putin: birinchi meydan riqabette kim jongun ghelibe qildi

rusiye pirézidénti wiladimir putin shimaliy koréye rehbiri kim jongunni teriplep, «éniqki u tolimu eqlliq we yétishken siyasetchi» dédi.

putin: birinchi meydan riqabette kim jongun ghelibe qildi

türkiye awazi radiyosi xewiri: rusiye pirézidénti wiladimir putin koréye yérim arili kirizisi üstide toxtilip, shimaliy koréye rehbiri kim jongunning birinchi meydan riqabette ghelibe qilghanliqini éytti.

putin rusiye metbuatliri we xewer agéntliqiliri bashliqliri bilen élip barghan uchrishishida, koréye yérim arilining weziytige dair soallargha jawab bérip, «elwette hörmetlik kim jongun bu meydanda ghelibe qildi. u özining istiratégiyelik meslisini hel qildi. qolida yadroluq oq bashliri bar. 13 ming kélométirghiche yétip baralaydighan, démek, dunyaning hemmila yérige yétip baralaydighan, héch bolmighanda éhtimalliq ichidiki düshmen térrétoriyelirining hemmila nuqtilirigha tekküzeleydighan uzun musapiliq bashqurulidighan bombiliri bar» dédi.

kim jongunning hazirqi keskin weziyetni yumshitishqa we tinjitishqa qarap yüzlengenlikinimu tilgha alghan putin: «éniqki u tolimu eqilliq we yétishken siyasetchi» dédi.



مۇناسىۋەتلىك خەۋەرلەر