giruziye shimaliy atlantik ehdi teshkilatigha eza bolidu

shimaliy atlantik ehdi teshkilati bash katipi stolténbérg nato zémin pütünlükini qoghdawatqan giruziyening nato gha eza bolidighanliqini éytti.

giruziye shimaliy atlantik ehdi teshkilatigha eza bolidu

türkiye awazi radiyosi xewiri: stolténbérg 29 eza döletning dölet bashliqliri ishtirak qilghan nato hökümet we dölet bashliqliri yighinda dairiside giruziye pirézidénti giorgi margwélashwili bilen körüshti hemde kéyinche margwélashwili bilen birlikte ötküzgen qoshma axbarat élan qilish yighinida, giruziyening haman bir küni shimaliy atlantik ehdi teshkilatigha eza bolidighanliqini qeyt qildi.

shimaliy atlantik ehdi teshkilatining giruziyening afghanistandiki küchlirige hesse qoshuwatqanliqini, buningdin intayin minnetdar ikenliklirini eskertken stolténbérg, nato ning barliq ezalirining giruziyeni ezaliqqa teyyarlash üchün dawamliq xizmet ishleydighanliqini tekitlep mundaq dédi: «shimaliy atlantik ehdi teshkilati bilen giruziye komitétining tunji qétim bir yerge jem bolghinigha 10 yil boldi, hemrahliqimiz barghanséri küchiyiwatidu, jümlidin shimaliy atlantik ehdi teshkilatining giruziye bilen bolghan munasiwiti mislisiz bolup,. giruziye teshkilatimizning eng muhim herbiy heriket shérikliridin biri, shundaqla ishenchilik dostidur. hemrahliqimiz shimaliy atlantik ehdi teshkilati bilen giruziyeni téximu bixeter halgha keltürmekte, giruziyening yawropa – atlantik rayonigha munasiwetlik pilanlirini toluq qollawatimiz, giruziye shimaliy atlantik ehdi teshkilatigha eza bolidu.»



مۇناسىۋەتلىك خەۋەرلەر