أردۇغان: فلسطین مسئله سینه ایه بۇلماق مسلمانلارینگ اۇرتاق مسئله سیدیر

تۆرکیأنینگ جمهورباشلیغی نینگ مؤهۆم بیاناتی

أردۇغان: فلسطین مسئله سینه ایه بۇلماق مسلمانلارینگ اۇرتاق مسئله سیدیر

تۆرکیأنینگ جمهورباشلیغی رجب طیب أردۇغان ایستامبول دا گچیریلن قدس پلاتفورمی سمپوزیومیندا چیقیش اتدی.

أردۇغان ینگ بیاناتی نینگ مؤهۆم بؤله‌کلری شیله:

ایلکینجی قبله میز بۇلان مسحدالأقصی ایه بۇلماق دینگه دووله‌ن یومروقلار و اللرینده داشدان باشغا یاراغی بۇلمایان فلسطینلی چاغالارینگ وظیپه سی دألدیر. فلسطین مسئله سینه ایه بۇلماق، قدسی قۇراماق بۆتین مسلمانلارینگ اۇرتاق مسئله سیدیر.

فلسطینلیلره هیچ حیلی باسیش ادیلمه سین، تاریحی تایدان اؤزلرینه دگیشلی بۇلان یرلرینگ ایزینا قایتاریلماغی اۆچین اینگ قیسغا واغتدا ایشه باشلانسین. بیز شولارا قاراشیاریس. مسلمانلارینگ عباداتلارینی چأکلِندیریأن حرم شریفه ضلل بریلن متجاوز حرکتلره دیمیق قالماریس.

هم مادی هم معنوی تایدان قدسی یکه قۇیوپ بیلمه‌ریس. بیز شو گۆن بۇلشی یالی موندان سۇنگرا دا، الیمیزده باریمیز یۇغومیز بیلن بۆتین قۇلداویمیزی قدسا برمأگه دۇوام ادریس. فلسطینی اؤسدۆرمه ک اۆچین، مسجد الاقصی نینگ موقاددسلیگینی قۇراماق اۆچین بۆتین گۆیجۆمیز بیلن ایشلأریس.

فلسطین ده هر گۆن قایتالانان باسیش و ظلم بار. بو عادالاتسیزلیق بۆتین دۆنیأنینگ گؤزۆنینگ اؤنگۆنده یاریم عاصیردان بأری یۇقارلاپ دۇوام ادیأر.

۱ میلیارد ۷۰۰ میلیون سانلی اسلام دۆنیأسی نینگ ایچینی یارالایان بو گؤرنۆش اۆیتگه مأن ماحالی آسودالیق مۆمکین دألدیر. کؤپ سانلی مسئلأنینگ اساسیندا شو حاقینگ غصب ادیلمه گی باردیر. بیرلشن میللتلر قوراماسی نینگ آلان قارارلاری بو حاقسیزلیغی اۇرتادان آییرماق اۆچین پیدا اتمه‌دی. گۆیچلیلرینگ حقوغی نینگ اؤنگده بۇلانی بو سیستمده قارارلارینگ هیچ بیری ایشه گیریزیلمه‌یأر.

ایکینجی جاهان اورشونینگ یاغداییندا قورالان بیرلشن میللتلر قوراماسی نینگ حۇوپسوزلیق گنگه شی بار، اِمما موندان بیلأک شرطلر اۆیتگه‌دی. هم قاره لرینگ وکیلی بۇلمالیدیر، هم دۆنیأدأکی بۆتین اینانچ تۇپارلاری نینگ شۇل یرده وکیللری بۇۆلمالیدیر. اگر بیلشن میللتلر قوراماسی عادالاتلی بۇلجاق بۇلسا، عادالاتی پایلاجاق بۇلسا شیله اتمه لی بۇلار. اِمما شو واغتقی یاغدایی بیلن بیرلشن میللتلر قوراماسیندان عادالاتا قاراشمایارین.

۱۵-نجی ایول دا میللتیم، مدرن یاراغلارینگ آدامزادی گچیپ بیلمأندیگینی، گچیپ بیلمه جِکدیگینی گؤرکِزدی. نأمه اۆچین؟ چۆنکی اۇلار شهیت بۇلماق اۆچین یۇلا چیقدیلار. ۲۴۸ شهیت بردیک، ۲۱۹۳ ماییبیمیز بار. اِمما الحمدلله شۇل فِتؤ دییلن ترور قوراماسی بو یورتدا ماقصادینا یتیپ بیلمه دی، یتیپ ده بیلمه‌ز.



دِگیشلی حابارلار