ابراهیم قالین: آمریکا پ. ی. د بیلن قاتناشیغینی بس اتمه‌لی

تۆرکیأنینگ جمهورباشلیغی نینگ مطبوغات گنگه‌شچیسی: آمریکا فت الله گۆلن-ی ایزینا برمه‌لی

ابراهیم قالین: آمریکا پ. ی. د بیلن قاتناشیغینی بس اتمه‌لی

تۆرکیأنینگ جمهورباشلیغی نینگ مطبوغات گنگه شچیسی ابراهیم قالین، آمریکانینگ  موندان بیلأک آیرالیقچی ترور قوراماسی پ. ک. ک نینگ سوریه دأکی بؤله گی بۇلان پ. ی. د/ ی. پ. گ بیلن قاتناشیغینی بس اتمه‌لیدیگینی آیتدی.

قالین،

"باشیندان بأری بیزه پ. ی. د/ ی. پ. گ بیلن قاتناشیقلاری‌نینگ واغتلایین (موقت) بۇلاندیغینی یاغنی رقه شأهِری‌نینگ داعش دن آلینماغیندان سۇنگرا آراقاتناشیغا بس اتجکدیکلرینی آیتدیلار. ایندی آمریکانینگ پ. ی. د/ ی. پ. گ بیلن آراقاتناشیغینی بس اتمه‌گینی ایسله‌یأریس چۆنکی وظیپه یرینه یتیریلدی" دیدی.

ابراهیم قالین ناتونینگ تۆرگِنله‌شیگینده آتاتۆرک و تۆرکیأنینگ جمهورباشلیغی رجب طیب أردۇغان ینگ صوراتلاری نینگ اولانماغی باراسینداقی بی‌آبرایچیلیق حاقیندا دا درنگو باشلادیلماغی گِره‌کلی دیدی.

تۆرکیأنینگ مطبوغات گنگه‌شچیسی تۆرکیأنینگ ناتو اۆچین گۆیچلی بیر حیذماتداشدیغینی بیلدیردی و

"کؤپ سانلی تۆرگِنلِه‌شیگه قاتناشدیق. ناتونینگ ۵۰ ییلدان کؤپرأک واغتدان بأری بیر پارچاسیدیرس. بو واقا اۆنس بیلن سۇرالمالی. مونی کیم اتدی، شۇل صوراتلاری شۇل یرده کیم قۇیدی؟ بیر حاربی حیذماتداش، شیله آغیر دیسیپلینلی بیر سیستم بار. شیله بیر زات نأحیللی بۇلوپ بیلر؟" دییپ نیغتادی.

تۆرکیأنینگ بو باباتدا ناتودان اؤتۆنچ آلاندیغینی یاتلادان ابراهیم قالین، بو واقانینگ بیلینمه‌دن بۇلوپ بۇلماندیغی باراسیندا سۇرالان سۇراغا "واقانی آنیق تاراپلاری بیلن بیلمه‌یأرین. گؤرِریس" دییپ جۇغاپ بردی.

تۆرکیه- آمریکا قاتناشیقلارینداقی دارتغینلیق حاقیندا،

"آمریکا بیلن اوزاق واغتدان بأری استراتژیک حیذماتداشلیغیمیز بار اِمما سۇنگقی نأچه ییلدا، اوباما دۇلانشیغیندان بأری ایکی اساسی مسئلأمیز بار. بیرینجیسی، آمریکانینگ سوریه ده داعش بیلن ساواش آدی بیلن پ. ی. د، ی. پ. گ قوراماسینا برن قۇلداوی. ایکینجی مسئله آمریکاداقی گۆلنجی آغ. گۆلنجیلر آمریکادا یرله شن و چارتر اوقووجایلاری، ویزا بۇزغونچیلیغی و پول ایبریش یۇللاری بیلن اؤزلرینه پیدا دؤره‌دیأر. ایندی ده آمریکان دۇلانشیغینی تۆرکیأ قارشی هۆجۆم اتمه‌ک اۆچین اولانیار" دیدی.

ابراهیم قالین تۆرکیأنینگ آمریکادان قانونی یاغدایدان داشاری چیقماغینی ایسله مه یأندیگینی آیدیپ،

"۱۵-نجی ایول ۲۰۱۶-داقی آغدارلیشیغا سینانشیغینگ باش توتانی فت الله گۆلن ینگ تۆرکیأ قایتاریلماغینی آمریکا بیلن ۱۹۶۰-نجی ییللاردا قۇل چکیشیلن گۆنأکأرلرینگ ایزینا قایتاریلماغی ایلالاشیغینا گؤرأ ایسله دیک" دیدی.

سوریأنینگ رقه بؤلگه‌سینده شأریکدِش گۆیچلرینگ اؤنگ باشچیلیغیندا ی. پ. گ/ پ. ی. د و داعش آراسینداقی ایلالاشیغا دا اۆنس چکن قالین،

"ایلکی بیلن بو اؤرأن حۇوپلی بیر ایلالاشیق. مونی گؤره‌میزده قارشیلیق گؤرکِزدیک اِمما مانگا گؤرأ بو پ. ی. د/ ی. پ. گ یالی بیر ترور قوراماسینا داعش یالی بیله کی ترور قوراماسینا قارشی قۇلداماغینگ یالنگیش بۇلاندیغینی گؤرکِزیأر. بیز باشیندان بأری آیتدیق، بیر ترور قوراماسی بیلن بیله کی ترور قوراماسینی اولانیپ اورشوپ بیلمه‌زسینگیز. یاقین واغتدا آیدیشیم یالی اؤز رسمی یازغیلاریندا پ. ی. د/ ی. پ. گ هر هاچان پ. ک. ک نینگ سوریه دأکی بؤله‌گی دییپ یر آلیار. پ. ک. ک بیر ترورچیلیق قوراماسیدیر می؟ هۇوا، شیله دیر. اۇلار پ. ک. ک دان امر آلیار. آصلیندا پ. ی. د/ ی. پ. گ نینگ امر- پرمان قاتناشیغینا قارامیزدا اۇلارا امرلر قندیل داغیندان و پ. ک. ک دان گلیأر" دیدی.

سوریأنینگ دارتغینلیغینا چؤزگۆت اۆچین آستانا اِتابی نینگ، ژنو اتابی نینگ آلترناتیوی بۇلمادیغینی یاتلادان و آستانا اِتابی نینگ تاماملاییجی بۇلاندیغینی نیغتان ابراهیم قالین، سوریه مسئله سینه چؤزگۆت اۆچین بیرلشن میللتلرینگ قوراماسی و "تۆرکیه، روسیا و ایران ینگ" ایکی کانالدان چؤزگۆت بارلایاندیغینی بیلدیردی.

"سوریأنی بیرله‌شدیرجک آدام بشار اسد دألدیر"  دیه‌ن تۆرکیأنینگ جمهورباشلیغی نینگ مطبوغات گنگه‌شچیسی،

"اۇل مشروعلیغینی ییتیردی، سوریأنی دۇلولیغینا، دموکراتیک، کؤپ مدنیتلی و مشروغ بیر حؤکۆمته یتیریپ بیلمه‌ز. سۇنگقی سؤزی ده سوریأنینگ حالقی آیدار" دیدی.



دِگیشلی حابارلار