54  afriqa döliti donald trampqa naraziliq bildürdi

54  afriqa döliti donald trampning sözlirining «shermendilerche irqiwazliq» ikenlikini hemde eng küchlük bir shekilde eyibleydighanliqilirini bildürüshti.

54  afriqa döliti donald trampqa naraziliq bildürdi

türkiye awazi radiyosi xewiri: 54  afriqa dölitining birleshken döletler teshkilatida turushluq elchiliri, amérika pirézidénti donald trampni bezi latin amérika we afriqa döletliridin kelgen köchmenlerge qilghan haqaretlik sözliri tüpeylidin eyiblidi we kechürüm sorishini telep qildi.

birleshken döletler teshkilati afriqa guruppisigha eza 54 döletning daimiy wekilliri, amérika pirézidénti donald trampning afriqiliq köchmenlerge qaratqan sözliri tüpeylidin niyuyorkta jiddiy yighin chaqirdi. yighindin kéyin élan qilghan ortaq bayanatta, trampning aq saraydiki bir yighinda bezi latin amérika we afriqa köchmenliri heqqide «yirginishlik döletlerdin kélishidu» dégen biteleylerche sözlerni ishletkenlikini we buning «shermendilerche irqiwazliq» ikenlikini hemde eng küchlük bir shekilde eyibleydighanliqilirini bildürüshti.

bayanatta, «amérika organlirida, afriqiliqlarni ten - renggi sewebidin töwen körüsh nisbiti éshiwatqanliqi tolimu endishilik ehwal» déyildi. afriqining bashqa haqaret qilinghan hayti qatarliq döletler bilen hemkarliq ichide ikenliki tekitlendi.

tramning sözlirini qayturwélishi we kechürüm sorishi telep qilinghan bayanatta yene, donald trampni eyibligen barliq amérikiliqlargha minnetdarliq bildürüldi. 

yene bir tereptin sénigal we botswana qatarliq nurghunlighan afriqa döletliride amérika elchixaniliri mesulliri trampning haqaretlik sözliri tüpeylidin tashqi ishlar ministirliqlirigha chaqirildi.


خەتكۈچ: eyiblesh , donald tramp , afriqa

مۇناسىۋەتلىك خەۋەرلەر