русийә доналд трампни әйиблиди

русийә киримел байанатчиси димитрий песков доналд трампниң америкиниң йавропаға тәбиий газини сетиш үчүн бесим ишливатқанлиқини билдүрди.

русийә доналд трампни әйиблиди

түркийә авази радийоси хәвири: русийә киримел байанатчиси димитрий песков, америкини өзиниң суйуқландурулған тәбиий газини сетиш үчүн йавропаға бесим  ишлитиш билән әйиблиди.

песков пайтәхт москвада мухбирларниң зийаритини қобул қилғанда, америка пирезиденти доналд трампниң « германийә енергийә саһәсидә русийәниң әсиригә айлинип қалди » дегән сөзигә җаваб бәрди.

русийәниң узундин буйан йавропаниң енергийә бихәтәрликигә һәссә қошуп кәлгәнликини әскәрткән песков: тәбиий газдәк бихәтәр енергийә мәнбәси йоқ, деди.

доналд трампниң «шималий еқим -2 линийәси билән германийә русийәгә енергийә саһәсидә техиму беқинди һаләткә келип қалди»дегән сөзи үстидә тохталған песков мундақ деди: «бу сөзгә қошулалмаймиз, чүнки бир дөләт турубба линийәлири арқилиқ тәбиий газ йәткүзүш усули билән йәнә бир дөләткә беқинди болуп қалмайду, бу усулда һәр икки дөләт бир-биригә беқинди болуп қалиду, бу әһвал әслидә дөләтләрниң муқимлиқ вә башқа саһәләрдики ортақ мәнпәәтлирини капаләткә игә қилиду. һәр икки шималий еқим турубба линийәси лайиһәлири сода характерлик лайиһәләрдур, бу лайиһәләргә қилинған һуҗумлар адил болмиған риқабәтниң нәтиҗисидур. америка өзиниң суйуқландурулған тәбиий газини башқа дөләтләргә сетиш үчүн йавропаға бесим ишлитиватиду.»

песков трамп билән русийә пирезиденти виладимир путинниң 16-ийулда хелинсикида көрүшидиғанлиқини әслитип: бу қетимқи көрүшүш русийә-америка мунасивәтлири чегиш бир вақитта елип берилидиған болди. лекин бу қетимқи көрүшүшниң икки дөләт мунасивәтлирини техиму мурәккәпләштүрүветидиғанлиқиға ишәнмәймән, деди.

трамп түнүгүн бирйусселдики нато алий рәһбәрләр йиғинида германийәниң русийә билән тәбиий газ вә нефит келишимлири түзүшиниң толиму бимәнә иш болғанлиқии билдүрүп: германийә русийәдин енергийә експорт қилиш үчүн нурғун пул сәрп қилип келиватиду, шуңа һазир германийә русийәниң әсири болуп қеливатиду, дегәниди.

германийә 2016-йили русийәдин 50 милйард куп метир тәбиий газ експорт қилиш үчүн русийә билән тохтам түзгәниди.



مۇناسىۋەتلىك خەۋەرلەر