تۆرکیأنینگ گۆن ترتیبی ۱۸: سوریه دأکی گۆیچلر و یاغدایلاری

جان آجون؛ سیاسات، ایقدیصادیه‌ت و جمغیت غازناسی- ستا

تۆرکیأنینگ گۆن ترتیبی ۱۸: سوریه دأکی گۆیچلر و یاغدایلاری

سیاسات، ایقدیصادیه‌ت و جمغیت غازناسی- ستانینگ عیلمی بارلاغچیسی، یازیجی جان آجون ینگ مسئله بۇیونچا سینینی اۇقایارسینگیز:

سوریه‌دأکی بؤلگه له‌یین و گلوبال گۆیچ گؤرکِزمه گؤره‌شی سوریه دأکی ایچرکی اورشدان هم اؤنگه گچدی. سوریأنینگ حؤکۆمتی نینگ ۲۰۱۱-نجی ییلداقی جمغیتچیلیک ایسله گلری قابول اتمأن، یوردی دموکراتیکلاشدیرماغینگ یرینه اورشا سزه ور اتمه گی سوریأنینگ کؤپ سانلی بؤلگه له یین و گلوبال گۆیچلرینگ گؤره ش میدانینا اؤورۆلمه‌گینه سبأپ بۇلدی. اورش میدانینا اؤورۆلن سوریه بیر تاراپدان ایچرکی مسئله لرینگ چاقنیشیغینی و ترور مسئله سینی باشدان گچیریأن بۇلسا، بیله کی تاراپدان بؤلگه ده دؤولتلرینگ آراسیندا وکیلچیلیکلی اورش دۇوام ادیأر. روسیا، آمریکا، بریتانیا و فر انسیا یالی گلوبال گۆیچلرینگ یانی بیلن تۆرکیه، ایران، سعودی عربیستان، قطر و ایسرائیل یالی بؤلگه گۆیچلری هم سوریه ده برک توتوم ایه له یأر.

گلوبال و بؤلگه له یین گۆیچلر سوریه دأکی ماقصاتلارینا یتمه‌ک اۆچین کؤپ سانلی وکیلدن پیدالانیار. روسیا سوریأمنینگ حؤکۆمتینه ایران بیلن بیرلیکده هۇوادان، قوری یردن، دیپلماتیک و مادی قۇلداو بریأر. روس حاربی هۇوا گۆیچلری و قوری یر قشونلاری بیلن کؤپ سانلی حاقینا‌توتما روس عسگرلری هم سوریه ده ایش آلیپ باریار. ایران بۇلسا مادی و حاربی قۇلداوینگ یانی بیلن حؤکۆمتی آدام سریشده سی بیلن اۆپجۆن ادیأر. ایران روسیانینگ ترسینه سوریه ده هم سوریه لی هم ده داشاری یورتلی کؤپ سانلی یاراغلی وکیللرینی اۇرناشدیردی. اساسان دا لبنانلی حزب الله، اۇوغان فاطمیون تۇپاری،ۀ عیراقلی نجبا حرکتی و پأکیستانلی زینبیون تۇپاری یالی کؤپ سانلی داشاری یورتلی وکیل گۆیجی بار. ایران ینگ سوریه دأکی داشاری یورتلی وکیللری نینگ یانی بیلن حالقینگ قۇراغ گۆیچلری آدی آستیندا کؤپ سانلی سوریه لی وکیللری هم بار. اِمما ایران ینگ سوریه ده دینگه بیر وکیللری دأل، شۇل بیر واغتدا گؤنۆدن گؤنی اؤز انقلاب قۇراغچیلاری هم ایش آلیپ باریار. روسیانینگ و ایران ینگ سوریه نینگ بیرنأچه یرینده قشون مرکزلری و اولانیان قۇنالغالاری بار.

بیله کی جپهه بۇلسا آمریکا، فرانسیا و بریتانیا عمله گتیریأر. گۆن باتار بلوکی نینگ عمله گتیریأن جپهه سی داعش تۇپارینا قارشی گؤره‌ش آدی آستیندا ترور قوراماسی ی. پ. گ- أ کؤمِک بریأر. ی. پ. گ نینگ اؤنگ باشچیلیغیندا دؤره‌دیلن "سوریأنینگ دموکراتیک گۆیچلری" بیلن دمیرقازیق سوریه دأکی منبج دن گۆن اۇرتا گۆن دۇغارداقی ابو کمالا چنلی اوزاپ گیدیأن چیزیغا گؤزه‌گچیلیک ادیأر. آمریکا و فرانسیانینگ شۇل یرده ۲۵ سانینا قۇلای قشون مرکزی بار. شۇل مرکزلرینگ آراسیندا ایکی قۇنالغا هم گۆن باتار  بلوکی تاراپیندان پیدالانیلیار. شیله ده بریتانیا و آمریکانینگ سوریأنینگ گۆن اۇرتاسینداقی تنف اترابیندا ۲ حاربی مرکزی بار. شۇل بؤلگه ده بۇلسا مغاویر الثوار آدلی قوراما بیلن ایشله شیأر. سعودی عربیستان سوریه ده اوزاق مؤهلِتلی اپوزیسیونی قولدان بۇلسا سۇنگقی دؤوۆرده ی. پ. گ نینگ اؤنگ باشچیلیغینداقی عاراپ یورتلاری نینگ سوریأنینگ دموکراتیک گۆیچلری تاراپیندان گؤزه‌گچیلیک ادیلیأن اتراپلارا قشون گتیرندیگی بیان ادیلیأر.

بیله کی بیر جپهأنی بۇلسا تۆرکیه عمله گتیریأر. تۆرکیه ادلب شأهِریندأکی چاقنیشیقسیز بؤلگأ گؤزه‌گچیلیک اتمه ک ماقصادی بیلن ۹ سانی گؤزه‌گچیلیک مرکزینی دؤره‌تدی. ۱۲ گؤزه‌‍گچیلیک مرکزی نینگ دؤره‌دیلمه گی میلله شدیریلیأر. شیله ده فرات قالقانی و زیتین شاحاسی حرکتلری بیلن ترور قورامالاری داعش هم ده ی. پ. گ دن صاپلان اتراپلاردان حاربی گۆیچلرینی چِکمه‌کچی. سوریأنینگ حالقی اۆچین حۇوپسوز زۇلاغا اؤورۆلن عفرین، اعزاز، الباب و جرابلس شأهِرلرینده شۇل بیر واغتدا تۆرک یؤریته حاربی گۆیچلری تاراپیندان ساپاق بریلن سوریأنینگ پلیس قوراماسی ترتیب- دۆزگۆنی یۇلا قۇییار. سوریأنینگ محالیفلاری تاراپیندان قورالان و حالقارا درجه سینده ایقرار ادیلن سوریأنینگ گچیش حؤکۆمتینه تابینلیقدا ایش آلیپ باریار. حاربی تایدان دؤره دیلن میللی قشون هم سوریأنینگ گچیش حؤکۆمتینه تابیندیر. قطر بۇلسا دارتغینلیقدان اۇزال سوریأنینگ محالیفلارینی یاقیندان قۇلدایاردی، اِمما چأکلندیرمه لردن سۇنگ قطرینگ سوریه دأکی پوزیسیاسی قۇوشادی.

بیله کی بیر فاکتور بۇلسا ایسرائیل. ایسرائیل ۶۷-نجی ییلداقی اورشلاردا حالقارا حقوغینا باپ گلمه یأندیگینه قارامازدان باسیپ آلان گولان (جولان) دپه لری بیلن سوریأ دگیشلی یرلری اله گچیریپدی. ۲۰۱۱-نجی ییلدا باشلان اورشدان سۇنگ بۇلسا ایسرائیل گولان دپه لریندأکی حؤکۆمروانلیغینی حاص هم برکیتدی.

سوریأنینگ حؤکۆمتی نینگ ۲۰۱۱-نجی ییلدا حالقینگ طالاپلارینی قابول اتمأن، یورتدا اورش توروزماغیندان سۇنگ سوریه گلوبال و بؤلگه گۆیچلرینگ ساواش میدانینا اؤورۆلدی. میللی اؤزایغتیارلیلیغینی ییتیرن سوریأنینگ بیرنأچه بؤله‌گه بؤلۆنِندیگینی آیتماق یالنگیش بۇلماسا گره ک. اِمما سوریه ده دۇوام ادیأن اورشی گلوبال و بؤلگه له یین گۆیچ گؤره شی حؤکمۆنده دیمه ک هم دۇغری بۇلماز.

سوریه ده ایچرکی اورشونگ حأضیرم دۇوام ادیأندیگینی بیان اتمه ک یرلیکلی بۇلار.

سیاسات، ایقدیصادیه‌ت و جمغیت غازناسی- ستانینگ عیلمی بارلاغچیسی، یازیجی جان آجون ینگ مسئله بۇیونچا سینینی اۇقادینگیز.



دِگیشلی حابارلار