гирузийә шималий атлантик әһди тәшкилатиға әза болиду

шималий атлантик әһди тәшкилати баш катипи столтенберг нато земин пүтүнлүкини қоғдаватқан гирузийәниң нато ға әза болидиғанлиқини ейтти.

гирузийә шималий атлантик әһди тәшкилатиға әза болиду

түркийә авази радийоси хәвири: столтенберг 29 әза дөләтниң дөләт башлиқлири иштирак қилған нато һөкүмәт вә дөләт башлиқлири йиғинда даирисидә гирузийә пирезиденти гиорги маргвелашвили билән көрүшти һәмдә кейинчә маргвелашвили билән бирликтә өткүзгән қошма ахбарат елан қилиш йиғинида, гирузийәниң һаман бир күни шималий атлантик әһди тәшкилатиға әза болидиғанлиқини қәйт қилди.

шималий атлантик әһди тәшкилатиниң гирузийәниң афғанистандики күчлиригә һәссә қошуватқанлиқини, буниңдин интайин миннәтдар икәнликлирини әскәрткән столтенберг, нато ниң барлиқ әзалириниң гирузийәни әзалиққа тәййарлаш үчүн давамлиқ хизмәт ишләйдиғанлиқини тәкитләп мундақ деди: «шималий атлантик әһди тәшкилати билән гирузийә комитетиниң тунҗи қетим бир йәргә җәм болғиниға 10 йил болди, һәмраһлиқимиз барғансери күчийиватиду, җүмлидин шималий атлантик әһди тәшкилатиниң гирузийә билән болған мунасивити мислисиз болуп,. гирузийә тәшкилатимизниң әң муһим һәрбий һәрикәт шериклиридин бири, шундақла ишәнчилик достидур. һәмраһлиқимиз шималий атлантик әһди тәшкилати билән гирузийәни техиму бихәтәр һалға кәлтүрмәктә, гирузийәниң йавропа – атлантик райониға мунасивәтлик пиланлирини толуқ қоллаватимиз, гирузийә шималий атлантик әһди тәшкилатиға әза болиду.»



مۇناسىۋەتلىك خەۋەرلەر