أردۇغان اؤزبگیستان بیلن گۆن اۇرتا کره ده ساپاردا بۇلار

تۆرکیأنینگ جمهورباشلیغی أردۇغان ایکی یوردا ساپار قورار

أردۇغان اؤزبگیستان بیلن گۆن اۇرتا کره ده ساپاردا بۇلار

 

تۆرکیأنینگ جمهورباشلیغی رجب طیب أردۇغان اؤزبگیستان ینگ دؤولت یۇلباشچیسی شوکت میرضیایف و گۆن اۇرتا کره نینگ جمهورباشلیغی مون جائه این ینگ میهمانی حؤکمۆنده شۇل ایکی یوردا ساپار قورار.

أردۇغان ایلکی بیلن اؤزبگیستان ینگ جمهورباشلیغی نینگ چاقیلیغی بیلن ۲۹-نجی آپریل- ۱-نجی مای آرالیغیندا اؤزبگیستانا ساپار قورار.

بو ساپاردا ایکی یوردونگ آراسینداقی قاتناشیقلارینگ موندانام اؤسدۆریلمه‌گی بارادا گنگه‌شیلر و بؤلگه آرا مسئله لره قارالار.

أردۇغان داشکنت ده اؤزبگیستان ینگ یۇقاری مجلیسینده بیانات برر سۇنگ بۇلسا میرضیایف بیلن بیله لیکده تۆرک- اؤزبک ایشه‌وۆرلری نینگ قاتناشماغیندا گچیریلن ایش فورومینا قاتناشار.

تۆرکیأنینگ جمهورباشلیغی سۇنگ بۇلسا ۱-نجی مای دا تۆرک- اسلام مدنیتی نینگ اینگ مؤهۆم و اینگ قادیمی شأهِرلریندن بخارا شأهِرینی زیارات ادر.

رجب طیب اردوغان ۲-۳-نجی مای آرالیغیندا دا گۆن اۇرتا کره ده ساپاردا بۇلار.

بو ساپاردا دا ایکی چأک قاتناشیقلار و بؤلگه آرا و حالقارا مسئله لر حاقیندا پیکیر آلیشیلار.

أردۇغان شۇل ساپاریندا گۆن اۇرتا کره جمهوریتی نینگ میللی مجلیسینه بارار و مجلیس باشلیغی بیلن دوشوشار.

أردۇغان اؤنگده باریجی کره شرکتلری نینگ جۇغاپکأرلرینی ده قابول ادر.



دِگیشلی حابارلار