aqdéngizda 192 musapir hayatidin ayrildi

xelqara köchmenler teshkilati, 2018 – yilining deslepki 11 künide aqdéngiz arqiliq yawropagha ötüp ketmekchi bolghan 192 köchmenning jénidin ayrilghanliqini uqturdi.

aqdéngizda 192 musapir hayatidin ayrildi

türkiye awazi radiyosi xewiri: xelqara köchmenler teshkilati bayanatchisi joél milman b d t ning jenwediki ishxanisida muxbirlarni kütüwélish yighini ötküzüp, «bu heqiqeten (musapirlar üchün) mamatliq bir yil bashlinishi boldi» dédi.

milman, 1 – yanwardin 11 – yanwarghiche bolghan ariliqta 192 musapirning yawropa qirghaqlirigha ötüshke urunush jeryanida aqdéngiz sulirida hayatidin ayrilghanliqini eskertti we ötken yilning oxshash mezgilide bu nuqtida 12 musapirning hayatidin ayrilghanliqini qeyt qildi.

milman, mushu yil ichide 1476 musapirning déngiz yoli arqiliq yawropagha ötkenliki, bularning 557 sining italiye, 614 ining girétsiye, 285 sining ispaniye zéminlirigha ayagh basqanliqi؛ ötken yilning oxshash mezgilide bolsa, jemiy 1159 musapirning yawropagha barghanliqi toghrisidiki uchurlarni metbuat mensupliri bilen ortaqlashti.

milman, düshenbe küni liwiyedin aqdéngiz arqiliq italiyege ötüp ketmekchi bolghan 150 qanunsiz köchmen olturghan kémining gherq bolup kétishi netijiside 64 musapirning hayatidin ayrilishining mushu yilning bügüngiche körülgen eng éghir musapirlar kirizisi ikenlikini qeyt qildi.

b d t musapirlar aliy komissarliqi bayanatchisi wilyam spindlér bolsa, xelqara jemiyetke chaqiriq qilip, musapirlarning hayatlirini qutuldurup qélish üchün, aile birleshmisini öz ichige alghan yéngi, tengdash charilerning otturigha qoyulushi lazimliqini tekitlidi.

xelqara köchmenler teshkilatining bildürüshiche, 2017 – yili aqdéngiz arqiliq yawropagha barghan musapirlar sani bir aldinqi yilgha sélishturghanda tengmuteng töwenlep 171 ming bolghan؛ bu jeryanda 3116 musapir aqdéngizda jénidin ayrilghan.



مۇناسىۋەتلىك خەۋەرلەر