taj mehelde jüme namizi ötesh meni qilindi

dunyadiki yette chong möjizining biri bolghan hindistanning agra shehiridiki xatire mazar – taj meheldiki meschitte sheher sirtidin barghanlarning jüme namizi ötüshi meni qilindi.

taj mehelde jüme namizi ötesh meni qilindi

türkiye awazi radiyosi xewiri: hindistan waqti gézitining xewer qilishiche, hindistan yuqiri sot mehkimisi bu heqtiki hökümnamisige «taj mehel dunyadiki yette chong möjizining biri bolghanliqi üchün muhapizet qilinishi kérek» dep izahat berdi we «agrada köp sanda jame bar, namaz öteshni xalaydighanlar shu yerde ötise bolidu» dégenlerni qeyt qildi.

hökümnamide körsitilishiche, taj meheldiki meschitte namaz öteshni xalaydighan musulmanlar, özining agrada yashaydighanliqini delillishi shert iken.

taj mehel, babur shah qurup chiqqan hind – türk émpiratorluqining 6 – hökümdari shah jihan teripidin 1631 – yili 14 – perzentini tughush esnasida wapat bolup ketken repiqisi erjumend banu begumgha béghishlap saldurulghan. 1632 – yili émpiratorluqning shu chaghdiki paytexti agra shehirining yamuna deryasi boyigha sélinishi bashlanghan bu qurulush, 20 yilda pütken.

türk – islam binakarliqining eng yarqin ülgilirining biri hésablinidighan aq mermer tashtin yasalghan taj mehel, 82 métirliq gümbizi bilen diqqetni tartidu. «dunyadiki ishqi – muhebbetke béghishlap berpa qilinghan eng chong we eng güzel xatire» dep qarilidighan bu körkem qurulushning namining, erjumend banuning texellusi bolghan mumtaz meheldin élinghanliqi ilgiri sürülidu.

taj mehel, shiwéytsariyediki New7Wonders weqpi teripidin 6 yil boyiche awazgha qoyush arqiliq békitip chiqilip, 2007 – yili élan qilinghan «dunyaning yéngi yette möjizisi» ning biri hésablinidu.


خەتكۈچ: meschit , jüme , jame , möjize , taj mehel , hindistan

مۇناسىۋەتلىك خەۋەرلەر