islam hemkarliq teshkilati taliban bilen afghanistan hökümitini söhbet ötküzüshke chaqirdi

islam hemkarliq teshkilatining seudi erebistanda chaqirilghan xelqara ölimalar yighinida afghanistan hökümiti bilen taliban, urush toxtitish élan qilip, söhbet musapisini bashlashqa chaqirildi.

islam hemkarliq teshkilati taliban bilen afghanistan hökümitini söhbet ötküzüshke chaqirdi

türkiye awazi radiyosi xewiri: seudi erebistan resmiy xewer agéntliqining xewer qilishiche, jidde we mekke sheherliride köpligen döletlerdin kelgen 105 ölimaning ishtirak qilishi bilen chaqirilghan ikki künlük «afghanistanda tinchliq we muqimliq» namliq yighin, «mekke bayannamisi» ning élan qilinishi bilen axirlashqan.

islam hemkarliq teshkilati bash katipi yusuf bin ehmed eluseymin yépilish murasimida söz qilip, islam hemkarliq teshkilatining xelqaraliq yighingha ishtirak qilghan ölimalarning qararlirini qollaydighanliqini, shundaqla afghanistandiki toqunushlarni eyibleydighanliqini bildürdi. u, barliq tereplerni aldinqi shertsiz tinchliq ornitish teklipidin paydilinishqa chaqirdi.

uzun zamandin buyan toqunushlargha sehne bolup kéliwatqan afghanistangha muqimliq we tinchliq élip kélish üchün, afghanistan hökümiti we talibangha urush toxtitish élan qilip, biwasite söhbet ötküzüshni bashlashqa chaqiriq qilinghan «mekke bayannamisi» de, «afghanistanda bigunah puqralarning öltürülüshini keltürüp chiqiriwatqan weqeler, islamning özgermes pirinsiplirigha mas kelmeslik bilen birge, musulmanlar jemiyitining birlik we hemkarliqini kapaletke ige qilishni nishan qilghan qimmet – qarashlarghimu zittur» dégen ibarilerge orun bérildi.

döletler bilen xelqaraliq teshkilatlar nopuzi we ilkidiki imkaniyetlirini seperwer qilip, afghanistanda tinchliq ornitish we bixeterlikni kapaletke ige qilishqa hesse qoshushqa chaqirilghan bayannamide, hökümet bilen taliban otturisidiki sürkilishke xatime bérishning eng muwapiq yolining milliy diyalog we tinchliq söhbiti ötküzüsh musapisini bésip ötidighanliqi eskertildi.



مۇناسىۋەتلىك خەۋەرلەر