تۆرکیأنینگ گۆن ترتیبی ۲۶: تۆرکیه ده گچیریلن سایلاولارینگ نتیجه سی بارادا

جان آجون؛ سیاسات، ایقدیصادیه‌ت و جمغیت غازناسی- ستا

تۆرکیأنینگ گۆن ترتیبی ۲۶: تۆرکیه ده گچیریلن سایلاولارینگ نتیجه سی بارادا

سیاسات، ایقدیصادیه‌ت و جمغیت غازناسی- ستانینگ عیلمی بارلاغچیسی، یازیجی جان آجون ینگ مسئله بۇیونچا سینینی اۇقایارسینگیز:

تۆرکیه ۲۴-نجی ایون دا هم جمهورباشلیقلیق هم ده مجلیس وکیللرینی سایلادی. دۆنیأ چمغیتچیلیگینده اولی قیزیقلانما دؤره‌دِن نتیجه لرده تۆرکیأنینگ جمهورباشلیغی رجب طیب أردۇغان ۵۲.۶ گؤتریم سس موقداری بیلن بیرینجی تاپغیردا تأزه اولغامینگ ایلکینجی جمهورباشلیغی حؤکمۆنده سایلانان بۇلسا، عادالات و اؤسۆش پارتیاسی بیلن میللتچی حرکت پارتیاسی نینگ دؤره دنی جمهور آرقالاشیغی مجلیسده اساسی کؤپچۆلیگی ایه له دی. تۆرکیأنینگ سایلاوینگ نتیجه لری بیلن بیرلیکده تأزه اولغاما گچیشی عامالا آشدی. تۆرکیه دأکی سایلاولار یوردونگ ایچینده ۸۷ گؤتریم قاتناشیق بیلن اولی قیزیقلانما دؤره دن بۇلسا، دۆنیأ جمغیتچیلیگی هم سایلاولار بیلن یاقیندان قیزیقلاندی، تۆرکیه دأکی سایلاودا أردۇغان ینگ و جمهور آرقالاشیغی نینگ اۆستۆن چیقماغی هم داشاری سیاسات هم ده ترورچیلیغا قارشی گؤره ش تایدان دۇوام حأصیه تلی نتیجه دیر.

سۇنگقی دؤوۆرده تۆرکیه داشاری سیاساتدا نتیجه لی و پروواکاتیو چمه له شمأ ایه بۇلوپ، تۆرکیأنینگ میللی بأحبیتلرینه لاییقلیقدا کؤپ اوغورلی حرکت اتدی. بیر تاراپدان دا ناتونینگ آغضالاری، بیله کی تاراپدان روسیا و ایران بیلن بیله لیکده ایشله شیأن تۆرکیه، شۇل بیر واغتدا دا یاقین گۆن دۇغار، بالکان، آسیا و آفریقادا نتیجه لی داشاری سیاسات آلیپ باریار. تۆرکیأنینگ نتیجه لی داشاری سیاساتینی قۇلدایان اساسی فاکتورلارینگ ساناویندا انسان پرور کؤمِگ و قۇرانیش صناغاتی اؤنگه سایلانیار. دۆنیأ بۇیونچا ایقدیصادی تایدان ۱۳-نجی یری ایه له یأن تۆرکیه انسان پرور کؤمِگی برمه کده دۆنیأده بیرینجی اۇرونی ایه له یأر. تۆرکیه دن سۇنگ دۆنیأده ایقدیصادی تایدان اینگ گۆیچلی یورت بۇلان آمریکا گلیأر. تۆرکیأنینگ انسان پرور کؤمِک ایشلری اۇنونگ آداما قۇییان صارپاسی نینگ اساسی گؤرکِزیجیلریندن بیری.

بیله کی تاراپدان تۆرکیأنینگ قۇرانیش صناغاتیندا ادیلن اؤسۆشلر داشاری سیاساتداقی یرینی گؤرکِزیأن اساسی گؤرکِزیجی. تۆرکیأنینگ پأکیستانا آتاق دیک اوچارلارینی ساتماغی، آیلاغ بؤلگه سینده یرله شیأن یورتلارا سۇوتلی اولاغ ساتماغی و شۇل بیر واغتدا اؤز اؤندۆریأن یاراغلارینی و یاراغسیز اوچارمانسیز هۇوا اولاغلاری اۆچین ایسله گ بیلدیریلمه گی تۆرکیأنینگ قازانان تکنولوژیک اۆستۆنلیگینی گؤرکِزیأر.

۲۴-نجی ایون داقی سایلاوینگ نتیجه سی تۆرکیأنینگ انسان پرور کؤمِک و قۇرانیش صناغاتی نینگ باشدا دورماغیندا داشاری سیاساتداقی چمه له شمه سی نینگ دۇام اتمه گی تایدان مؤهۆم. تۆرک حالقی آصلینا سر ادیلندن سومالیلی کؤمگه مأتأچ آداملارا بریلیأن کؤمِگی نینگ دۇوام اتمه گینی ایسله دی.

تۆرکیه دأکی سایلاوینگ نتیجه لری شۇل بیر واغتدا ترورچیلیغا قارشی گؤره ش اۆچین هم اؤرأن مؤهۆم. فیرات قالقانی حرکتی بیلن ترور قوراماسی داعش ینگ تۆرکیه سرحدیندن ایزا سرپیکدیریلمه گیندن سۇنگ زیتین شاحاسی حرکتی بیلن عفرین شأهِری ترور قوراماسی پ. ک. ک/ ی. پ. گ دن صاپلاندی. عیراق دا دۇوام ادیأن و پ. ک. ک نینگ عیراق دان تۆرکیأ گیدیأن یۇللاری کسن و ترور قوراماسی نینگ مرکزی قندیلی دۇلولیغینا صاپلاماغی ماقصات ادینیأن برقرارلیق حرکتی نینگ سایلاوینگ نتیجه سی بیلن قالان یریندن دۇوام اتجکدیگینی آیتساق یالنگیشماریس. تۆرکیأنینگ ترورچیلیغا قارشی قارشی گؤرشی چأگینده ایغلان ادن تأزه دکترینینه لاییقلیقدا ترور قورامالارینا قارشی سرحتلرینگ داشیندا دا آلینیپ باریلار و سرحدینگ آنگیرسینداقی ترور تۇپارلاری یۇق ادیلر. تأزه دکترینه لاییقلیقدا قورالان و قورالیان ۳ حرکت بیلن شۇل بیر واغتدا تۆرکیه سر حتلری نینگ چأگیندأکی ترور مسئله لری دیسه‌نگ آزالدی. ترورینگ گؤزباشیندا یۇق ادیلمه گی نتیجه سینده تۆرکیه دأکی ترورینگ دۇلولیغینا یۇق ادیلمه گی ناظاردا توتولیار.

بیله کی تاراپدان تۆرکیأنینگ آمریکا بیلن کِسگیتلأن ایش میلناماسینا لاییقلیقدا ترور قوراماسی ی. پ. گ منبج اترابیندان چکیلر و ناتونینگ ایکی آغضاسی منبج ده حۇوپسوزلیغی و دۇلانشیغی بیله لیکده عامالا آشیرار. ۲۴-نجی ایون داقی سایلاودان اۇزال قازانیلان ایلالاشیغا لاییقلیقدا گۆیجه گیرن ایش میلناماسی پرزیدنت أردۇغان ینگ بیرینجی تاپغیردا تأزه دۇلانشیق اولغامی نینگ جمهورباشلیقلیغا سایلانماغی نتیجه سینده بؤکدِنچسیز دۇوام ادیأر. شۇل ساندا سوریه دأکی دارتغینلیغی آزالتماق و پاراحاتچیلیق اۆچین شرط دؤره تمه ک اۆچین تۆرکیه، روسیا و ایران ینگ حمایاتکأرلیگینده دؤره دیلن و دۇوام ادیأن آستانا تاپغیری هم تۆرکیه دأکی سایلاودان سۇنگ اۆزنۆکسیز دۇوام ادر.

سیاسات، ایقدیصادیه‌ت و جمغیت غازناسی- ستانینگ عیلمی بارلاغچیسی، یازیجی جان آجون ینگ مسئله بۇیونچا سینینی اۇقادینگیز.



دِگیشلی حابارلار