qatar ereb birleshme xelipiliki üstidin b d t gha shikayet mektupi yollidi

qatar, ereb birleshme xelipilikining bir herbiy yük ayropilanining hawa tewelikige qanunsiz kirgenliki toghrisida b d t bash katipigha we b d t xewpsizlik kéngishige shikayet mektupi yollidi.

qatar ereb birleshme xelipiliki üstidin b d t gha shikayet mektupi yollidi

türkiye awazi radiyosi xewiri: qatar resmiy xewer agéntliqi – qnaning xewer qilishiche, ereb birleshme xelipilikidin behreynge qarap yolgha chiqqan herbiy yük ayropilani 3 – yanwarda qatarning hawa tewelikige qanunsiz rewishte kirgen. xewerde, mezkur qilmish toghrisida qatarning b d t bash katipigha we b d t  xewpsizlik kéngishige ikkinchi qétim shikayet mektupi yollighanliqi eskertildi.

qatarning b d t da turushluq daimiy wakaletxanisi, ereb birleshme xelipilikige tewe bir urush ayropilanining 2017 – yili 21 – dékabirda qatar hawa tewelikige dexli qilghanliqi üchün, aldinqi küni b d t  xewpsizlik kéngishige shikayet iltimasi sunghanidi.

seudi erebistan, ereb birleshme xelipiliki, misir we behreyn dairilirining 2017 – yili 5 – iyunda qatar bilen barliq diplomatik munasiwetlirini üzüshi pars qoltuqi rayonida kirizis peyda qilghanidi.



مۇناسىۋەتلىك خەۋەرلەر