rusiye donald trampni eyiblidi

rusiye kirimél bayanatchisi dimitriy péskow donald trampning amérikining yawropagha tebiiy gazini sétish üchün bésim ishliwatqanliqini bildürdi.

rusiye donald trampni eyiblidi

türkiye awazi radiyosi xewiri: rusiye kirimél bayanatchisi dimitriy péskow, amérikini özining suyuqlandurulghan tebiiy gazini sétish üchün yawropagha bésim  ishlitish bilen eyiblidi.

péskow paytext moskwada muxbirlarning ziyaritini qobul qilghanda, amérika pirézidénti donald trampning « gérmaniye énérgiye saheside rusiyening esirige aylinip qaldi » dégen sözige jawab berdi.

rusiyening uzundin buyan yawropaning énérgiye bixeterlikige hesse qoshup kelgenlikini eskertken péskow: tebiiy gazdek bixeter énérgiye menbesi yoq, dédi.

donald trampning «shimaliy éqim -2 liniyesi bilen gérmaniye rusiyege énérgiye saheside téximu béqindi haletke kélip qaldi»dégen sözi üstide toxtalghan péskow mundaq dédi: «bu sözge qoshulalmaymiz, chünki bir dölet turubba liniyeliri arqiliq tebiiy gaz yetküzüsh usuli bilen yene bir döletke béqindi bolup qalmaydu, bu usulda her ikki dölet bir-birige béqindi bolup qalidu, bu ehwal eslide döletlerning muqimliq we bashqa sahelerdiki ortaq menpeetlirini kapaletke ige qilidu. her ikki shimaliy éqim turubba liniyesi layiheliri soda xaraktérlik layihelerdur, bu layihelerge qilinghan hujumlar adil bolmighan riqabetning netijisidur. amérika özining suyuqlandurulghan tebiiy gazini bashqa döletlerge sétish üchün yawropagha bésim ishlitiwatidu.»

péskow tramp bilen rusiye pirézidénti wiladimir putinning 16-iyulda xélinsikida körüshidighanliqini eslitip: bu qétimqi körüshüsh rusiye-amérika munasiwetliri chégish bir waqitta élip bérilidighan boldi. lékin bu qétimqi körüshüshning ikki dölet munasiwetlirini téximu murekkepleshtürüwétidighanliqigha ishenmeymen, dédi.

tramp tünügün biryusséldiki nato aliy rehberler yighinida gérmaniyening rusiye bilen tebiiy gaz we néfit kélishimliri tüzüshining tolimu bimene ish bolghanliqii bildürüp: gérmaniye rusiyedin énérgiye éksport qilish üchün nurghun pul serp qilip kéliwatidu, shunga hazir gérmaniye rusiyening esiri bolup qéliwatidu, dégenidi.

gérmaniye 2016-yili rusiyedin 50 milyard kup métir tebiiy gaz éksport qilish üchün rusiye bilen toxtam tüzgenidi.


خەتكۈچ: gérmaniye , amérika , rusiye

مۇناسىۋەتلىك خەۋەرلەر