amérikiliq 5300 eskerning jesiti pat arida qayturup bérilidu

koréye urushigha qatnashqan we jesiti koréye yérim arilida qalghan texminen 300 neper türk eskerning méyitiningmu türkiyege qayturup bérilishi mölcherlenmekte.

amérikiliq 5300 eskerning jesiti pat arida qayturup bérilidu

 

türkiye awazi radiyosi xewiri: koréye urushida ölgen amérikiliq 5300 eskerge tewe söngek qalduqliri pat yéqinda qayturup bérilidighan boldi.

amérika pirézidénti donald tramp bilen shimaliy koréye rehbiri kim chongun otturisida aldinqi ay singaporda ötküzülgen uchrishishtin kéyin, koréye urushida ölgen amérika eskerlirining méyitlirining qayturup bérilidighanliqi élan qilinghan idi.

amérika tashqi ishlar ministiri mayk pompiyo eskerlerge tewe söngek qalduqlirining bir qanche hepte ichde qayturup kélinidighanliqini élan qildi.

1950yilidin 1953yillirighiche bolghan mezgilde shimaliy koréye bilen jenubiy koriye ottursida yüz bergen ichki urush, deslepte amérika we ittipaqdashliri, andin xitay xelq jumhuriyitining qatnishishi bilen xelqaraliq sewiyege chiqqan idi.

urushtin kéyin kélishim tüzüsh mumkin bolmighanliqi sewebidin mingilghan eskerlerning jesiti shimaliy koréyede qalghan idi.

söngek qalduqlirining jenubiy koréyediki birleshken döletler teshkilati qomandanliq ishtabigha tapshurup bérilidighanliqi we u yerdin hawaydiki hawa armiye bazisigha yötkilidighanliqi bildürülmekte.

shimaliy koréye we amérika otturisida ötküzülgen tarixiy ehmiyetke ige aliy rehber uchrishishida imzalanghan kélishimge binaen kimliki namelum eskerlerning kimlikliri éniqlinip öz döletlirge qayturup bérilidighanliqi jakarlandi.

buninggha asasen türkiyemu heriketke ötti.

türkiyelik shéhit eskerlerning kimliki éniqlanghandin kéyin, texminen 300 neper eskerning méyitining türkiyege qayturup bérilishi mölcherlenmekte.

 



مۇناسىۋەتلىك خەۋەرلەر