трамп нато әзалириға тәһдит салған

америка пирезиденти доналд трампниң нато әзалири мудапиә чиқим тохтамини орунлимиған тәқдирдә, американиң натодин чекинидиғанлиқини ейтип тәһдит салғанлиқи илгири сүрүлди.

трамп нато әзалириға тәһдит салған

түркийә авази радийоси хәвири: германийәниң " DPA" агентлиқиниң хәвиригә асасланғанда, пирезидент трамп мудапиә чиқимлирини көпәйтмигән тәқдирдә, американиң натодин чекинидиғанлиқи тоғрисида тәһдит салған.

нато мәнбәлиридин елинған мәлуматларға асасланғанда, трампниң бу нуқтида чиң туруши сәвәбидин йиғинда көңүлсизликләр болған болуп, рәһбәрләр гирузийә вә украина билән өткүзүлидиған йиғинни вақитлиқ тохтатқан.

нато баш катипи столтенберг пәвқуладдә йиғинда 29 рәһбәрни бир йәргә җәм қилған.

америка пирезиденти трамп иҗтимаий таратқу адресидин бир учурни һәмбәһирләп, нато дөләтлириниң мудапиә чиқимлирида дәсләптә %2 лик вәдисини "дәрһал" әмәлгә ашуруши керәкликини билдүргән вә буниң %4 гә чиқиришни әскәрткән.

бирақ, у ахбарат елан қилиш йиғинида американиң натодин чекинидиғанлиқи тоғрисида тәһдит салмиғанлиқини ейтқан.

у: "американи натодин чекиндүрәләймән, әмма буниңға керәк йоқ, чиқимларни көпәйтишни қобул қилди. түнүгүн бир аз қаттиқ гәп қилдим, натоға болған ишәнчим камил" дегән.

у мудапиә чиқимлирини тәң үстигә елиш мәсилисидә интайин биарам икәнликини ейтқан.

у йәнә: "түнүгүнгә селиштурғанда бүгүн күчлүк нато бар" дегән.

у натониң америкадин бәкрәк йавропаға йардәм қиилватқанлиқини, нато рәһбәрлириниң русийә пирезиденти путин билән көрүшидиғанлиқи үчүн өзигә тәшәккүр ейтқанлиқини әскәрткән.  


خەتكۈچ: тәһдит , DPA , нато , трамп

مۇناسىۋەتلىك خەۋەرلەر