تۆرکیأنینگ گۆن ترتیبی ۲۱: قطره قارشی باشلادیلان گؤچۆم

جان آجون؛ سیاسات، ایقدیصادیه‌ت و جمغیت غازناسی- ستا

تۆرکیأنینگ گۆن ترتیبی ۲۱: قطره قارشی باشلادیلان گؤچۆم

سیاسات، ایقدیصادیه‌ت و جمغیت غازناسی- ستانینگ عیلمی بارلاغچیسی، یازیجی جان آجون ینگ مسئله بۇیونچا سینینی اۇقایارسینگیز:

موندان بیر ییل اۇزال قطرینگ رسمی حابارلار قوللوغی نینگ هک ادیلمه گی و قطرینگ امیری نینگ آدیندان کأبیر یالان سؤزلرینگ اۇنگا یرله‌شدیریلمه‌گی بیلن باشلان مدیا کمپینی باشدان گچیریلیپدی. شۇل کمپین واغتینگ گچمه گی بیلن بیرلشن عاراپ امیرلیکلری نینگ و سعودی عربیستان ینگ اؤنگ باشچیلیق اتمه گینده آمریکانینگ قۇلداو برمه گینده دؤره دیلن حیذماتداشلیغینگ قطری گؤنۆدن نیشانا آلماغینا اؤورۆلدی. شۇل حیذماتداشلیق قطری حاربی، سیاسی و ایقدیصادی تایدان دۇلی قاباو آستینا آلیپ هامالا بۇیون اگدیرمه‌ک ایسله یأن یالیدی.

واغتینا سرادیلنده قطره قارشی باشلادیلان شۇل گؤچۆمینگ ۲۰۱۷-نجی ییلینگ ۲۱-نجی مای آییندا سعودی عربیستان ینگ پایتاغتی ریاض دا آمریکانینگ جمهورباشلیغی دونالد ترامپ ینگ قاتناشماغیندا حالقارا ماصلاحاتدان سۇنگ باشلاندیغینی گؤریأریس. شۇل چأکده محمد ۲-نجی دییپ آتلاندیریلان بن سلمان و بن زاید ریاض داقی ماصلاحاتدا ترامپ ینگ قۇلداوینی آلاندان سۇنگ ایشه گیریشیأر. اسرائیل بیلن بیله لیکده طایارلان بؤلگه اۆچین تأزه استراتژیسینده قطری اولی حۇوپ حؤکمۆنده گؤریأرلر و دۆشیأن قیمماتینا قارامازدان شۇل حۇوپی اۇرتادان آییرماق اۆچین ایشه گیریشیأرلر.

قطرینگ تۆرکیه یالی یورتلار بیلن عاراپ باهاری تاپغیریندا بؤلگه ده اؤزگرلیشیگی قۇلداماغی الیندأکی ایقدیصادی گۆیجۆنگ یانی بیلن ایه بۇلان مدیا گۆیجی نیشانا آلینماغینداقی اساسی فاکتور حؤکمۆنده اؤنگه سایلاندی.

امما ایزا قاراندا آنالیز ادنیمیزده قطره قارشی ادیلن گؤچۆمینگ أهلی اوغوردا باشلانیقسیز بۇلاندیغی گؤرۆلدی. تۆرکیه یالی یاقین حیذماتداشلاری نینگ برن قۇلداوی و دؤره دیلن شرطلری قطرینگ اۆنسلیلیک و پاراساتلیلیق بیلن آلیپ باران دیپلماسیسی اؤزۆنی قارشی ادیلن گؤچۆملری نتیجه سیز قۇیان بۇلسا، ایندی آمریکانینگ هم توتومی نینگ دۇلی اۆیتگه‌مأگه باشلاندیغینی گؤریأریس. امارات و سعودی عربیستان ینگ قطره قۇیان چأکلندیرمه لری ایندی اۇلارینگ اؤزی اۆچین زیانلی بۇلماغا باشلادی.

قطر بیلن بیله لیکده تۆرکیه هم نیشانا آلیندی

قطری نیشانا آلان حیذماتداشلیغینگ ایسله گلریندن بیری نینگ قطر دأکی تۆرک حاربی مرکزی نینگ یاپیلماغی و ایکی یوردونگ آراسیندا دۇوام ادیأن حاربی ایلالاشیقلارینگ بس ادیلمه گی بۇلاندیغی یۆزه چیقیپدی. منینگ پیکریمچه اۇنونگ ایکی سبأبی بار. بیرینجیسی تۆرکیأنینگ قطردأکی حاربی بازاسی هم ده قطرینگ قشونی بیلن قۇزغالان حاربی ایلالاشیقلار.

تۆرکنله شیک ایلالاشیغی قطری اۇلارینگ اؤنگۆنده حاص گۆیچلی قارشیداشا اؤوۆردی. ایکینجیندن بۇلسا تۆرکیأنینگ بؤلگه دأکی حاربی و سیاسی گۆیجی محمد ۲-نجی نینگ و اسرائیل ینگ بؤلگه له یین سیاساتی تایدان حۇوپ حؤکمۆنده قابول ادیلیأر. نتیجه ده فلسطین دن قطره چنلی اوزاپ گیدیأن گینگ مسلمان بؤلگأنی ایسله ییشلری یالی دیزاین اتمه ک یادا عجیزله‌تمه‌ک اوغروندا تاغاللا گیریشدیلر. البتده تۆرکیه و قطر شۇل ایسله‌گلری دۇلولیغینا رت ادیپ، اؤزآرا بأحبیتلره لاییقلیقدا حاربی حیذماتداشلیقلارینی دۇوام اتدیردیلر. اساسان دا تۆرکیأنینگ نتیجه لی سیاساتی قطره قارشی سینانیشلارینگ پوجا چیقماغینا اولی قۇشانت قۇشدی.

تۆرکیه اؤزۆنه سعودی عربیستان دأل، ایسه‌م امارات ینگ قارشی دوریاندیغینی پیکیر ادیأر، آصلینا سر ادیلنده اۇنی گؤرکِزیأن کأبیر عالاماتلار هم یۆزه چیقیپدی. امارات ینگ آمریکاداقی ایلچیسی یوسف العتیبی نینگ مطبوغاتدا یر بریلن ایمیللرینده تاس أهلی پلاتفرملاردا امارات ینگ تۆرکیأنینگ بأحبیتلرینه قارشی آلیپ باریان کمپینلری یۆزه چیقیار.

لبنان دان سومالی، سوریه دن بیله کی یورتلارا چنلی امارات ینگ اسرائیل و بیله کی دؤولتلر بیلن حیذماتداشلیق ادیپ، تۆرکیأ قارشی دوریاندیغی مألیم. تۆرکیه البتده امارات ینگ پول بریپ آدام ساتین آلیپ، حتی کأبیر ترور قورامالارینا قۇلداو بریپ اۇینایان کئرلی اۇینونا بیرمنگزش جۇغاپ برمه یأر. اِمما سۇنگقی گِزِک سومالی دا باشدان گچیریلن واقالاردا بۇلشی یالی اماراتا اۇنونگ دۆشۆنیأن دیلیندن جۇغاپ بریأر.

تۆرکیه سیاسی قورامالاری و حاربی قشونی بیلن گۆیچلی دؤولت، اؤز بؤلگه سینده سؤزی گچیأن یورت، بؤلگأنینگ دورنوقلیلیغی اۆچین عیراق و سوریه یالی یورتلاردا گؤنۆدن ایش آلیپ باریار. قطرینگ یانی بیلن سومالی یالی کؤپ سانلی یورتدا حاربی گۆیجۆنی برکیدیأر. قدس مسئله سینده ایه له یأن توتومی بیلن مسلمان دۆنیأسی نینگ اِجیر چکیأن حالقلارینگ بأحبیتلری اۆچین گؤره‌شجِکدیگینی گؤرکِزیأر.

سیاسات، ایقدیصادیه‌ت و جمغیت غازناسی- ستانینگ عیلمی بارلاغچیسی، یازیجی جان آجون ینگ مسئله بۇیونچا سینینی اۇقادینگیز.



دِگیشلی حابارلار