ислам һәмкарлиқ тәшкилати талибан билән афғанистан һөкүмитини сөһбәт өткүзүшкә чақирди

ислам һәмкарлиқ тәшкилатиниң сәуди әрәбистанда чақирилған хәлқара өлималар йиғинида афғанистан һөкүмити билән талибан, уруш тохтитиш елан қилип, сөһбәт мусаписини башлашқа чақирилди.

ислам һәмкарлиқ тәшкилати талибан билән афғанистан һөкүмитини сөһбәт өткүзүшкә чақирди

түркийә авази радийоси хәвири: сәуди әрәбистан рәсмий хәвәр агентлиқиниң хәвәр қилишичә, җиддә вә мәккә шәһәрлиридә көплигән дөләтләрдин кәлгән 105 өлиманиң иштирак қилиши билән чақирилған икки күнлүк «афғанистанда тинчлиқ вә муқимлиқ» намлиқ йиғин, «мәккә байаннамиси» ниң елан қилиниши билән ахирлашқан.

ислам һәмкарлиқ тәшкилати баш катипи йусуф бин әһмәд әлусәймин йепилиш мурасимида сөз қилип, ислам һәмкарлиқ тәшкилатиниң хәлқаралиқ йиғинға иштирак қилған өлималарниң қарарлирини қоллайдиғанлиқини, шундақла афғанистандики тоқунушларни әйибләйдиғанлиқини билдүрди. у, барлиқ тәрәпләрни алдинқи шәртсиз тинчлиқ орнитиш тәклипидин пайдилинишқа чақирди.

узун замандин буйан тоқунушларға сәһнә болуп келиватқан афғанистанға муқимлиқ вә тинчлиқ елип келиш үчүн, афғанистан һөкүмити вә талибанға уруш тохтитиш елан қилип, биваситә сөһбәт өткүзүшни башлашқа чақириқ қилинған «мәккә байаннамиси» дә, «афғанистанда бигунаһ пуқраларниң өлтүрүлүшини кәлтүрүп чиқириватқан вәқәләр, исламниң өзгәрмәс пиринсиплириға мас кәлмәслик билән биргә, мусулманлар җәмийитиниң бирлик вә һәмкарлиқини капаләткә игә қилишни нишан қилған қиммәт – қарашларғиму зиттур» дегән ибариләргә орун берилди.

дөләтләр билән хәлқаралиқ тәшкилатлар нопузи вә илкидики имканийәтлирини сәпәрвәр қилип, афғанистанда тинчлиқ орнитиш вә бихәтәрликни капаләткә игә қилишқа һәссә қошушқа чақирилған байаннамидә, һөкүмәт билән талибан оттурисидики сүркилишкә хатимә беришниң әң мувапиқ йолиниң миллий дийалог вә тинчлиқ сөһбити өткүзүш мусаписини бесип өтидиғанлиқи әскәртилди.



مۇناسىۋەتلىك خەۋەرلەر