أردۇغان: ویزا دارتغینلیغینی آمریکانینگ ایلچیسی باشلاتدی

تۆرکیأنینگ جمهورباشلیغی، آمریکانینگ ترور قورامالارینا یاراغ برمه‌گینی برک یازغاردی

أردۇغان: ویزا دارتغینلیغینی آمریکانینگ ایلچیسی باشلاتدی

تۆرکیأنینگ جمهورباشلیغی رجب طیب أردۇغان ولایات حأکیملرینی قابول اتدی.

آنکاراداقی جمهورباشلیق کؤشگۆنده ۸۱ ولایاتینگ حأکیمینه بیانات برن أردۇغان گۆن ترتیبی نینگ ایلری توتولیان اوغورلارینا اۆنس چکدی.

رجب طیب أردۇغان آمریکا بیلن بۇلان ویزا دارتغینلیغینا آمریکانینگ باش ایلچیسی جان باس ینگ سبأپ بۇلاندیغینی آیتدی.

أردۇغان واشنگتن دۇلانشیغی نینگ تۆرکیه یالی استراتژیک بیر اورتاغینی اؤزۆنی تانامایان بیر باش ایلچی اۆچین پیدا اتمه‌جِکدیگینه اۆنس چکدی و

"اولی آمریکانی، آنکاراداقی ایلچیسی دۇلاندیریان بۇلسا قینانچ بریجی بۇلار" دیدی.

أردۇغان،

"تۆرکیه ویزا طالاپلارینی دوروزما باراسینداقی قاراری بیلن آمریکانینگ تۆرک واطانداشلارینا قارشی ادیلن حاقسیز و دنگ آغرامسیز أدیه دنگ آغراملی یاغدایدا جۇغاپ برندیر. قینچیلیغی اولالدان و بو یاغدایا گتیرن هیچ حیللی یاغدایدا بیز بۇلمادیق، دألدیرس. ایسله گیمیز اینگ چالت یاغدایدا قارشیداشلاریمیزینگ جبیسلیک بیلن شۇل قاراردان ایزا قایتماقلاری، دۇستلوغیمیزا و ایشدشلیگیمیزه پأسگل برجک ایشلری اتمه‌زلیکلریدیر" دیدی.

تۆرکیأنینگ جمهورباشلیغی، آمریکانینگ، ترور قورامالارینا یاراغلار برمه سینی ده برک تانقیت اتدی و

"موندان بیلأک پلیسلاریمیز زیگ زاوئر یاراغینی اولانماجاقدیر" دییپ بِلله دی.

 



دِگیشلی حابارلار