أردۇغان: ترورچیلیق کریدوری‌نینگ قورالماغینا روغصات برمه‌ریس

تۆرکیأنینگ جمهورباشلیغی، جمهورباشلیق کؤشگۆنده  اۇبالارینگ آرچینلاری بیلن دوشوشدی

أردۇغان: ترورچیلیق کریدوری‌نینگ قورالماغینا روغصات برمه‌ریس

 

تۆرکیأنینگ جمهورباشلیغی رجب طیب أردۇغان، سوریأنینگ دمیرقازیغیندا بیر ترورچیلیق کریدوری نینگ قورالماغینا روغصات برمه‌جِکدیکلرینی آیتدی.

تۆرکیأنینگ جمهورباشلیغی، جمهورباشلیق کؤشگۆنده  اۇبالارینگ آرچینلاری بیلن دوشوشدی.

أردۇغان شۇل یرده ادن چیقیشیندا آمریکانینگ، آیرالیقچی ترور قوراماسی پ. ک. ک نینگ سوریه دأکی بؤله گی بۇلان پ. ی. د نینگ اۆستی بیلن ترورچیلیق کریدورینی دؤره‌تمه‌ک ایسله‌یأندیگینی آیتدی.

سوریأنینگ دمیرقازیغیندا ترورچیلیق کریدوری نینگ قورالماغینا قارشی تۆرکیأنینگ صابری نینگ آزالیاندیغینی آیدان تۆرکیأنینگ جمهورباشلیغی،

"سوریه ده و عیراق دا بۇلان واقالارینگ و قورالان سیستمینگ (ترورچیلیق کریدورینی دؤره‌تمه‌ک) اۆچین بۇلاندیغی گۆن سایین بِللی بۇلیار. بیز یالان سؤزلر سؤزلِمه‌لرینی چِکمأگه مجبور دألدیرس. بؤلگأنی ترورچیلیقدان صاپلاماق ماقصادی بیلن اؤتن ییل فیرات قالقانی حرکتی بیلن ادن ایشلریمیزی گینگِلتمأگه گۆیجۆمیز بار" دیدی.

پ. ی. د نینگ ترورچیلیق کریدورینی قوراماق اۆچین تاغاللا ادن بؤلگه سی نینگ تۆرکیأنینگ کؤنگۆل دۆنیأسی نینگ ایچینده بۇلاندیغینا اۆنس چکن أردۇغان،

"شۇل یرده دؤولت قوراماق ایسله‌یأنلرینگ اومیدی پوجا چیقار. هیچ کیم شۇل یرده تأزه بیر دؤولت قورماغا سینانشماسین" دیدی.

ادن چیقیشیندا ۱۵-نجی ایول دا آغدارلیشیغا سینانشیق ادن فت الله چی ترور قوراماسی نینگ (فتؤنینگ) سرکرده سی نینگ آمریکادا قۇلدانیاندیغینی نیغتان أردۇغان، آمریکان دۇلانشیغینا شیله یۆزلِه‌ندی:

"سن مونی ایزینا قایتاریپ برمه‌سِنگ، موندان سۇنگرا بیزدن بیر ترورچینی ایسلأن ماحالینگ اۇ ترورچینی آلیپ بیلمه‌زسینگ" دیدی.

 



دِگیشلی حابارلار