أردۇغان: "اسرائیل ترور دؤولتی"

تۆرکیأنینگ جمهورباشلیغی اسرائیل ینگ ترورچیلیغینی برک یازغاردی

أردۇغان: "اسرائیل ترور دؤولتی"

 

تۆرکیأنینگ جمهورباشلیغی رجب طیب اردوغان اسرائیل ینگ فلسطینلیلره ادیأن ظلمی بارادا "بو ژنوسایدی بو قیرغینچیلیغی و اۇنگا سینچی قالانلاری یازغاریارین" دیدی.

رسمی ساپار بیلن بریتانیا دا بۇلیان أردۇغان اۇل یرده تۆرک طالریپلارینگ اؤنگۆنده چیقیش اتدی.

آمریکانینگ اسرائیل داقی ایلچیحاناسی قدس شأهِرینه گؤچۆریلیأرکأ اۇنلارچا فلسطینلی نینگ اسرائیل عسگرلری تاراپیندان شهیت ادیلمه گینه برک قارشیلیق گؤرکِزِن أردۇغان،

"اسرائیل دؤولت ترورچیلیغینی ادیأر. اسرائیل ترور دؤولتی"  دییپ تۆرکیأنینگ فلسطینلی دۇغانلارینی اگیلشیکسیز قۇلداماغا دۇوام اتجکدیگینی نیغتادی.

پرزیدتنت أردۇغان "شو اسرائیل ترورینا قوربان بریلن غزه لی شهیتلریمیزه، فلسطینلی شهیتلریمیزه بیک بیروباردان رحمت دیله یأرین. شۇل هۆجۆمده یارالانان فلسطینلی دۇغانلاریما قیسساغلی شیپا دیله یأرین" دیدی.

پرزیدنت أردۇغان،

"من بو آدامزات پاجیغاسینی هایسی تاراپدان بۇلسا بۇلسون، آمریکا یادا اسرائیل، تاپاوودی یۇق. اۇنی لعنت ادیأرین و اۇنگا سینچی قالانلار هم اؤیکله‌مه سینلر، اۇلاری هم یازغاریارین. ایسه م هایسیدیر بیر یرده شیله واقالار بۇلان حالاتیندا یا دا یوردومیزا ساپارا گلنلر بیزینگ بیلن دوشوشاندا ترورچیلارا قارشی آلیپ باریان گؤره‌شیمیزینگ دۇوامیندا ترورچیلاری اؤلدۆرن واغتیمیز بیزدن حاساپ سۇرایانلار، حأضیرکی واغتدا اؤز یرلرینی باسیپ آلانلارا قارشی سسینی هم چیقارمایار. حأضیرکی واغتدا اسرائیل دؤولتی ترورچیلیق ادیأر.

اسرائیل ترور دؤولتی و ترور دؤولتی حؤکمۆنده ده حأضیرکی واغتدا ادیأنلری مونی ثبوت ادیأر. قینانساغام آمریکا، پ. ی. د، ی. پ. گ بیلن بیرلیکده داعش تۇپارینا قارشی گؤره‌شیأندیگینی نیغتاپ نأحیللی حیذماتداشلیق ادن بۇلسا اینه بو یرده هم قینانساغام اسرائیل بیلن پاجیغالی حیذماتداشلیق ادیأر. اسرائیلینگ ژنوسایدی  ادن ایلکینجی قیرغینچیلیغی دأل. ۱۹۴۸-نجی ییلدان بأری بیلیأنگیز، بو باسیپ آلیجیلیق دۇوام ادیأر و فلسطین ینگ بیر آیا یالی یری قالدی. اینی شۇل یردن چیقارماغینگ کۆل کۆلۆنده. قانونی بۇلمادیق قارارا قارشی دموکراتیک حقوغیندان پیدالانان آسودا ایلاتا قورالان هۆجۆملر اسرائیل پس پأللیگینی ینه ده بیر گزه ک گؤرکِزدی" دیدی.



دِگیشلی حابارلار