عالمی ذرائع ابلاغ

30/11/18

عالمی ذرائع ابلاغ

***  ایرانی  خبر رساں ایجنسی  ایران   کے مطابق، ترک۔قطر اعلی حکمت عملی کمیٹی کا چوتھا اجلاس  استنبول میں صدر رجب طیب ایردوان اور امیر قطر  شیخ  تمیم  بن حمد الثانی   کی  صدارت میں    منعقدہوا جس میں  عسکری تعاون کے فروغ  پر  اتفاق کیا گیا ۔

 

***امریکی بلومبرگ نیوز چینل   کا کہنا ہے کہ صدر ایردوان  کے مطابق  ،  وقت آگیا ہے کہ ترکی ، شام کے بعض  علاقوں میں امریکی نواز علیحدگی پسند  گروپوں کے خلاف کاروائی کرے ۔

 

***  روس کی ریا نووستی  ایجنسی  نے صدر ایردوان  کے بیان  کا حوالہ دیتے ہوئے کہا   ہے کہ  داعش   نے  اپنے   خفیہ  کارندں کے ذریعے   دنیا  میں دہشت  پھیلانے کی خاطر    ایک منصوبہ  بنایا ہے ۔

 

***امریکی ایسو سی ایٹڈ  پریس   کا لکھنا ہے کہ   ترکی ،بحیرہ اسود  کو امن کی گزر گاہ  بنانے کی  ضرورت محسوس کرتاہے  اور چاہتا ہے کہ   روس اور یوکرین مذاکرات کو مسائل کے حل کا  راستہ بنائیں ۔

 

*** برطانوی رائٹرز نیوز ایجنسی   کے مطابق ،وزیر خارجہ مولود چاوش اولو نے   واضح کر دیا ہے کہ  سعودی ولی عہد نے   صدر ایردوان  سے ملاقات  کی خواہش ظاہر کی ہے جس میں  فی الوقت ہمیں  کوئی قباحت  نظر نہیں آتی ۔

 

***صدائے روس     نے خبر دی ہے کہ  صدر ایردوان  نے  پیرس میں  مظاہرین  کے خلاف  پولیس کےبہیمانہ   تشدد پر تنقید  کرتےہوئے کہا کہ  پیرس میں لوگوں پر ظلم ہو رہا ہے مگر  عالمی میڈیاخاموش ہے   کیونکہ    وہ   مغرب   کے ہاتھوں کٹھ پتلی  بنا ہوا ۔

 

*** ایرانی  خبر رساں ایجنسی ایران  کا لکھنا ہے کہ   ترک صدارتی ترجمان  ابراہیم قالن    نے کہا ہے کہ  جمال خاشقجی  قتل کیس    کی تفتیش جاری ہے  مگر  اس  میں سعودی حکومت کا بھی فرض بنتا  ہے کہ  وہ ہم سےتعاون کرے۔

 

*** فرانس کی خبر رساں ایجنسی  اے ایف پی   کے مطابق ، انقرہ  میں   امریکی سفارت خانے کی  نئی عمارت  جس سڑک پر  قائم  ہوگی  اس کا نام  میلکم ایکس تجویز   کیا گیا ہے ۔

 

*** صدائے امریکہ    نے خبر دی ہے کہ امریکی محکمہ دفاع  پینٹاگون   نے  اپنی رپورٹ میں اس بات  کی تصدیق کی ہے کہ    ترکی  ایف 35 طیاروں کی تیاری میں ہمارا  اہم  شراکت دار  ہے۔

 

 


ٹیگز: عالمی

متعللقہ خبریں