54  африқа дөлити доналд трампқа наразилиқ билдүрди

54  африқа дөлити доналд трампниң сөзлириниң «шәрмәндиләрчә ирқивазлиқ» икәнликини һәмдә әң күчлүк бир шәкилдә әйибләйдиғанлиқилирини билдүрүшти.

54  африқа дөлити доналд трампқа наразилиқ билдүрди

түркийә авази радийоси хәвири: 54  африқа дөлитиниң бирләшкән дөләтләр тәшкилатида турушлуқ әлчилири, америка пирезиденти доналд трампни бәзи латин америка вә африқа дөләтлиридин кәлгән көчмәнләргә қилған һақарәтлик сөзлири түпәйлидин әйиблиди вә кәчүрүм соришини тәләп қилди.

бирләшкән дөләтләр тәшкилати африқа гурупписиға әза 54 дөләтниң даимий вәкиллири, америка пирезиденти доналд трампниң африқилиқ көчмәнләргә қаратқан сөзлири түпәйлидин нийуйоркта җиддий йиғин чақирди. йиғиндин кейин елан қилған ортақ байанатта, трампниң ақ сарайдики бир йиғинда бәзи латин америка вә африқа көчмәнлири һәққидә «йиргинишлик дөләтләрдин келишиду» дегән битәләйләрчә сөзләрни ишләткәнликини вә буниң «шәрмәндиләрчә ирқивазлиқ» икәнликини һәмдә әң күчлүк бир шәкилдә әйибләйдиғанлиқилирини билдүрүшти.

байанатта, «америка органлирида, африқилиқларни тән - рәңги сәвәбидин төвән көрүш нисбити ешиватқанлиқи толиму әндишилик әһвал» дейилди. африқиниң башқа һақарәт қилинған һайти қатарлиқ дөләтләр билән һәмкарлиқ ичидә икәнлики тәкитләнди.

трамниң сөзлирини қайтурвелиши вә кәчүрүм сориши тәләп қилинған байанатта йәнә, доналд трампни әйиблигән барлиқ америкилиқларға миннәтдарлиқ билдүрүлди. 

йәнә бир тәрәптин сенигал вә ботсвана қатарлиқ нурғунлиған африқа дөләтлиридә америка әлчиханилири мәсуллири трампниң һақарәтлик сөзлири түпәйлидин ташқи ишлар министирлиқлириға чақирилди.



مۇناسىۋەتلىك خەۋەرلەر