تۆرکیأنینگ گۆن ترتیبی ۱۶: سوریه و اولی گۆیچلرینگ توتومی

جان آجون؛ سیاسات، ایقدیصادیه‌ت و جمغیت غازناسی- ستا

تۆرکیأنینگ گۆن ترتیبی ۱۶: سوریه و اولی گۆیچلرینگ توتومی

سیاسات، ایقدیصادیه‌ت و جمغیت غازناسی- ستانینگ عیلمی بارلاغچیسی، یازیجی جان آجون ینگ مسئله بۇیونچا سینینی اۇقایارسینگیز.

سوریه‌دأکی حؤکۆمتینگ گۆن دۇغار غوطه ده محالیفلارا قارشی شیمیایی یاراغ اولانماغی سبأپلی حالقارا جمغیتچیلیگینگ اۆنسی بؤلگأ گؤنۆکیپ، آمریکانینگ اؤنگ باشچیلیغیندا حؤکۆمته قارشی حاربی اۇپراسیا گۆن ترتیبینه گلدی. ۱۴-نجی آپریل شنبه گیجه سی بۇلسا قاراشیلان حرکت قورالدی.

آمریکا، بریتانیا و فرانسیانینگ حاربی اۇپراسیاسی گینگ دأل، ایسه‌م حؤکۆمتی جزالاندیریجی حأصیه‌ته ایه دی. آمریکادا باشدان گچیریلیأن قال ماغاللارا قارالاندا ترامپ ینگ گینگ گریملی اۇپراسیا قوراماق ایسله‌یأندیگینی، اِمما قۇرانماق وزیری متیس ینگ و پنتاگون ینگ روسیا بیلن دارتغینلیغا سبأپ بۇلمازلیق اۆچین گریمینگ گینگ بۇلمادیق حرکتینگ قورالماغینی سایلاپ آلاندیقلاری بیلینیأردی. گؤرنۆشینه گؤرأ حرکت متیس ینگ و پنتاگون ینگ ایسله‌گینه لاییق قورالدی.

آصلینا سِر ادیلِنده آمریکا، بریتانیا و فرانسیا حیذماتداشلیق دؤره‌دیپ حؤکۆمتینگ اۆستی بیلن روسیانینگ پوزیسیاسی و ایران بیلن بیرلیکده حرکت ادیأن شیغا ساواشچیللارینی نیشانا آلیار. نتیجه ده آمریکانینگ سوریه دأکی حؤکۆمتی آغدارماق نیتی یۇق. آمریکانینگ الینه اولی پورصادینگ گچندیگینه قارامازدان گینگ گریملی حرکت قورالمازلیغی مونی آچ آچان گؤرکِزیأر. اوبامانینگ ایش باشیندا بۇلان دؤورۆنده سوریه ده و عمومان یاقین گۆن دۇغاردا روسیا و ایرانا گینگ شرط دؤره‌دیلیپدی، ایندی بۇلسا روسیانینگ ایه له یأن گینگیشلیگی آزالدیلماق و ایران ینگ سوریه دأکی پوزیسیاسی قۇوشادیلماق ایسله‌نیأر.

اسرائیل و آیلاق بؤلگه سینده یرله شیأن عاراپ یورتلاری تایدان ایران ینگ پوزیسیاسی نینگ قۇوشادیلماغی مؤهۆم. شیله لیکده ایسرائیل، عاراپ یورتلاری و تۆرکیه تایدان ایران ینگ بؤلگه دأکی یایبانگلاشما سیاسی بینجالیق ادیجی چأگه یتیپدی. ایران ینگ انقلاپ قۇراغچیلاری نینگ، حزب الله ینگ و ایران ینگ تابینلیقداقی یاراغلی تۇپارلارینگ سوریه دأکی سانی ۶۰ مۆنگه چنلی باریپ یتندیگی حابار بریلیأر. آمریکا سۇنگقی هۆجۆمی بیلن کأبیر مؤهۆم حاربی هۇوا مرکزلرینی بمبالادی. اِمما عمومان حاربی حرکتینگ چأکلیدیگی گؤرۆلیأر. آمریکانینگ یۇلباشچیلیق اتمه‌گیندأکی حاربی اۇپراسیادان اۇزال اسرائیل ۲۴ هۇوا منزیلینی و ایران تاراپیندان اولانیلیان بیرنأچه مرکزی بمبالادی.

آمریکانینگ یۇلباشچیلیغینداقی حاربی اۇپراسیادا روسیا و ایران ینگ گؤرکِزجِک قارشیلیق قۇلایدا بِللی بۇلار. شیله لیکده سوریأنینگ حؤکۆمتی ایران ینگ تاراپیندا دوریان یاراغلی تۇپار و پول بیلن اورشیان روس ساواشچیلار بیرنأچه آی اۇزال دیرالزور دا ی. پ. گ تاراپیندان گؤزه‌گچیلیک ادیلن نبیت قویولارینا تاراپ سۆیشمأگه سینانشیپدی. آمریکانینگ یۇلباشچیلیغینداقی حالقارا حیذماتداشلیق شۇل سینانشیغا برک قارشیلیق گؤرکِزیپ هۇوا هۆجۆملری و تۇپ آتیشلاری بیلن شۇل گۆیچلری ایزا سرپیکدیریپدی. اِمما آمریکانینگ یۇلباشچیلیغینداقی سۇنگقی حرکتدن سۇنگ روسیا و ایران ینگ دیرالزورا گینگ گریملی حرکت باشلاتماغی مۆمکین.

اگر شیله بۇلان حالاتیندا ی. پ. گ تاراپیندان گؤزه‌گچیلیک ادیلن و ایلاتی نینگ تاس أهلیسی عاراپلاردان عمله گلیأن بؤلگه دأکی نبیت قویولاری اۆچین اولی گؤره‌ش باشلاپ بیلر.

اِمما روسیا و ایران ینگ قارشیلیغی نأمه بۇلسا بۇلسون، سوریأنینگ حؤکۆمتی نینگ سۇنگقی شیمیایی هۆجۆمی حالقارا جمغیتچیلیگینده اولی قارشیلیق دؤره‌تدی. اؤز حالقینا قارشی شیمیایی یاراغ اولانان حؤکۆمتینگ قانونی بۇلوپ بۇلماندیغی ینه ده بیر گِزِک جِدِللـشمأگه باشلاندی. حؤکۆمتینگ ادن سۇنگقی حاربی جنایاتی نینگ جزالاندیریلماغی مؤهۆم.

تۆرکیه تایدان حؤکۆمتینگ قومانیتار (بشری) جنایاتلار اۆچین جزالاندیریلماغی قناغاتلانما دؤره‌دِن بۇلسا، روسیا بیلن آمریکانینگ آراسینداقی دارتغینلیق تۆرکیأنینگ ایسله‌مه‌یأن نتیجه سی.

روسیا بیلن آمریکانینگ آراسیندا تۆرکیأنینگ آراچی بۇلماغی تۆرکیأنینگ سوریه مسئله سینده ایه له یأن استراتژیک توتومینی آچ آچان گؤرکِزیأن دلیللردن بیری.

تۆرکیأنینگ تؤوِللاچیلیق اتمه‌گینده آمریکا بیلن روسیانینگ آراسینداقی دیپلماتیک و حاربی دیالوگ یانگاداندان یۇلا قۇیولدی، آمریکا روسیانینگ وکیلچیلیکلی گۆیچلرینی نیشانا آلان بۇلسا، روسیا اۇنگا گؤنۆدن چأره گؤرمه‌دی. تکنولوژیک اؤسۆش و قۇرانیش آلماغی مۆمکین گؤرۆنمه‌یأر. ایقدیصادی و سایبر اورشلارا قۇشماچا وکیللرینگ اۆستی بیلن هم ساواش دۇوام ادیأر. آمریکانینگ روسیانینگ وکیلینی بمبالاماغیندان سۇنگ روسیانینگ آمریکانینگ سوریه دأکی وکیلی بۇلان ی. پ. گ نی بمبالاپ بمبالاماجاقدیغی هنیز بِللی دأل.

سیاسات، ایقدیصادیه‌ت و جمغیت غازناسی- ستانینگ عیلمی بارلاغچیسی، یازیجی جان آجون ینگ مسئله بۇیونچا سینینی اۇقادینگیز.



دِگیشلی حابارلار