزاقلانان بمبالاری بیلن قوران هۆجۆمینده اۇنلارچا عسگر بیلن آسودا ایلاتی اؤلدۆردی.

تۆرکیه اوروپا یورتلاری‌نینگ و آمریکانینگ پ. ک. ک نینگ نأحیللی قورامادیغینی گؤرمه‌کلرینی و پ. ک. ک نینگ ترورچیلیقلی هۆجۆملرینی اِممالار یادا اگِرلر بۇلمازدان یازغارماقلاری اۆچین، قوراما اوروپالی کأبیر قورامالار تاراپیندان بریلیأن مادّی کؤمِکلرینگ اۆزۆلمه‌گی و پروپاگاندا ایشلری‌نینگ ساقلانماغی اۆچین تاغللا اتمأگه مجبوردیر.

سوریه‌ده داعش-ه قارشی گؤره‌ش باهاناسی بیلن پ. ک. ک نینگ سوریه‌دأکی بؤلۆمی پ. ی. د و اۇنونگ بیر بؤله‌گی ی. پ. گ-أ قۇلداو برمه‌ک اولی یالنگیشلیقدیر حتی بو استراتژیک تادیان هم اولی یالنگیشلیق حؤکمۆنده قابویل ادیلمه‌لیدیر.

پ. ک. ک سوریه‌ده ایچرکی اورشی ترورچیلیقلی آکسیالارینی دۇوام اتدیرمه‌ک اۆچین اولانیار.

سوریه اورشوندا اسده تابینلیقداقی گۆیچلر دمشق و حلب شأهِرلری‌نینگ باشدا دورماغیندا یوردونگ دؤرت بیر یانیندا زنانلار و چاغالار بیلن بیرلیکده آسودا ایلاتا هۆجۆم قوراماغا دۇوام ادیأر.

دۆنیأ یورتلاری دیمماغا، اسد بۇلسا اؤز حالقینا ظلم اتمأگه دۇوام ادیأر.  سوریه اورشونینگ ایکی آژدارهاسی سوریأنینگ حؤکۆمِتی بیلن ترور قوراماسی داعش؛ بیری بیریندن پیدالانیار.

سوریه‌دأکی اورش قوتارمازدان داعش حۇوپونی دۇلولیغینا اۇرتادان آییرجاق چؤزگۆت یۇق و اسد وظیپه‌سیندن چکیلمه‌زدن هم بو اورش قوتارماز.

سوریه بیلن 711 کیلومترلیک سرحدی پایلاشیان تۆرکیه بۇلسا آغیر یۆکی چیکیأر. البتده اولی قینچیلیقلاری اساسان سوریأنینگ حالقی چکیأر.



دِگیشلی حابارلار