تۆرکیأنینگ ترورچیلیق بیلن ساواشیندا تأزه اِتاپ: زیتین شاحاسی حرکتی

تۆرکیأنینگ گۆن ترتیبی ۴

تۆرکیأنینگ ترورچیلیق بیلن ساواشیندا تأزه اِتاپ: زیتین شاحاسی حرکتی

تۆرکیه هم میللی حۇپسوزلیق هم ده سوریأنینگ تۇپراق بیتولیگینه اولی بیر تهدیت حؤکمۆنده گؤرِنی پ. ک. ک نینگ سوریه دأکی بؤله گی بۇلان پ. ی. د/ ی. پ. گ قارشی اوزاق واغتدان بأری اولی مؤچبِرلی بیر حاربی حرکت اۆچین طایارلیق گؤریأردی. تۆرکیه شو واغت ترورچیلیق قوشاغی نینگ گۆن باتار اوجونداقی عفرین ده حرکت باشلاتدی. تۆرکیأنینگ یاراغلی گۆیچلری اوزاق واغتدان بأری بؤلگأ عسگر ایبریپ، ادلب دن ده عفرین ینگ گۆن باتاریندان دا بؤلگأنی قاباو آستینا آلدی. اوزاق واغتدان بأری طایارلیغی دۇوام ادن حرکت، تۆرکیأنینگ جمهورباشلیغی رجب طیب أردۇغان ینگ "عفرین حرکتی شۇل یرده باشلادی" دییپ بیانات برندن قیسغا مؤهلِت سۇنگ ۲۰-نجی یانوار ساغات ۱۷-ده هۆجۆمه گچیلیپ باشلاتیلدی.

حرکته زیتین شاحاسی حرکتی آدی بریلدی.

تۆرکیأنینگ سرحدیندأکی عفرین ژئوپولتیک تایدان اولی أهمیته ایه. سوریأنینگ ۲۰۰۴-نجی ییلداقی رایات ساناوینا گؤرأ عفرین ده ۶۴۷۵۸ آدام یاشایار و اۇبالاری بیلن بیله لیکده ۱۷۲ مۆنگ ۹۵ رایات سانینا ایه. عفرین ینگ اسد رژیمی تاراپیندان هۇوا هۆجۆینه سزه ور بۇلماندیغی سبأپلی و بیله کی یرلره گؤرأ حۇوپسوزراق بۇلانی اۆچین شۇل یره کؤپ سانلی بۇسغون دا گؤچدی.

شو واغت عفرین ده ۳۰۰ مۆنگ آداما قۇلای رایاتینگ یاشایاندیغی چاق ادیلیأر.

ترور قوراماسی پ. ک. ک عفرین شأهِرینی آق دنگیزه یتمه‌ک اۆچین بیر یر حؤکمۆنده گؤریأر. بیله کی تاراپدان قوراما عفرین دن تۆرکیأ آمانوس داغلاری نینگ اۆستی بیلن باش بۇزار و یاراغ ایبرمأگه سینانشیار. تۆرکیأنینگ یاراغلی گۆیچلری و حۇوپسوزلیق گۆیچلری شو واغتا چنلی عفرین دن بؤلگأ گیرن ۴۰-دان قۇوراق ترورچینی یاراماز تأثیره گتیردی.

تۆرکیأنینگ یاراغلی گۆیچلری نینگ زیتین شاحاسی آدی بیلن عفرین ده باشلادان حرکتی نینگ هۆجۆم اتابی ۲۰-نجی یانواردا ساغات ۱۷-ده تۆرکیأنینگ هۇوا گۆیچلرینه باغلی اوچارلارینگ سوریأنینگ هۇوا گینگیشلیگینه گیرمه‌گی و عفرین دأکی ترورچیلیق بیلن باغلانشیقلی یرلری اورماغی بیلن باشلادی.

پ. ک. ک/ ک. ج. ک/ پ. ی. د- ی. پ. گ دگیشلی ۱۰۸ قاچیپ آتالغا و یاراغ آمباری ۷۲ اوچار تاراپیندان یۇق ادیلدی. حرکتینگ ایلکینجی اتابیندا عفرین دأکی پ. ک. ک نینگ ترورچیلیغینا قارشی گینگ گریملی بیر حاربی هۆجۆم قورالجاقدیغینی گؤرکِزیأردی.

تۆرک قشونی و تۆرکیأنینگ قۇلداو برن سوریه لی محالیفلار زیتین شاحاسی حرکتی نینگ ایکینجی گۆنۆنده قوری یردن هۆجۆم باشلادیپ کؤپ یری کنترل آستینا آلماغی باشاردی. سۇگراقی زاماندا بیرینجی ماقصاتلار داغلیق یرلردأکی دپه لر بۇلدی. ی. پ. گ نینگ قاراشمادیغی اینگ قین جپهه دن حرکتینگ باشلاماغی، حرکتینگ استراتژیسی تایدان اینگ مؤهۆم زات. تۆرک قشونی داغلیق یرلردأکی دپه لری کنترل آستنیا آلیپ، ی. پ. گ نینگ قاچماغی نینگ اؤنگۆنه گچمه ک ایسله یأر. دپه لرینگ کنترل ادیلمه گیندن سۇنگ تۆرک قشونی و تۆرکیأنینگ قۇلدایان سوریه لی محالیفلاری، ی. پ. گ نی بؤلگه دن دۇلولیغینا صاپلاماق اتابینا گچر. بیله کی تاراپدان اۆنس چکن زات دا، حرکتینگ ۸ تاپاووتلی جپهه دن دۇوام اتمه‌گی. شیله لیک بیلن ی. پ. گ شۇل بیر واغتدا کؤپ جپهه دن ساواشماغا مجبور قالیار و گۆیچلری یترلیکی بۇلمایار.

شو واغتا چنلی ایشجنگ یاغدایدا دۇوام ادیلن و ۵-نجی گۆنۆنه گچیلن حرکتده ترور قوراماسی پ. ک. ک/ ی. پ. گ آسیمتریک- هیبرید ساواش تکنیکلری بیلن دیره نیپ، یاشاییش یرلرینه چکیلیپ، یؤنه کی رایاتلاری قالقان حؤکمۆنده اولانماغا سینانشیار. قوراما هم یؤنه کی رایاتلاری اولانیپ اؤز ییتگیسینی آزالتماغا سینانشیار هم اولارینگ اۆستی بیلن حالقارا بیر قارا پروپاگاندا اتابینا باشلاتماق ایسله یأر. قوراما دگیشلی گۆیچلر  عفرین و تؤوره‌گیندأکی آسودا ایلاتینگ باشغا یره گؤچمه‌گی نینگ اؤنگۆنه گچیأر و شول دا اۇلارینگ قالقان حؤکمۆنده اولانیلغاماغا سینانشیلدیغینی گؤرکِزیأر.

حرکتینگ حاربی تاراپی بیلن بیله لیکده دیپلماتیک آیاغی دا اۆنس چکیأر. روسیا سوریأنینگ هۇوا گینگیشلیگینی رژیم بیلن ایلالاشیپ اؤز کنترلیندا ساقلایار. بؤلگه ده کنترل مرکزیلرینه ایه بۇلان روسیا تۆرکیأنی کیچی گریملی بیر حرکته راضی اتمه ک اۆچین تاغاللا ادیأر.

اِمما تۆرکیأنینگ عفرین دأکی ترور تهدیدینی همیشه لیک یاغدایدا یۇق ادیپ بیلمه‌گی اۆچین گینگ گریملی صاپلاییش و پأکله‌ییش حرکتی ضرور.

روسیا بیلن دۇوام ادیأن بو یاغدای بیلن بیله لیکده، تۆرکیه، آمریکا، اوروپا بیله له شیگی و پارس آیلاغی یورتلاری بیلن اولی دیپلماسی ترافیگینی دۇوام اتدیریأر.

حرتینگ باشلاماغیندان سۇنگ، کؤپ سانلی یوردونگ باش ایلچیسی داشاری ایشلر وزیرلرینه چاغیریلیپ شۇلارا حرکت باراسیندا ماغلومات بریلدی.

فرانسیانینگ زیتین شاحاسی حرکتی نینگ بیرلشن میللتلر قوراماسی نینگ حۇوپسوزلیق گنگه شینه داشاماق اۆچین تاغاللاسی، تۆرکیأنینگ داشاری ایشلر وزیرلیگی نینگ دیپلماتیک حرکتلری بیلن سوریه دأکی انسانی یاغدای حاقینداقی گنگه شه اؤورۆلدی. بیله کی تاراپدان، اوروپا گنگه شینده پ. ک. ک نی قۇلدایان بیرنأچه لری، زیتین شاحاسی حرکتینی گۆن ترتیبه گتیرمه ک ایسله دی، اِمما ینه تۆرکیأنینگ داشاری ایشلر وزیرلیگی مونونگ اؤنگۆنه گچدی.

آمریکادان زیتین شاحاسی حرکتی باردا دۆرلی بیانات گلدی. اِمما عمومی گؤرنۆشده زیتین شاحاسی حرکتیندن راضی بۇلماندیقلاری بِللی. انگلستان، آلمانیا و ناتو زیتین شاحاسی حرکتینی مشروع گؤرمه گی بیلن بیرلیکده روسیا و آمریکانی سوریه دأکی یالنگیش توتومی سبأپلی جۇغاپکأر حؤکمۆنده گؤریأر.



دِگیشلی حابارلار