تۆرکیه آمریکانی یازغاردی

تۆرکیه آمریکانینگ "ترورچیلیغا قۇلداو برمه‌گینی" یازغاردی

تۆرکیه آمریکانی یازغاردی

 

تۆرکیه آمریکانینگ "ترورچیلیغا قۇلداو برمه‌گینی" یازغاردی.

آمریکانینگ آیرالیقچی ترور قوراماسی پ. ک. ک نینگ سوریه دأکی بؤله‌گی بۇلان پ. ی. د ترور قوراماسینا یاراغلی ساپاق برمه‌گینه دۇوام اتمه‌گی تۆرکیه تاراپیپدان برک یازغاریلدی.

تۆرکیأنینگ داشاری ایشلر وزیرلیگینه چاغیریلان آمریکانینگ ایلچیحاناسی نینگ گنگه شچیسی فیلیپ کاسنت – ه واشنگتن دۇلانشیغی نینگ ترور قوراماسی نینگ "دمیرقازیق قشونی" دییپ تانادانی تۇسلاما قورلوشیغینا یاراغلی ساپاق بیلن بیله لیکده حاربی قۇلداو برمه‌گینه بینجالیق بیلدیریلدی.

آمریکانینگ یؤریته گۆیچلری تاراپیندان ساپاق آلیان بو تۇپارینگ ۷۰ گؤتریمی نینگ پ. ی. د/ پ. ک. ک نینگ آغضاسی بۇلان ترورچیلاردان عیبارات بۇلجاقدیغی حابار بریلیأر.

واشنگتن دۇلانشیغی، سوریأنینگ گۆن دۇغارینداقی رقه و دیرالزور حرکتلرینده ترور قوراماسی داعش- ی اولی گؤرنۆشده ینگِندن سۇنگ آیرالیقچی ترور قوراماسی پ. ی. د/ پ. ک. ک قۇلداوینا دۇوام اتجکدیگینی بیلدیردی.

آمریکانینگ مرکز گۆیچلر (سنتکام) ینگ باشلیغی ژنرال ژوزف وتل، داعش ینگ تأزه دن دؤره‌ییشینه پأسگل برمه‌ک ماقصادی بیلن سوریه ده  سرحت قۇراییجی گۆیچلری نینگ دؤره‌دیلجکدیگینی بیلدیریپدی.

آمریکانینگ قۇرانماق وزیرلیگی، سیا و آیرالیقچی ترور قوراماسی پ. ک. ک نینگ قندیل بؤله گی، ۴۰۰ ترورچا برن ساپاقلارینی تاماملادیلار.

 


اتیکتلر: پ. ک. ک , آمریکا

دِگیشلی حابارلار